الموضوع: حد جرب المصريه للسيارات في البيع او معرض سيارات

يا ريت لو حد يعرف يقولنا علشان اسهل من التجار و وجع الدماغ في البيع ،

والله يا باشا جربناهم مرتين ** فرع كليه البنات ** اول مره الانترا 2012 وتاني مره فيات جراند بونتو 2013
ما شاء الله (( مالهمش فيها )) اللي واقفين بيبيعوا مش عارفين هم بيبيعوا ايه اصلا
لازم تكون عارف انت بتشتري ايه قبل ماتروح لهم وتكون واخد فكره عن العربيه اللي رايح تشتريها قبل ماتروح المعرض .. وتروح مره واتنين وتلاته قبل ماتشتري العربيه وتستقر عليها
هم ممتازين جدا جدا جدا في موضوع الاسعار عارفين كل حاجه وحافظين كل حاجه التقسيط والورق كله كله مفيش مشكله ... ..
بس في موضوع العربيات مش اوي يعني لازم حضرتك تكون عارف انت بتشتري ايه
في نقطه برضه حضرتك تاخد بالك منها وانت بتستلم ورق العربيه .. لاني استلمت العربيه و بعد اسبوع جالي الورق مش مكتوب فيه ( زجاج ملون ) وحصل مشكله في المرور بسبب الورق اللي ناقص ورخصت سنه من غير اثبات الزجاج الملون عالرخصه وغيرتها بعد كده بمعجزه ! واما روحت لهم قالوا لي مشكله حضرتك مش تبعنا !!