سؤال للهنداوية العربية مبتعديش 190 !!!!!!

**aboghazalla** · 02-11-2014 11:50 PM

انا عربيتى هوندا سيفك 2005 لسة عامل صيانة ال 120 الف بس المشكلة معايا من قيل الصيانة ان العربية بتجيب 190 شارب و مبتعديهاش حتى لو على منزل تحس اكنها مقفولة ياترى دا من اية ياريت لو حد فاهم يجاوبنى ومع العلم ان العربية خليجى و شكرااا

**Mecha** · 03-11-2014 12:59 PM

هي ال 190 كم/س موش كفايه لعربيه عدت ال 100,000 كم
ربنا يعينك

**aboghazalla** · 03-11-2014 04:30 PM

Mecha انا بسال سؤال عندك اجابة رد معندكش خليك ف حالك

**amr_naser** · 05-11-2014 09:58 AM

شوف يا سيدى الفاضل السرعة القصوى لها محددات كتير منها متغير ومنها ثابت
الثابت طبعا فى السيارت الحديثة وهى انهم بيحددوا السرعة القصوى ودا طبعا عوامل امان
ثانيا العوامل المتغيرة
عندك مقاومة الهوا مثلا
مقاومة الاسفلت نفسة ومعدل الاحتكاك معاة يعنى الطريق الخشن غير الطريق الناعم
ضغط الكاوتش ونوعيتة المقصود بنوع الكاوتش هنا مش (بيرجستون ولا ميشلان )لا المقصود محددات الكاوتش كل موديل ولة معدل لفقد السرعة والفرامل ودى بتلاقى على مواقع الكاوتش او المقارنات بين الموديلات
كمان حمولة العربية لها تأثير قوى
نوعية البنزين اللى بتستخدمة ونظافتة
نوعية الزيت اللى بتستخدمة (اللزوجة يعنى) وطبعا درجة حرارة الماتور
نيجى بقى لحجات الصيانة (فلاتر هوا وبنزين - رشاشات - رمان البلى - عرض الكاوتش ) كل دى مؤثرات
طبعا التأثير فى المواتير الصغيرة تحس بية اكتر من المواتير الكبيرة لانها بتولد عزم اكبر فبتقدر توصل اسرع من المواتير الصغيرة
اعتقد لسة فية مؤثرات تانية زى الفتيس مثلا وحالتة سواء اتوماتيك او عادى (تلف الكلاتشات او الديسك والاسطوانة )
ممكن يكون الكمبيوتر عاوز يتعملة ريستارت
فية حجات مؤثرة كتير على السرعة كمان زى الشبابيك - التكيف )
الموضوع كبير
بس يا اخى سرعة 190 اية اللى انت ماشى عليها دى اتقى الله فى نفسك وامشى على مهلك السرعة دى انت راكب الهوا رسمى اى حاجة مفاجئة انت ضايع ضايع
الله يهديك