معايا برليانس v5 وصينى ومبشتكيش منها الحمد لله
عرض للطباعة
بص ياباشا
طبعا مش شرط اللي يعجبني يعجب غيري
اتفق معاك
الصيني مش الافضل ولا حاجه
لكنها تدرج
بمعني مين افضل من مين
يعني لمااقارن الايميجراند بلانوس او فيرنا
طبعا في رائيي
الايمجراند تكتسحهم
مفيش مقارنه اساسا
سيبك من صيني وهندي وكوري
عربيه امام عربيه جوده تصنيع امام جوده تصنيع قوه ومتانه امام قوه ومتانه اتساع امام اتساع اوبشن امام اوبشن
المفترض ان المقارنه بين عربتين تكون كده
لما اقارن الايمجراند مثلا باوبترا
في فرق
اكيد مش هاتكون افضل من الاوبترا بالرغم من التقارب
وعدم
خلو اي عربيه مهما كانت فئتها ونوعيتها من العيوب
اكيد انت واخد جوله محترمه في المنتدي وشايف كميه المشاكل وعيوب التصنيع في كل العربيات من كل الماركات
غالي ورخيص
يبقي القصه مش صيني وكوري وياباني واروبي
بالعكس في عربيات صيني نادره المشاكل او العيوب الا البسيط منها واللي يتحل بسهوله وغير مكلف
ان الكل يقارب بعضه حاليا
اما انا كنت راكب ايه
27 3سنوات
25 4 سنوات
شاهين 3سنوات
516 5 سنوات
تيجو سنه و8 شهور
عربيات شعبيه وبسيطه ومش ياباني ولا اوربي ولا كوري
في اعضاء كتير في المنتدي يمتلكون ميجان وسي 4 واوبل
باعو عربياتهم الاوروبي
واشتروا صيني
انت راكب فيرنا
ياما مفيش عندك عربيه
وده اللي انا استنتجته من ردودوك
انك لاتمتلك عربيه
بدون زعل
انا عارف انك قولت فيرنا علشان مواضيعى عنها
اقولك حاجة انا عندى فيرنا مركونة تحت البيت .. بس اقسم بالله عمرى مسوقتها ولا ركبتها .. و مش هسوقها ان شاء الله غير لما اغيرلها عفشتها ان شاء اللة
و انا مبادفعش عنها ولا حاجة انا قرفان منها اشد القرف .
بس برضو مش معنى كدة انى اقول على الصينى وحشة لان عندى فيرنا . مش منطق يعنى
الصينى وحش و الفيرنا وحشة
وانت لازم تقول عليها حلوة علشان العربيات الى كنت راكبها
يمكن انت حظك حلو فى عربيتك و لكن انا عندى اصدقائى معاهم صينى كتير و محدش عاجبة عربيتة و اغلبيتهم كانو راكبين المانى و يبانى قديم
وبيلعنو اليوم الى اشترو فية صينى . علشان شكلها وانتشرها . الى اغلبية الناس بتنخدع فيهم .
عيوب تصنيع بالهبل
عربية ورق .. صينى فعلا
طابلوة بلاستك اعادة تصنيع
زراير بتقع من مكانها
عااااار فعلا .. اغلبية الصينى نازل مصر علشان عارفين ان الشعب على ادة هيرضى باى عربية جديدة فى اوبشن و انوار علشان تزغلل عينة بس للاسف خدعة نجحو فيها الصينييييين
دة رايى و يارييييت متزعلش منى
اختلاف الراي لا يفسد للود قضية
تحياتى
طيب بسم الله الرحمن الرحيم...
الكمبيوتر فالشغل ما بيكتبش عربى و من يوم ما شوفت الرد بتاع الأستاذ هوجان و انا بضحك و نفسي اشكره، بس خلينا نرد على صاحب الموضوع الاول.
استاذي العزيز...حيرتك في ناس كتيره محتاره فيها فعلاً و انا هاتكلم عن تجربة العربيتيين.
اللوجان عربيه مش وحشه تماماً..بس حكاية انها فرنساوي و تكنولوچيا و الكلام ده كله مع احترامي لشخص كل واحد و معلوماته..بس راح عليه خلاص.... اللوجان من الشكل القديم للشكل الجديد يا إما روماني او مغربي او بيقولو عليها اسباني مغربي.. بس هيا مغربي بس او برازيلي... الشكل الجديد و القديم نازلين بنفس الموتور و الفيتيس و العفشه..الزياده ان في عامود اتزان بينزل فالشكل الجديد عشان الشكل القديم كان فيه مشكله فالثبات عالسرعات فوق الـ ١١٠ و دلوقتي اتعالجت شويه فالشكل الجديد بقت المشكله عالسرعات فوق الـ ١٣٠ فقط ان وصلتلها و المشاكل فالمنحنيات قلت بشكل ملحوظ، استهلاك البنزين هو هو...عربيه ١٦٠٠ سي سي بتعمل فالصفيحه حوالي ١٦٠ لـ ١٨٠ كيلو.... العفشه مش سيئه قوي بس ناشفه حبتين ...و قطع الغيار غاليه غاليه غاليه غاليه...الحمد لله العربيه كانت مع اختي الصغيره في مصر الشكل القديم و هنا معايا واحده من عربيات الشغل الشكل الجديد...فالشكل اكيد الشكل الجديد يكسب و الشنطه اوسع حاجه بسيطه.العربيه مش بتاعت جري ولا شد ولا الكلام ده،عربيه عائلية صغيره و حتي عوامل الأمان و التقفيل الداخلي رغم انهم فقراء جداً بس نقدر نقول مقبول بيحاول يبقي جيد، ملحوظه..العربيه ما كانتش مريحه اختي و باعتها بعد ٣ سنين بسبب غلو اسعار قطع الغيار و المانيوال و الفيتيس ماكانوش مريحينها و طبعاً هي بنت فا شكل العربيه ما كانش عاجبها.
نيجي نتكلم عن العربيه الصيني الــ FRV و الــ FRV Cross ..الحمد لله انا جبت العربيه في ٢٠١١ و سافرت دراسه وعمل و لما رجعت تاني جبتها ٢٠١٣... العربيه لما كانت بــ ٨٨ الف كانت بتتفوق على عربيات كتيره في فئات اعلى منها..العربيه بتنزل بموتور مايفك ١٥٠٠ و فيتيس مانيوال ميتسوبيشي و ده في الموديلات بتاعت دلوقتي.. عفشة العربيه تصميم بورش بس تصنيع الصين...العربيه كلها على بعضها صيني.. الحمد لله العربيه ما كانش فيها مشاكل على السرعات ولا الملفات...حتى سرعة ١٩٠...اما بعد الـ ١٩٠ بتحس ان العربيه بقت خفيفه جداً لدرجة ساعات كنت بحس اني طاير فعلاً ...العفشه ناشفه شويه و مش مريحه على السرعات على الطرق الوعره..بس ما بتدبش قوي...انما عالطرق العاديه احساسها جميل..كماليات و تقفيل فوق الممتاز..تسارع و فرامل و عوامل امان الحمد لله لحقتني و انقذتني كتير جداً...كانت بتعمل من ١٨٠ لـ٢١٠ كيلو فالصفيحه.. و بصراحه كانت صفقه رهيبه لدرجة ان اختي التانيه خدت الـ ٢٠١٣ مشيت بيها شويه قبل البيع.. ده غير ان في ٤ اصدقائي مقربين جابوها بعد تجربتها معايا و عن اقتناع... مشاكل العربيه انا قطع غيارها اغلى من الكوري بس ارخص كتير قوي من اللوجان. و كان مره حصل مشكله في علبة الشكمان و اتغيرت فالتوكيل.
توكيلات العربيتيين تمام... مع ان من وجهة نظري البافارية افضل توكيل اتعاملت معاه.
الخلاصه...كعربيه ركوبه و توفير بنزين و قطع غيار و كده من وجهة نظري المتواضعه مافيش وجه مقارنه مابين عربيه صيني ممتازه من كل المقاييس و عربيه مغربي و قطع غيارها كلها صيني و نقدر نديها تقييم مقبول او جيد.
سعر اعادة البيع لو حد هايتكلم عليه اكيد اللوجان هاتكسب بس الفرق مش كبير تماماً و الكلام ده كله عن تجربه و خبرة عمليه شخصيه.
شوف التوكيلا فين و قطع الغيار فين... و استخارة كده للرب و للقلب وإتوكلوا على الله و الف مبروك مقدماً
تعالو بقي نتكلم مع الأستاذ إللي جملة "بلاش صيني" عنده shortcut فالـ keyboard.
انا هاتكلم من وجهة نظري الخاصه المتواضعه جداً و اكيد اختلافنا في وجهات النظر عمره ما بيكون حاجه تعيب للشخص الأخر انما هى اسدال لتجارب و خبرات شخصية... و خد بالك من تجارب و خبرات دي.
يا سيدي انا سافرت كتير و ركبت كتير بواقع عملي كمهندس و كده. ركبت عربيات لم امتلكها كتير جداً بس كانت عربيات اصدقاء او حد من العيله او خاصه بالعمل و التجارب كانت اديتني وقت كافي اني احكم عالعربيات.
بإختصار شديد.. معاك كام و عايز ايه من العربيه.
سامحني...بس مش هايبقي معايا ١٥٠ الف و اركب عربية مستعمله او اركب كيا ريو حتى و انا قدامي SUV مافيش شكاوي كتير منها مع اني شايف ان الموتور صغير و برضه العربيه نزلت في ابو ظبي و بنفس الموتور بتاع مصر و اتباعت و محدش إشتكي منها...و هى صيني و الريو كوري ..الناس اشتكت ان موتور الريو بياكل بنزين مع انه ١٤٠٠ و اشتكت من عفشتها و اشتكو ان قطع الغيار اسعارها غريبه بره التوكيل. خلينا نعقلها...كل واحد و ليه دماغه و ليه توجهاته...و مش معنى انك عندك اصدقاء عانوا مع عربياتهم يبقي كل الناس بتعاني...و إلا ما بقتش الـ BYD F3 اكتسحت الشوارع تاكسي... و ما بقيتش ال EC7 باعت كل المبيعات دي.
و يا سيدي سيبك من انا ركبت ايه و الكلام ده.. انا نفسي دلوقتي اركب A200 بس ماعيش اجيبها... و من رأيي الشخصي شايف ان افضل عربيتيين فالسوق المصري تحت الـ ٩٠ الف هما الچيلي الـ EC7 و الـ BYD L3 ...و دي وجهة نظر بعد تجربة و جري و ملاحظة ثبات و سفر و استهلاك بنزين و قيمة مقابل الفلوس..و لو معايا فلوس زياده هاجيب الكروز و ها كذا... انما يا سيدي الفاضل اني ادخل اقول بلاش صيني و خلاص... يبقي خطأ ان ما كانتش تجربه شخصية منك و مالقيتش ليها حل ولا توكيل و ضمان ولا اي حته...لأن حتى في عالم الإليكترونيات..شركة Sony رائده اهي و حاجه بقلها زمن فالسوق...و الناس بتشتكي من منتجاتها...بس ده ما يمنعش ان في جزء كبير من منتجاتها و زباينها معندهمش اي مشاكل و بيمروا بأحسن تجربة شراء ليهم.
و فالأخر فكر كويس قبل الحكم...و من الافضل تحكم بعد ما تجرب بنفسك.
الصين حلوه !!
بس يا استازى الفاضل انت كان نفسك تضحك .. بس انا ضحكت خلاص ههههههههههه
يعنى اية اسبنى من انى اعرفر انت كنت راكب اية قبل الصينى
مثلا واحد لسة متعلم السواقة جديد معاة فلوس على ادة راح جاب عربية صينى او 128 او 127 حتة .. هتكون بالنسبالة عالمية جامدة جدا مهو اتعود عليها و مجربش غيرها (فاهم الفكرة) انا علشان كدة بسأل كنت راكب اية قبل كدة
و بعدين ما بقول كدة على العربيات الصينى عن تجربة .. هى مش عربياتى كملك بس تعتبر عربياتى من التجربة و الفترة اى شيفها فى وشى على طووووول
و بعدين انا ملاحظ ان كل الى بينتقد كلامى معاهم صينى .. فلازم يدفعو عن عربياتهم حتى لو كان فيها العبر زى النقط الى زكرتها فى فى المشاركة السابقة الى هى
تتلخص فى عربية بلاستك اعادة تصنيع. :36_1_2[1]:
و بعدين انت بتقول فى عربيات صينى نزلت الامارات بيتهيالى و بتتباع .. عايز اقولك العربيات دى بيشتريها الافارقة و الفيلبينييييين :)
فا مش علشان انها نزلت الخليج تبقى جامدة .. و متزعلش منى اصلها حاجة تضحك معلش
و فى النهاية احب اقول تانى .. اختلاف الراى لا يفسد للود قضية
و دة عاى فكرة مش اسلوبى فى الكلام الضحك و الشغل الهالك دة .. بس لازم ارد بنفس الاسلوب معلش :first:
تحياتى
well actually i dun understand why r u so offending the cars while they have been competing in the market for a really long time with a perfect reputation.
any ways i think u have ur points and am not debating about this any more
most likely u r some one who have been born rich so u can afford a 300 000 EGP car so u r not accepting well built and secure enough cars which would cost 90 000 EGP.
let´s just agree that some ppl work hard for years to afford such cheap ¨for u¨cars ,
and lets agree that in my case for example am not paying 200 000 EGP in a car that would give me the same output as a 90 000 EGP car, just becoz of a brand or the brand´s country of origin.
all in all by now the whole spare parts factories of all brands are all in China.
Technologies r to be designed and developed in Labs and implemented in Chinese factories
the same as in BMW .. Designed and Developed in Germany, Made and Assymbled in China, Egypt and some other third world countries around the world.
and stil it all comes after ; how much do u have and what exactly do u need from the car??
r u up to pay for a brand name .. or u r practical enough to pay for ur needs not the names
by the way... here am driving VW Gol 2010 which is a German Brand, and let me tell u something, by far its undoubtly worse than the CHINESE FRV 2011 or even the Fiat Palio 1.6 fire 2008 even worse then the GEN 2012 2.
i had these cars for not less than 3 months driving an testing
its all about the how much u got buddy.
Sorry for writing in English but i hope everyone understands.