ربنا يبارك فيك وشكرا علي الرد يا ريت لو تديني رايك فالميكانيكيون العرب او لو تعرف توكيل كويس ومحترم في اسعاره
عرض للطباعة
يعنى منالاخر كده اجيبها سيراتو وله مازدا 3 احسن
لا ازى ياراجل صلى على النبى الشى الوحيد بين السيراتو والمازدا شاشه 7 انش والجنط بتاع مادا نازل 16 ومفهوش موديلات كتيره زى سيراتو بس سؤالى بجد لان ناوى اشترى بجد هاى لاين اختار مين فيهم مازدا وله سيراتو وهل سيراتو جديده بتحك فى المطبات وله لا باعتبار ان انت عندك سيراتو 2015
اها انا بسالك لان انا احنا عيله اربعه افراد فقط وركبت مازدا 3 فى اوتو غبور وشويه ضيقه على عيلتى ولمه ركبت سيراتو فرق شاسع بينها وبين مازدا 3 فى الوسع الداخلى والاوبشنز انا ارجح زى ماحضرتك قلت كيا اولا ثم مازدا
انا الحمدلله استقريت على كيا سيراتو هاى لاين لون فيرانى حلو جبتها من التوكيل الرئيسى ابورواش وعامله شغل حلو
وطمنى اخبار العربيه معاك ايه
مشكوووووور والله يعطيك الف عافيه
بس ممكن افيد حضرتكم بصور والاستاذ AHMED1718 خبير جدا وشكراااااااااااااااااا ماشاء الله عليك
كيا سيراتو2015
http://www.kia.com.au/assets/images/...dan.png?&la=en
https://encrypted-tbn1.gstatic.com/i...VwYOUm2y53_30A
http://www.nilemotors.net/Nile/data:...rChQHIUKFAf//Z
https://encrypted-tbn1.gstatic.com/i...KsSjg1yxQHaK26
http://www.almrsal.com/wp-content/up...rato-Sedan.jpg
http://www.alimtyaz.com/wp-content/u...rato-Sedan.jpg
http://www.alimtyaz.com/wp-content/u...erato-Koup.jpg
الصراحة الفرش جميل جدا
تمام وصلت فيها 20 الف انا لسه يادوب9 الف بس
االسلام عليكم
ارجوكم ارجوكم محتاج مساعده
اشتري السيراتو خليجي و لا وكيل .... و في حد جرب ضمان aaa
ارجوكم انا عايز اشتري بكره
اول مره اسمع كده ضمان ده فين ده انا بصراحه متعاملش بره التوكيل بس ايه ضمان ده
استاذ احمد معلش عندى سؤالين مهمين جدا لأنى ناوى اشترى الشهر ده باذن الله ويمكن رد حضرتك يحدد هشترى ايه ..
فى الاول فكرت فى الفلوانس وبعدين استقريت على الكورولا لكذا سبب شرحتهم فى قسم المقارنات فى موضوع عنوانه:
"فلوانس/كورولا/استر .. بعد البحث ..اخيرا قررت"
ورحت فعلا اوتو سمير ريان عشان اشوف الكورولا ..وهناك شفت سيراتو خليجى لونها يجنن .. بالذات ان الكورولا والفلوانس الوانهم تعبانه جدا .. المهم العربيه دى لونها شدنى جدا مع الجنوط ال 17 حاجه وهميه فعلا .. سألت عليها عرفت انها خليجى .. سعرها 170 الف .. جنوط 17 ومثبت وليدات ورا وقدام وفتحه سقف وحساسات ركن ومرايات ضم وحاجات تانيه كتير .. باختصار كل مايتمناه المرأ :)
سؤالى لسيادتك عن حاجتين وبدون تحيز لعربيتك:
1 - عفشه العربيه دى ناعمه ولا ناشفه ..لأنى عندى مشاكل بالظهر وعايز حاجه محسش فيها بالشوارع الجميله بتاعتنا .. يعنى بالمقارنه بالكورولا هى انعم ولا انشف .. انا معايا اكسنت ار بى وتعبت منها اوى .. عايز حاجه مريحه .. تنصحنى بالعربيه دى ولا لأ ؟
2 - اللى فهمته انك مشترتش ضمان .. طيب بالنسبه للصيانات الدوريه .. اللى بيشترى خليجى بيعمل صيانات دوريه فى التوكيل ولا التوكيل بيقول ماليش دعوه ؟ .. وهل ينفع أأمن على العربيه واصلح فى التوكيل ولا ايه؟
اشكرك على سعة صدرك
العفشة كويسة بالنسبة لحجم الجنط أنعم من السيراتو الشكل القديم وانعم من الأر بي. بس الكورلا والاسترا أنعم شوية ..
بالنسبة الصيانات بتتعمل ف اي مكان عادي ..اللي معاه الضمان هوا اللي بيبقا مجبر بمراكز معينة .والتوكيل بيقبل صيانات عادي .
لكن لو هتامن تبع شركة معينة وحاجة باظت مش تتعرف تصلحها ف التوكيل
مبروك يا باشا الف مبروك وربنا يديك خيرها ويبعد عنك شرها بس مش 215 مبالغ فيها شوية فى مصر ولا اية
ربنا يباركلك فيها والف الف مبروك
بص يامحمد ماطول الاسعار عاليه دى نتيجه العمله الصعبه الى هيا دولار ونتيجه الاقتصاد الدول والضرايب والخ فعشان كده لمه تشوف اسعار بره متجبيش العربيه 130 الف وهنا تفاجى انها 180 الف فتاكد ان كل دوله سعر واقتصاد وعمله صعبه شكل ومتنساش الدولار عندنا عالى جدا وربك المستعان
اضافة الى المشاركات السابقة ...لعل الكل يستفيد ..انا فى السعودية اشتريت سيراتو ٢٠١٥ استاندر ...وانصحكم ما تجيبوهاش ...والسبب الفرامل تعبانة ....ما فيهاش abs..
وفعلا انا حسيت بقيمة الabs لما شفت فيديو يوضح الفرق بين الabs والفرامل العادية ...ومع ذلك فى السفر بضطر افتح ١٨٠و ١٩٠...اللى عايز سيراتو يبدأمن الفئة الثالثة عشان الabs مهم جدا .....لكن صالونها واسع وشنطتها واسعة ...وسحبها معقول ..
اضافة الى المشاركات السابقة ...لعل الكل يستفيد ..انا فى السعودية اشتريت سيراتو ٢٠١٥ استاندر ...وانصحكم ما تجيبوهاش ...والسبب الفرامل تعبانة ....ما فيهاش abs..
وفعلا انا حسيت بقيمة الabs لما شفت فيديو يوضح الفرق بين الabs والفرامل العادية ...ومع ذلك فى السفر بضطر افتح ١٨٠و ١٩٠...اللى عايز سيراتو يبدأمن الفئة الثالثة عشان الabs مهم جدا .....لكن صالونها واسع وشنطتها واسعة ...وسحبها معقول ..
انا عندى اعلا فئه يا وائل العربيه تمام حلوا
على رايك احمد محدش يركب الكورى الا لو فيها اى بى اس اقل حاجه يعنى
السيراتو عربيه جميله جدا ركبتها و كانت فى منتها الجمال عندى سوال بعيد عن العربيات مش عارف اشارك اى حاجه حد يقولى اعمل ايه فى اسرع وقت
هاحاول افيدك لانى امتلك الفلوينس والسيراتو
المقارنة كاتالى :
- سحب وقوة موتور فى صالح السيراتوا ماشاء الله هايلة وفيها طعم الالمانى , الفلوينس عربية عاقلة السحب فيها فى الاول بطىء نتيجة للفتيس ال x tronic
- الكمالبات تقريبا متساوية وتميل لصالح الفلواينس زى وحدة رفع الزجاج وفتحة السقف مع البصمة وغلق السيارة اتوماتيك بمجرد الابتعاد عنها والتكييف التاتش والفرش الجلد والزينون لان السيراتو الهاى لاين عندى تكييف بكر
- اداء التكييف متساوى
- العفشة لصالح الفلواينس بدون مقارنة
- الثبات ممتاز فى الاتنين بس الفلواينس تكسب :up:
- المساحة الداخلية للفلوينس اكبر
- خدمة مابعد البيع الاتنين توكيلاتهم ممتازة وهو نفس المالك
ملاحظة ان موتور وفتييس وتكييف الفلواينس هما نفس مواتيير القشقاى القديمة والسنترا
اتمنى اكون فيدتك
ملحوظة الفلوينس 2014 والكيا 2015
العربيه صفقه رابحه جدا وشكلها حلو وشكل ازواق وعمليه وقطع غيار متوفره واعاده بيع ممتاز عليها ومعروفه ومشهوره
وتبقى السيراتو العشق الاول والاخير لكل من يحسها ويفهمها صح
طب بالنسبه لعلوها عن اﻻرض .لتهيألى انها ممكن تحك فى المطبات العاليه
ميزه الفلوانس عنها انها اعلى بكتير
ياجدعان كل عربيتا مصر السيدان تبتدى 14 14 ونص سنتى واعل حاجه 15 مفيش اعلا من كده ومش بتحك الجديده مهى عندى ولا بتحك اصلا
فعلا العربية ما بتحكش......انا شايف ان ما فيهاش عيوب جوهرية
أنا محتاج الرد على الموضوع ده لأنه واششني من اسبوعين، لكن انا اتكعبلت في موقع كيا شمال افريقيا بيقول ان ارتفاعها عن الارض 15 سم، ويمكن عشان كده محدش بيقول انها بتحك
واللي بره ممكن تكون هي اللي 13.9
زي شارك ماهي اللي في مصر اسمها شارك تعليق عالي، ارتفاعها 16.5 سم رغم انه ارتفاعها هو 15 سم بره
بس لو كده فيجب على التوكيل توضيح النقطه دي في البورشور بتاعه، ده لو صحيح
والموقع أهوه
Cerato Sedan | Kia Motors South Africa
فرجاء الافاده أفادكم الله.