السلام عليكم ورحمه الله وبركاته
كنت عايز اسئل عن حاجه بعد اذنكم بالنسبه لدورة الميه بتاعت السيراتو انا معايا سيراتو كوبيه 2011 وبالنسبه لمؤشر الحرارة هوا تحت النص وثابت الحمد لله بس لما بفتح الكبوت وامسك خرطوم ااميه ااي في الوش دا بلاقيه محجر جامد وبعد اما المروحه تشتغل يهدي ويبقي طري ولما بكون مشغل التكييف بيبقي طري انا ماعرفش دا طبيعي والا لا
مع العلم انى غيرت مياه التبريد وغسلت دورة كامله وحطيت ميه فالفولين 50% وبرده نفس الموضوع مع العلم انى قبل ما اغير الميه كانت العربيه لما بمشي مشاوير زحمه كتير كنت بلاحظ العربية بتتقل وبتبقي رخمه كأنك خانقها بعد اما غيرت الميه العربيه الحمد لله بقت فايقه وتحس انها بقت احسن بكتير من الاول بس انا مشكلتى وعايز اعرفها هل طبيعي ان الخرطوم دا يكون مضغوط ولما المروحه تشتغل بيبقي طري هل في مشكله تأخير الثرموثتات فى فتح الدورة والا دا طبيعي وكمان لما بفتح الغطا وهيا الخرطوم مضغوط الميه عملت نافورة وخرجت من العربيه وايدي اتبهدلت وكان يوم زى الفل فهل دا غلط الى انا عملته