حضرتك تقصد محمود بتاع الرينو بس دا عنده كل حاجه للوجان؟
عرض للطباعة
الصراحة مش عارف اذا كان عنده كل حاجة و لا لأ ,, بس بشوف عنده انصاص رينو
انا مش معايا رينو بس كذا واحد من اصحابى معاهم رينو ,, منهم اللى معاه اللوجان الجديدة و القديمة
و فى منهم اللى اتعامل معاه بس الصراحة مهتمتش انى اسألهم عن تفاصيل الحاجات اللى عنده بالظبط
الف شكر يا ريس انا اصلا بيت العيله في السادات عند الطريق الدائري كده بس هشوف الظروف عشان صاحبي دا مقتنع بموتور متسوبيشي مع اني شايف لوجان افضل فعلا رغم غلاء قطع غيارها لكن كفايه ان ليها توكيل
اللوجان فعلا قطع غيارها غاليه مقارنه بالفيرنا و اللانوس مثلا
بالنسبة لل FRV او ال FSV ,, حاليا بينزلوا بموتور 1.5 و دا خاص ببريليانس مش
متسوبيشى اما موتور المتسوبيشى ال 1.6 4G18 نزل ف الموديلات الاقدم (ايام لما كانوا 1.6)
و طبعا كتير من الشركات الجديدة اخدت الموتور دا و غيره من مواتير متسوبيشى
لانها شركة كبيرة و ليها تقل فا بالتالى يطمنوا المشترى (زى صاحبك كدا ) لما يلاقى ال three diamonds
على الموتور زى ما حصل ف مصر مثلا مع ال waja و ال byd f3 و ال FRV
رغم ان الموتور تكنولوجيا قديمة و فرأى الشخصى مش مناسب خالص للموديلات الجديدة
مشكوور
السلام عليكم جمعيا
انا بس حبيت اسأل هو احنا كمصريين عندنا خوف ورفض غير مبرر من العربيات الصيني ولا هي فعلا عربيات سيئة يا ريت حد يجاوبني بس يا ريت يكون عن تجربة مع العربية لاتى بفكر اشتري ال frv كروس
ولكم جزيل الشكر