مساعدة مهمة في الايفون 5s

**Mamoud salah H** · 01-11-2014 09:27 PM

السلام عليكم

انا محتاج مساعدة بسيطة من الناس الي عندها خبرة في السوفت وير عموما وفي موبايلات ايفون 5s خصوصا
دلوقتي انا في واحد معرفة هيجيبلي ايفون 5s من امريكا ةوطبعا هيكون مفتوح رسمي علي كل الشبكات بس انا النقطة دي مقلقاني جدا وخايف تعمل اي مشكلة معايا ف عايز اعرف ايه انسب طريقة وافضل حاجة اعملها عشان اتأكد ان الجهاز مفتووح رسمي من الشركة نفسها ومش ملعوب فيه او انه مثلا يكون مفتوح لمدة معينة وبعد كدة يتقفل لوحدة او بعد اي تحديث للسوفت وير مع العلم انه هيكون متبرشم

انا سألت في تريد لاين ممكن اعرف من خلالهم المعلومة دي وقالوا مينفعش هما بس هيعرفوني ان الجهاز اصلي ولا لا

**Mamoud salah H** · 01-11-2014 11:09 PM

محدش يعرف ولا ايه

**M!SHO** · 02-11-2014 12:25 AM

بص انا كنت بستخدم الموقع ده بس من فتره كبيره

Check IMEI - IMEI.info

**Mamoud salah H** · 02-11-2014 12:32 AM

طب حد يفسرلي الشهادة دي معناها ايه بالظبط

**أحمد كمال** · 02-11-2014 09:46 AM

المشاركة الأصلية كتبت بواسطة mamoud salah h

طب حد يفسرلي الشهادة دي معناها ايه بالظبط

دي معناها ان اللي باعتهالك نصاب ...... لانها شهادة اسهم و هو معدل فيها بالفوتوشوب عشان يكتب انه موزع معتمد ....... و ما مسحش كل الكلام اللي بيقول انها شهادة اسهم

**destaroser** · 02-11-2014 04:50 PM

استاذ محمد نصحتي ليك:
ادخل علي موقع أبل الرسمي وأشتري الايفون 5s اللي عاجبك واللون والسعه التخزينية اللي يعجبك اشتريه( unlocked)اشتريه اونلاين من عندهم ب credit card وابعت التليفون علي معرفتك يجلهوبك
وأبعد عن وجع الدماغ
iPhone 5s , silver, 32gb , unlocked the price is 599$
ده من موقعهم الرسمي

**أحمد كمال** · 02-11-2014 05:29 PM

المشاركة الأصلية كتبت بواسطة mamoud salah h

انا لما قولتلوت انها شهادة اسهم وكدة قالي ان هو ليه في ابل نقااط عشان بيشتري منهم كتيير وبيبدل النقاط بمنتجات ابل

وبما اني مش مقتنع اوي وفي نفس الوقت العرض مغري وغرييب فطلبت المساعدة منكم هنا

نصاب

النت مليان نصابين بيبيعوا تليفونات باسعار فطسانة

و الشهادة واضحة انها نصبة

اسمع مني لو تعبان في فلوسك

و هتلاقيه عايز الفلوس بويسترن يونيون او تحويل بنكي

و ايميله على جيميل او هوتميل او اي حاجة مجانية

**Eq3la** · 03-11-2014 07:29 PM

بـص الايفون طالمـا مفتوح مش هيتقفل خصوصا آنه جايلك متبرشم يعنى لسة متفتحش , وبعدين ايه المشكلة ؟ مانت هتقابلة وهتشوف الجهاز بعدين تدفعلة الفلوس هتخسر ايه ؟!

على فكـرة انا صـاحب محل موبيلات , اللى بقولهولك دة عن ثقة , لو الجهاز مقفول فعلا و انترناشيونال خده وروح تريدلاين او اى محل موبيلات كبير هيقولك اذا كان اصلى ولا لاء و غالبا الايفون مفهوش تقليد بيبقى الشكل و نظام التشغيل مختلف تماما , إنما سامسونج الهاى كوبي منه صعب واحد عادى يفرق بينه وبين الاصلي خصوصا ان الاندرويد اوبين سورس و بينزل على اى حاجة ^_^