ايه هيا أسباب فشل بروتون ساجا

**memo_p910** · 02-11-2014 10:37 PM

دلوقت المنافسه اشتعلت في السوق المصريه على فئة الكومباكت سيدان الاقتصاديه وملاحظ اني لما بشوف مناقشات في الموضوع ده ومقارنات على صفحات الفيس والجروبات مثلا ان المنافسه فيها ميتسوبيشي اتراج والسويفت والجراند اي 10 اللي ب 106000 وغبور منفضها من وسائل الامان والاوبشنز لكن محدش بيجيب سيرة الساجا اللي المفروض انها ارخص منهم واوسع وأقيم واوبشنز اكتر
مش عارف المشكله فين عند عز العرب ولا بسبب شكاوي استهلاك البنزين ولا السوق فيه ايه بالظبط ؟؟؟؟؟

**ahmad--ezzat** · 02-11-2014 10:56 PM

ساجا قطع غيارها مقرفه..بالاضافه ان شكلها زباله صراحه

**Omar Mahmoud** · 03-11-2014 05:58 PM

نفسي افهم ليه كلمة بروتون و قطع غيار دي بتعمل مشكلة و اللي بيتكلموا مش من ملاك العربية؟؟؟؟
عموما هي انتشارها قليل لأن العربية المفروض الانتاج بتاعها دريكسيون يمين ده الاساسي و في عربيات دريكسيون شمال زي اللي بتيجي عندنا
فإنتاج العربية اصلا قليل
تاني حاجة من اول ما نزلت لحد السنة اللي فاتت او اللي قبلها تقريبا كان فرق السعر بينها و بين الجين2/بيرسونا مش كبير و الساجا مفيهاش عوامل امان غير إيموبلايزر و إيرباج واحدة عكس البيرسونا او الجين 2
في 2013 بدأت اشوفها كتير شوية في الشوارع
في شكلها اللي مش عاجب ناس كتير و انا منهم...بس ده ليه سبب اساسي و هو التوكيل الميت اللي معملش دعاية لعربيات بروتون من 2005 لحد النهاردة
الجراند i10 الناس هتشتريها علشان كوري فقطع غيارها هتبقي رخيصة زي ما في ناس بيقولوا الاتراج قطع غيارها رخيصة لإنها ياباني مع إنها نار.

**eng.m7md.ali** · 03-11-2014 06:06 PM

الساجا كانت بتنافس اللوجان جامد .. بس بعد مانزلت اللوجان الجديدة مبقاش في وجه للمقارنة بين ال2 لصالح لوجان

اتمني تنزل ساجا الجديدة بعوامل الامان كاملة وفتيس الcvt وفي خيارين بي 1.3 و1.6

**memo_p910** · 03-11-2014 09:34 PM

المشاركة الأصلية كتبت بواسطة eng f3lix

الساجا كانت بتنافس اللوجان جامد .. بس بعد مانزلت اللوجان الجديدة مبقاش في وجه للمقارنة بين ال2 لصالح لوجان

اتمني تنزل ساجا الجديدة بعوامل الامان كاملة وفتيس الcvt وفي خيارين بي 1.3 و1.6

برده انا شايف ان اللوجان دي عربيه فاشله واسأل ملاكها وكمية الشكاوي منها كمان انا متأكد ان الساجا تكنولوجيا اعلى من اللوجان
عز العرب لو يجيب الساجا fl ويعمل دعايا كويسه هاتبيع كتير والناس هاتعرفها والا عز العرب مايستاهلش يبقى معاه توكيل بروتون

**ahmed1981** · 04-11-2014 12:48 AM

الحقيقة مش فشل بروتون ساجا
الحقيقة هي فشل عز العرب وكيل بروتون

ـ

**Omar Mahmoud** · 04-11-2014 07:15 AM

المشاركة الأصلية كتبت بواسطة memo_p910

برده انا شايف ان اللوجان دي عربيه فاشله واسأل ملاكها وكمية الشكاوي منها كمان انا متأكد ان الساجا تكنولوجيا اعلى من اللوجان
عز العرب لو يجيب الساجا fl ويعمل دعايا كويسه هاتبيع كتير والناس هاتعرفها والا عز العرب مايستاهلش يبقى معاه توكيل بروتون

بس في حاجة تميز اللوجان عن الساجا مع إني بكره حاجة إسمها لوجان
عوامل الامان 2airbags-abs-ebd
الكماليات اللي في الهايلاين
الكلام علي اللوجان الجديدة مش القديمة

**carrier** · 04-11-2014 08:05 AM

مع احترامى لكل ما ذكر اعلاه .... وبالرغم من انها عربية عليها علامة بروتون

العربية دى كان لازم تفشل

... من شكل التسعينات .... ومن وكيل كأنه تعمد فشلها

**bassemali** · 04-11-2014 11:34 AM

بما يرضي الله ... العربيه ماشيه مع أخويا من 2/2010 حتى الأن حوالي 140 الف كيلو بدون أي مشاكل نهائيا لا من التوكيل ولا من قطع الغيار .

**eng.m7md.ali** · 04-11-2014 11:51 AM

المشاركة الأصلية كتبت بواسطة bassemali

بما يرضي الله ... العربيه ماشيه مع أخويا من 2/2010 حتى الأن حوالي 140 الف كيلو بدون أي مشاكل نهائيا لا من التوكيل ولا من قطع الغيار .

عربيات بروتون مفيهاش اي مشاكل

بس الساجا بالذات بقت لا تنافس خلاص مش زي الاول ودلوقتي ظهر عربيات احسن منها وهيا هيا نفس العربية .. المشكلة مشكلة توكيل لان العربية اخر موديل ليها 2013 يعني من سنتين والتوكيل نايم في موضوع الساجا الجديدة

الموضوع: ايه هيا أسباب فشل بروتون ساجا

LinkBack

أدوات الموضوع

عرض

ايه هيا أسباب فشل بروتون ساجا - انشر الموضوع فى :

-

-

-

-

-

-

-

المواضيع المتشابهه

بروتون ساجا ولا بى واى دى ؟؟؟؟؟

بروتون ساجا ولا i10

بروتون ساجا

بروتون ساجا

الكلمات الدلالية لهذا الموضوع

المفضلات

المفضلات

ضوابط المشاركة