ضرورى يارجالة ايه رأيكم في تويوتا كورولا 1998 ( عيون )

**Waleed_aboammar** · 03-11-2014 12:19 PM

المشاركة الأصلية كتبت بواسطة bassem gamal

والله يااريت اجيب زيروو بس المشكلة ان الخمسين دول اخررى خالص
ومينفعش ققسط

ومحتاج فعلا لعربية ودى حالتها العامة جيدة وناس كتير قالت عاليها كويسة

ومش عارف اخد قرار بصراحة وشفت سعرها على المواقع
لقتهاا من 48 الى 54 الف للعلم العربية رشة جنبين بس نظافى والباقى فبريكة

عربية محترمة و بيتمر فيها الشغل... أنا كان معايا لانسر 99 و زى الفل و كل ما تحط فيها قرش يبان عليها .... توكل على الله بس أهم حاجة شيك على بقية العربية و ماتتكسفش تاخد حد متخصص و تشيك على الصاج حتة حتة عشان الحوادث المستخبية... و ربنا يكرمك ان شاء الله

....

**hadidybrothers** · 03-11-2014 03:45 PM

بالنسبه لتويوتا العيون انا معيا عربيه موديل 98 عمله 250000 و ذى الفل لو ميهمكش موضوع الحجم علشان هى متنفعش لعيله
يبقى اتكل على اللله عربيه فوق الممتازه

**ATAHOON** · 04-11-2014 02:21 PM

عربية فوق الممتازة واعتمادية عالية جدا ولكن الحالة العامة يجب ان تكون جيدة ولو حالتها حلوة بخلاف طقم الشنبر تبقى عربية مناسبة

**talhawy** · 11-11-2014 11:34 PM

انا معايا العربية من 4 سنين وهى بصراحة عربية اعتمادية ممتازة وحريقة شغل واخيرا سقطلها موتور 1600 استيراد اتوماتيك بالفتيس بتاعه وارد امريكا 113 حصان بالرغم من التكاليف ( الموضوع دخل بالمصنعيات والورق والنقل فى 9 بواكى ) بس ده لانى عاشق للعربية والموتور ده مرعب فى السحب والشد وخرافى فى اقتصادية استهلاك البنزين ( 280 كيلو من اسكندرية لمطروح والعربية معزوقة بشر وشنط ومشى على سرعة 100-120 واستهلاك 20 لتر بنزين 92 فقط )

بس نصيحة اخوية ليك قصة طقم الشنبر دى قصه فاكسانه ...... طقم شنبر يعنى عمره ومفيش ميكانيكى فى مصر بيظبط زى الخواجة وعن تجربتى مع موتورى القديم ال1300 بعد العمره مش حتنبسط واحتمال يبقى فيه ترشيح زيت او ضعف فى الاداء وبينى وبينك العربية اهم حاجة فيها الموتور حتى لو ماشيه تشخلل

فلو انت مصمم على العربية دى يبقى تعمل حسابك قريبا فى اى وقت على 5 بواكى لو حتجيب شورت بلوك الموتور الصغير او 9 بواكى لو غاوى الوحش الكبير زى حالاتى