استفسار بخصوص ماتور الشاريد

**matrix_it** · 29-11-2014 12:44 AM

ممكن اعرف جبته سعره كام و بالفتيس و التكيف ولا من غير؟ و هل قطع غيارها منتشرة هناك ولا لا؟

**mohamed atty** · 01-12-2014 12:52 PM

المشاركة الأصلية كتبت بواسطة sica_1

احسن حاجه من بور سعيد ويكون معاك ميكانيكي شاطر عشان تجرب الموتور
انا لسه مغيره من اسبوعين من تاجر ببور سعيد اسمه محمد الالفي وانا نازل ان شاء الله يوم الاحد 30/11/2014 اخذ ورق التخليص الجمركي والتحويل للمرور الللي انا تابع ليه

جيبته بكام ؟؟؟ وكان كامل و الا الماتور لوحده ؟؟؟؟
و هو كان مانيوال والا اتوماتيك ؟؟؟

**sica_1** · 02-12-2014 03:17 PM

المشاركة الأصلية كتبت بواسطة matrix_it

ممكن اعرف جبته سعره كام و بالفتيس و التكيف ولا من غير؟ و هل قطع غيارها منتشرة هناك ولا لا؟

يوم ما انا روحت ما لقيتش غير المانوال بس انا الفتيس الاوتوماتيك كان عندي كويس فجبت الماكنه بالفتيس المانوال وغيرته هنا في مصر وشغاله والحمد لله وكان الماكنه كامله من غير تكييف 3300 بس من واحد مضمون وكان في لغايه 2500 بس تعبان

وقطع غيارها موجوده بس الافضل تكون عارف شكل الحاجه اللي انتا عايزها وتدور عليها من علي العربيات اللي علي الرصيف الاول ولو ما لقيتهاش اسئل المحلات

وخلي بالك من القومسيونجيه

**matrix_it** · 02-12-2014 07:15 PM

خايف اجيبها اتدبس في قطع غيارها مع العلم انا من اسكندرية !!
هل من بديل للشاريد ؟

Sent from my Nexus 5 using Forum Runner

**sohbamody** · 04-12-2014 05:38 PM

مفيش ماتور اوتوماتك خالص فى بورسعيد ؟ والى حضرتكركبته كده العربيه رجعت مانوال وﻻ عدلت وركبت الفتيس القديم

**sica_1** · 07-12-2014 08:24 AM

المشاركة الأصلية كتبت بواسطة sohbamody

مفيش ماتور اوتوماتك خالص فى بورسعيد ؟ والى حضرتكركبته كده العربيه رجعت مانوال وﻻ عدلت وركبت الفتيس القديم

يوم ما انا روحت ملقيتش موتور اوتوماتيك بيقولو في مشكله في الجمارك مش عارف ايه هيا

وبعدينا الفتيس الاوتوماتيك بتاعي كان كويس فا اشتريت موتور مع فتيس مانويل وركبت الفتيس بتاعي الاوتوماتيك علي الموتور الجديد عادي بدون اي تعديل وشغلته

**sica_1** · 07-12-2014 09:13 AM

المشاركة الأصلية كتبت بواسطة sica_1

يوم ما انا روحت ملقيتش موتور بفتيس اوتوماتيك بيقولو في مشكله في الجمارك مش عارف ايه هيا

وبعدينا الفتيس الاوتوماتيك بتاعي كان كويس فا اشتريت موتور مع فتيس مانويل وشيلت الفتيس المانويل وركبت الفتيس بتاعي الاوتوماتيك علي الموتور الجديد عادي بدون اي تعديل وشغلته

**sohbamody** · 09-12-2014 10:09 PM

تسلم على الرد يا باشا انا كنت قلقان من موضوع الفتيس الاوتو عشان عارف انه نادر وطالما الموتور بيركب عادى بدون تعديل على الجير بوكس فمش مشكله انك تجيب موتور وتعدل

**medo5th** · 17-12-2014 10:56 AM

المشاركة الأصلية كتبت بواسطة sica_1

يوم ما انا روحت ما لقيتش غير المانوال بس انا الفتيس الاوتوماتيك كان عندي كويس فجبت الماكنه بالفتيس المانوال وغيرته هنا في مصر وشغاله والحمد لله وكان الماكنه كامله من غير تكييف 3300 بس من واحد مضمون وكان في لغايه 2500 بس تعبان

وقطع غيارها موجوده بس الافضل تكون عارف شكل الحاجه اللي انتا عايزها وتدور عليها من علي العربيات اللي علي الرصيف الاول ولو ما لقيتهاش اسئل المحلات

وخلي بالك من القومسيونجيه

فهمنا ايه موضوع القومسيونجيه دا علشان انا نازل السبت الجاى ان شاء الله

**sica_1** · 18-12-2014 10:03 AM

المشاركة الأصلية كتبت بواسطة medo5th

فهمنا ايه موضوع القومسيونجيه دا علشان انا نازل السبت الجاى ان شاء الله

القوسيونجي عو واحد عامل ذي الدﻻله اول ما يحس انك غريب عن البلد ومعاكش صنايعي يجي يسائلك عايز حاجه ويقعد يلف معاك هو في ميزه انه عارف كل حاجه مكانها فين وعند مين وفي اﻻخر تديله 20 جنيه بس عيبه لو ماعكش صنايعي فاهم ممكن يلبسك في حاجه مضروبه.

ويفضل تروح اﻻحد عشان هما السبت عندهم اول اﻻسبوع ولو في بضاعه جاتلهم بيبقو مشغولين بفرشها
انتا رايح تحيب ايه بالظبط يمكن افيدك