تقرير كيا سيراتو 2015 توب لاين
العربية دلوقتي عاملة 6000 كم
كنت مآجل التقرير لاختبارها بعد التليين والسفر والتنطيط ..
قبل ف التفاصيل حابب انوه ان كان معايا السيراتو 2011 وبعتها ماشيا 145000 كم
هبدأ بانطباعي عن الجديدة ويليه الفرووق مابينهم
اولا العزل ومقاومة الهوا ممتازين أحسن من مثيلاتها من موديلات سابقة
الأداء لا غبار عليه ممتاز بردو ولهواة الجري هتشبع رغباتهم ..شخصيا جبت بيها 215 ..من صفر ل 205 بدون أي معاناة أو احساس باقل بعد كده بيبقا على حسب ظروف الطريق والهوا
صوت الماتور ونعوميته أحسن بكتير من ال 2011
نيجي علي العفشة .. السيراتو القديمة اللي كانت معايا كانت جنط 16 وطبعا كلنا عارفين اد ايه كانت ناشفة ومزعجة وتنطيط
واللي مكنش متعود على النشوفيه دي كره العربية
لكن الجديدة جنط 17 وأنعم بمراحل والحمد لله مفيش تنطيط ولا حاجة ومريحة . ف قاعدتها .
الأوبشن والحركات ظريفة مش بطاله ..عاجبني فيها الزينون الفابريكا وشاشة welcom و follow me home
وحوار الباور ..حسيت ان القديمة مكنش فيها باور .. :) اه والفرش الجلد الفابريكا باين فيه الصرف الصراحة
آخر حاجة الفرامل ..القديمة والجديدة حاسسهم زي بعض مفيش فرق يذكر ..
والكاسيت ٤ سماعات و٢ تويتر عالتابلوه الصوت فيه مجسم. أحسن من القديمة حلو لكن البيز ف القديمة كان احلى
اتمنى اكون افادتكم ولو فيه اي استفسار تحت امركم
ف التسارع ممتازة وبلاش نتكلم زي أي وأحسن من ايه علشان الحساسيات. بس هيا أحسن من القديمة بفارق ملحوظ.
الشكل العام ازواق بس انا حابب شكلها من ورا لكن قدام مش حابه اوى
طبعا الشنطة والصالون واسعة جدا واوسع من القديمة