الموضوع: نيو اوبترا 2014 كل الحقائق الكاملة التى لا تعرفها والمواصفات والصور وأخر الأسعار

موضوع رائع و مفصل و جميل كالعاده ... كلمه شكراً لا تكفى لتقدير مجهود حضرتك ...

المشكله فى التوكيل انه فاكر ان نجاح السياره السبعه راكب الصينية N200 , N300 اللى عليها علامه شيفروليه لكنها من انتاج وينج الصينيه (شريك شيفروليه و جنرال موتورز كما اوضحت حضرتك) هايكون سبب لتكرار التجربه دى مع سيارة تانى فى فئة تانى لكنهم ناسيين حاجتين مهمين جداً

1- المستهلك المصرى عامل حد اقصى لسعر السيارات الصينية مهما كانت مواصفاتها و موتورها و امكانياتها بدليل وجود سيارات صينيه ممتازة نزلت مصر و لم تنجح او تحقق مبيعات مطلقاً لان سعرها كان بيدخلها فى فئات اعلى (مثال : MG - FAW) و فيه سيارات صينيه سيئة جداً و لا تستحق سعرها و تحقق مبيعات هائلة نظراً لرخص سعرها بالقياس للسيارات المنافسه فى نفس فئة المواصفات (مثال : جيلى توكيل غبور - شانا توكيل سعودى) و بالتالى السياره دى بالسعر ده هايخلى اى حد يفكر فى اى عربيه تانى

ملاحظه خارج الموضوع : فيه سيارات سبعه راكب صينى اقوى و افضل بمراحل من N300 لكنها لم تحقق مبيعات لان سعرها اعلى (مثال : Landwind - Fujia)

2- السياره اوبترا القديمه و قرينتها افيو عانوا من مشاكل كثيرة جداً مع توكيل منصور جرى طرحها فى المنتدى (مشكله الفرامل و المساعدين فى افيو - مشكلة استهلاك البنزين و عدم توافر بعض قطع الغيار فى اوبترا) و كانوا سيارات GM فعلياً فمابالك بسيارات صينية كل علاقتها ان GM تمتلك نسبه فى الشركات المصنعه لها ..