فكرة بخصوص تجربة السيارات قبل الشراء

**معاذ الشرباصى** · 23-07-2007 04:27 PM

انا كان عندى فكرة فى دماغى بخصوص الموضوع ده

ايه رأيكم كل فترة الموقع يختار وكيل عين او ماركة معينة

و نكتب ايميل محترم باللغة الانجليزية, و نبعته للشركة الام و وكيلها فى مصر نطالبهم باتاحة فرصة تجربة السيارات قبل شرائها, اللى بيحصل فى كل الدول المحترمة و بدأ فى مصر عن طريق وكيل نيسان

و ممكن كمان نذكر فى الايميل ده ان وكيل نيسان سبقهم بالموضوع ده, الامر اللى ساعد على زيادة مبيعاته بشكل كبير

و نفضل نضغط على وكيل وكيل لحد اما يوافق, او يبقى فى تحرك ايجابى و بعد كده ننقل على اللى بعده

تجربة العربيات حاجة مهمة جدا, و فى ناس كتير بتندم بعد شرائها عربيات معينة لأنها دون المستوى, و اخر مثال ال QQ اللى بايو جابها

تجربة العربيات هيمثل ضغط اكبر على الوكلاء من حيث انهم لازم يبقى ضامن انه منزل عربية تستحق فعلا فى السوق, و الا هيبقى خارج المنافسة و ده هيحسن جودة العربيات اللى هتتباع, و هيزود المنافسة بين الوكلاء, و كله فى صالح المستهلك

بكده يبقى فى فعلا دور ايجابى لموقعنا, و مظنش ان صعب نبعت من 100-200 ايميل على الاقل من مجموعة الاعضاء اللى هنا و لا ايه؟

**kareem_Ashmawy** · 23-07-2007 04:59 PM

معاك حق
أنا موافق جدا على الاقتراح ده

**PRO-DRIVE** · 23-07-2007 05:12 PM

فكرة ممتااااازة والله و فعلا لازم تتنفذ

**PAYOO** · 23-07-2007 05:14 PM

يا دكتور معاذ فكرتك جميله بس الكلام ده مع التوكيلات المحترمه وأحنا هنا في مصر في أشد الحاجه للتوكيلات المحترمه بعد أنتشار النصابين بتوع الصيني

وإن شاء الله يا جماعه أستنو مني تقييم كامل لوكيل شيري (CIG) في مصر من خلال تجربتي معه وإن شاء الله هابين لكم مدى وضاعة وسفالة وكلاء الصيني في مصر إللي بيعتبروا الشعب ده مايستاهلش أنه يشتري حاجه نظيفه

على العموم لما أخلص من العربيه الصيني إللي أشتريتها ربنا يسهل وأنقل لكم التجربه كامله بإذن الله

عشان الناس ماتعملش زي ما أنا عملت وأسترخصت وأشتريت كوم الزباله المسمى شيري

**معاذ الشرباصى** · 23-07-2007 05:50 PM

علشان كده يا بايو لازم نبدأ مع الوكلاء المحترمين

و ده هيخلى الدخلاء زى وكيل شيرى و غيره يتكشفوا على حقيقتهم او على الاقل يحسنوا من منتجاتهم (وده مستبعد)

الوكلاء المحترمين زى: عبد اللطيف جميل (دايهاتسو), EIT(رينو و كيا), تويوتا

**3mr Farrag** · 23-07-2007 06:28 PM

طبعا فكره ممتازه يا معاذ ....و ان شاء الله ننفذها

بس ممكن يا بايو تقولي ايه موضوع الشيري اللي جبتاها ديه....ايه المشاكل اللي فيها؟؟؟

**SAbuhashem** · 23-07-2007 07:53 PM

IF the QQ which made in china is crap like you mentioned Payoo so what about the Speranza which made in Egypt??

I don't know why every body is giving me a feeling that the speranza is a BMW hidden in another Brand

I'm 100% agree with this idea

**Ahmed_Ezz** · 23-07-2007 09:52 PM

فكرة ممتازة فعلا

**Sharky** · 23-07-2007 10:29 PM

فكرة ممتازة طبعا و أنا أيدكم فيها

على فكرة فيه توكيلات فعلا بتعمل كده زى توكيل رينو و نيسان و فورد

**معاذ الشرباصى** · 25-07-2007 03:35 PM

فورد عملها لفترة محدودة

و رينو مسمعتش عنها خالص

كمان ابو غالى وكيل سوبارو بيعمل تجربة للعربيات

اما نيسان دول معلمين بجد, التجربة ممكن تعملها فى اى وقت على مدار السنة, لأى عربية نيسان من ال3 سواء صنى, تيدا او اكس ترايل

انا نفسى فعلا ننفذ الفكرة و الموضوع ده يبدأ يبقى حق اصيل للمستهلك فى السوق المصرى