الموضوع: ix 35 ولا sportage ولا سوبارو xv

المشاركة الأصلية كتبت بواسطة D.R.Mahmoud

السلام عليكم يا استاذ عبد الخالق
احب احيى حضرتك على وجهة نظرك المحترمة بس هو الموضوع من الاخر من وجهة نظرى لية ابعاد كتير يعنى فى واحد زي حضرتك بيقارن بين العربيات على اساس مميزاتها فقط وفى ناس تانيه بتقارن على اساس العيوب فقط وناس تالتة بتمسك العصاية من النص بس فى الاخر اللى بيحكم الموضوع مش مجرد وجهات النظر لاكن الحالة الثقافية والاجتماعية و مستوى المعيشة ودة مشكلة كبيرة طبعا فى مصر يعنى اللى بيكسب فى الشهر الفين جنية بيفكر بطريقة غير اللى بيكسب خمسة غير اللى بيكسب عشرة غير اللى بيكسب عشرين وانا عن نفسى اعرف واحد معرفة كدة بيكسب فالشهر حوالى 300 الف زوجتة كانت رايحة تجيب توسان من معرض فصاحب المعرض قلها خلصت والله وهنجيب تانى بعد يومين ( يومين يعنى 48 ساعة ) فلقت بيجو 3008 وقفة فقالتلة طب هاتلى دى ,,شفت الدنيا سهلة ازاااااى
الجميل فى المنتدى هنا انة بيضم فئات متعددة من الناس من اول اللى راكب عربية 127 ام 8 الاف جنية لحاد اللى راكب عربية بمليون واتنين وكلة بيقول راية وممكن راى حضرتك يكون اقرب لمتسائل من رايى تبعا لتقارب ظروفكم وممكن رايى يناسب متسائل اخر اكتر من راي حضرتك تبعا لتقارب ظروفنا وكلنا هنا بنتكلم عل سبيل النصيحة
اللى بيزعل فعلا هو التشدد والتعصب للراى واستخدام علامة الاستهجان (!!!!) اكتر من مرة وكأن الناس كلها لازم يفكروا بنفس طريقة التفكير المتعصبة دى لانها صح غصبن عن ظروف اى حد هو كدة ولازم تفكر كدة
يريت كلنا نقول راينا بهدووء وكل واحد بيؤل راى اكيد هلاقى حد ياخد ية بس من غير تعصب

رايى باى فى الموضوع ان السوبارو تجبها لومش فارق معاك تمنها فهى رقم واحد بلا منازع

سيدي الفاضل
رأيي مافيهوش اي اهانه لا متعمده ولا مقصوده لأي شخص فاضل هنا اطلاقااا
وبعتذر لو ممكن يتفهم كده
لكن كلامي فيه تعصب ضد ال stereotyping اللي عمل قيمه لأشياء لاتساوي قيمتها الحقيقيه نتيجة العرض والطلب بناء على 90% اشاعات, 10% حقائق محرّفه او واخده اكبر من حجمها
عشان كده بقول, ان الحديث عن (الاقتصاديه) بيتوقف بعد تعدي شريحه سعريه معينه
مش شرط انى منتمي الى شريحة القادرين عليها, ومش شايف ده ليه علاقه بحكمي على الأمور عموما
اللي بيقارن بين سيارة كذا وكذا عارف سعر الاتنين
اذا هو قادر وربنا يزيدنا جميعا

يبقى الحكم على الأمور من وجهة نظر طالب النصيحه مش وجهة نظري انا, فاهم قصدي؟
يعني ممكن اكون انا راكب عربية ب 10 الاف جنيه, بس اعرف انصح اللي هيشتري عربيتي واللي هيشتري عربيه بمليون

المشاركة الأصلية كتبت بواسطة svneleven

أنا ما ركبتش و لا واحدة فيهم. لكن معلوماتي أن ال xv شنطة ضيقة و اعادة بيع مش زي ال كيا و ال هيونداي. طبعا ال سوبارو أقوي و awd و عربية للي بيحب السواقة. و راعي أن سعرها أقل من الاتنين.
ال كيا شكلها أحلي و الهيونداي بشوف أدائها أحسن. أنا جريت مع الاتنين و حسيت ال هيونداي بتأدي أحسن.
أتمني الملاك يفيدو حضرتك لأن للأسف ماليش تجربة شخصية.

بدون تفاصيل كتير الكلام ده من الاخر و وجه نظر من ارض الواقع
تحياتي

المشاركة الأصلية كتبت بواسطة abdulkhaleq

سيدي الفاضل
رأيي مافيهوش اي اهانه لا متعمده ولا مقصوده لأي شخص فاضل هنا اطلاقااا
وبعتذر لو ممكن يتفهم كده

يا فندم انا عارف ان كلام حضرتك مفهوش اى اهانة لا متعمدة ولا مقصودة لاى شخص و بالعكس انا قولت فى مضمون كلامى ان كلام حضرتك صح 100% بس لشخص فى نفس ظروف حضرتك وكلمت بعتذر دى انا مش معاك فيها لانك مغلطتش اساسا علشان تعتذر انا بس عيزك تاخد الامور ببساطة مش اكتر

المشاركة الأصلية كتبت بواسطة abdulkhaleq

لكن كلامي فيه تعصب ضد ال stereotyping اللي عمل قيمه لأشياء لاتساوي قيمتها الحقيقيه نتيجة العرض والطلب بناء على 90% اشاعات, 10% حقائق محرّفه او واخده اكبر من حجمها

وهو دا دور المنتدى فى تعديل الفكرة دى علشان السائل بيسمع من كذا واحد و كذا وجهة نظر مختلفة مش زى زمان بيروح بسئل الميكانيكى اللى بيقولة على الحاجة اللى هتريحة فالتصليح بغض النظر عن المميزات والعيوب

المشاركة الأصلية كتبت بواسطة abdulkhaleq

عشان كده بقول, ان الحديث عن (الاقتصاديه) بيتوقف بعد تعدي شريحه سعريه معينه
مش شرط انى منتمي الى شريحة القادرين عليها, ومش شايف ده ليه علاقه بحكمي على الأمور عموما
اللي بيقارن بين سيارة كذا وكذا عارف سعر الاتنين
اذا هو قادر وربنا يزيدنا جميعا

انا مش مع حضرتك فى الكلام دة لان انا اعرف واحد معاة x1 2014 bm مرايتة الجانبية اتكسرت فراح سئل فالتوكيل الولة 11 الف وخدها كمان بعد 3 شهور على ما جت من المانيا ,, المهم اخت الراجل دة لما جت تجيب عربية جابت مرسيدس 2014 مش فاكر موديل اية بالظبط ,المهم لما سئلتها لية مجبتيش bm زى اخوكى قالتلى على موضوع المراية دة وكمان انة عمل اول صيانة فالتوكيل والعربية مفهاش الهوا واخدو منة 8 الاف جنية وانا مش اد المصاريف دى

المشاركة الأصلية كتبت بواسطة abdulkhaleq

يبقى الحكم على الأمور من وجهة نظر طالب النصيحه مش وجهة نظري انا, فاهم قصدي؟
يعني ممكن اكون انا راكب عربية ب 10 الاف جنيه, بس اعرف انصح اللي هيشتري عربيتي واللي هيشتري عربيه بمليون

طب حضرتك عرفت وجهة نظرة منين من غير ماتسئلة ؟ حضرتك عملت العكس تماما , قولت وجهة نظرك مباشرة وبعصبية كمان

اطلاقا
انا مش قصدي وجهة نظري كفرض رأي
انا قصدي ان حضرتك بتقول كل واحد بينصح بشكل عشان ظروف الناس مختلفه
فكان قصدي بوجهة نظر السائل ان انا ممكن تكون مقدرتي اعلى او اقل
لكن يظل في حد بيسأل في رينج معين
فاهم قصدي ؟