اول مشكلة تخوفنى من اللانوس
يا جماعة النهاردة (من حوالى 15 دقيقة) حاولت انى ادور العربية لكن لقيت العربية ميتة مفيش اى نور عايز يشتغل والكلاكس ضعييييييييييييييييييف جدا والنور عبارة عن حاجة لاتذكر
المشكلة انى كنت لسه مدورها امبارح اكتر من 6 مرات والعربية بتدور من اول مرة والخوف بجد ان يكون فيه قفلة - للأسف انا عندى خبرة سيئة مع موضوع القفلة ده مع عربيتى القديمة حصل قفلة والبطارية فضيت خالص وانا زى الشاطر جبت بطارية جديدة وللأسف العربية ولعت منى (نار بجد مش هزار)
المهم انى راجعت على الفيوز وكلهم سلام ماعدا واحد لونة ازرق من اللى فى الكبوت بس لسه ما رجعتش ده بتاع اية المهم انه سايح لكن الوصلة بتاعته سليمة
يا ريت يا اخوانى لا حد عندة اى حاجة ممكن اعملها قبل ما ادور العربية هايكون شئ عظيم
لما هارجع ان شاء الله النهارده من الشغل هأكد على كل الفيوز واقيس البطارية واعتقد ديه اكتر حاجة ممكن اعملها قبل عك الميكانيكية