الموضوع: الخوف من البريليانس والصين

المشاركة الأصلية كتبت بواسطة hmatchy

بص انا مش هسخر منك علشان زيك زي نص الشعب المصرى الطيب اللى فاكر ان الشيفورليه اللانوس امريكانى والنص التانى عارف انها كورى علشان نزلت بنفس الشكل
بس انا هقولك ان فعلا خبرتك ضعيفه فى العربيات لدرجه انك فاكر ان اللوجان فرنسى
وللمعلومه مش بس بلد الصنع او بلد العلامه التجاريه هيا اللى بتقيم العربيه
معلش اصل احنا ناس بالنسبه لينا العربيه مش مجرد أله توصلنا من مكان للتانى واللى راكب بريليانس بس هو اللى هيفهم قصدى

مش هتسخر منى !! انت سخرت منى و من نصف الشعب الى مش فاهم حاجة.. و انت الى فاهم ههههه (تناقض بسيط بس قشطة عديناها ههه)

انا لما قولت لوجان فرنسية كنت اقصد رينو كأسم مش بلد الصنع الى انتا فاكرها معلومات سرية محديش يفهمها غير الخبرة الى زيك هههههه

انا مش متفق معاك فى الحتة بتاعت بلد الصنع دى .. من اهم مميزات اى عربية بلد صنعها .. زى المانى.. امريكانى الخ....... .. انت بقى خبرة مفروض تبقى عارف

فعلا الى هيركب بريليانس بس هو الى هيعرف ان العربية مش مجرد ألة للتوصيل .. ههههه على الطلاق خبرة و معلوماتك اييييية لوووووووز

و شكرا على الكلام اللطيف الى الخبرة كاتبة

المشاركة الأصلية كتبت بواسطة Hmatchy

انا نفسي قصير فى المنقشات دى بس للاسف بعض الناس بتفتكر عدم الرد هو عدم المقدره عليه
دلوقتى لما انت بتقول انك عارف ان اللوجان مش فرنسيه وترجع تقول ان اهم مميزات العربيه بلد صنعها وانت ذكرت انها فرنسيه تفتكر ده مش نوع من انواع الغش والتراجع فى الكلام
اما بقى موضوع ان البريليانس مش مجرد اله توصيل ليك حق تسخر منها لانك مركبتهاش ولا سوقتها لكن لما تركبها وتسوقها وتقارنها باللانوس والفيرنا واللوجان والسيراتو الشكل القديم هتفهم قصدى
اما نقطه خبره ومش خبره يا سيدى انا عبد الله الفقير الجاهل وتحياتى ليك يا استاذ الاساتذه

بص يا باشا انا زيك برضو مبحبش الجدال والله بس مبحبش حد يترق عليا و اسكت

و انا بس معترض على الاسلوب الهجومى و التريقة .. و يا باشا كلنا عباد الله الفقراء اليه ..

و انا اكيد مش زى حضرتك فى المعلومات .. بس ممكن توصلى المعلومة الى حضرتك تعرفها باسلوب كويس

و فى الاخر انا مش عايز حد يزعل منى .. دة اختلاف فى الرأى و المفروض نتناقش مش نتريق على بعض .

و على العموم انا اتشرفت بحضرتك و مش عايزك تزعل

ياجماعه فيه شبه إجماع على إن العربيه بتسخن بسبب وجود عيب ف نظام التبريد وإن فيها مروحة تبريد واحده مش إتنين زي العربيات التانيه ... ياريت حد من ملاك ومجربين العربيه يؤكد او ينفي الموضوع ده .

هو ليه ماحدش بيرد على موضوع السخونيه ده من الاخوه اللي عمالين يدافعوا بإستماته عن العربيه ؟
اللي سمعته من كذا حد ان الماتور ال 1500 بيسخن .. وسألت ف مية موضوع هنا ف المنتدى وماحدش بيرد ع الحته دي ليه مش فاهم ...

بص يا باشا ... العربية كنت معايا تقريباً من 2011 لحد 2014 .... ولا حسيت ولا بسخونية ولا الكلام ده ... وكنت شغالة بالمايه بتاعت التوكيل

المشاركة الأصلية كتبت بواسطة samakaerror

بص يا باشا ... العربية كنت معايا تقريباً من 2011 لحد 2014 .... ولا حسيت ولا بسخونية ولا الكلام ده ... وكنت شغالة بالمايه بتاعت التوكيل

عربيتك 1500 ياباشا ..؟

أخر frv 1600 نزلت في 2010 وكانت أوتوماتيك فقط ،،، فأيوة العربية كانت 1500 مانيوال