الموضوع: اول مشكلة تخوفنى من اللانوس

يا جماعة عايز اعرف قياس البطارية فى الحالات ديه المفروض يدينى ايه
1- العربية متوقفة (مش دايرة)
2- العربية دايرة
3- العربية دايرة ودايس بنزين جامد
4- العربية دايرة ومنور النور العالى

مع ان معلوماتي ضعيفة شوية في العربيات عموما بس انا نفسي اشارك معاكوا على فكرة اول منتدى ادخله ويكون نفسي اشارك فيه
بالنسبة للنقطة الأولى مظنش لان القياس لابد يتم والعربية دايرة
كمان في جهاز مخصوص لقياس الشحن ودة مش عند الميكانيكي

والاساتذة الميكانيكية مش بيقتنعوا انها قفله الا لما العربية تولع

لان اليكانيكي بيستسهل يجيب عداد او ما شابة ذلك يقس بيه
القياس الصح عند بتاع البطاريات والكوتش لان عندة جهاز شحن الدينامو واجابة الثلاث نقاط حتلقيها عندو
2- العربية دايرة
3- العربية دايرة ودايس بنزين جامد
4- العربية دايرة ومنور النور العالى
ده قدرة شحن الدينامو مع الضغط النور العلي والواطي والتكيف والأنتظار وما الى ذلك

ثبت قطاش البطارية مكانه و قول لى ايه الأخبار. ممكن يكون شكله ثابت و هو عاوز تثبيت. حركه مكانه باللف.
لو ثابت ممكن يكون فيه ملح عازله. صب عليه ميه.

الكلام دة كلة صح 100\100
بردو جربة ممكن يكون الموضوع بسيط

انا راجعت عيون البطارية وكانت مظبوطة

ممكن تكون ماية البطارية كويسة جدا من ناحية الكمية لكن رديئة من ناحية الكثافة طبعا انت مش حتقدر تعرفها لازم عند بتاع البطريات

المشكلة انى كنت لسه مدورها امبارح اكتر من 6 مرات والعربية بتدور من اول مرة والخوف بجد ان يكون فيه قفلة

خلي بالك ان القفلة بتبان جدا وانت بتركب قشاط البطرية الموجب لأن بتصدر شرارة قوية وخلي بالك كمان ان لو العربية مفيهاش قفلة بردو بتصدر شرارة بس ضعيفة جدا وده طبيعي جدا وبردو هتلاقي الأجابة دي عند بتاع البطريات
انت لازم تكشف على شحن الدينامو الدينامو هو الموصيبة الكبيرة لأنة هو الي بيشحن البطارية يوجد بداخلة كتاوت الكترونية اذا باظت يبقى الدينامو حيدي شحن زيادة للبطارية وهي دي الوصيبة والمشكلة بقة ان مفيش اي سابق انذار وعن تجربة حصلت معايا دة في الدايو وقبلها في الادا
وكمان ادي العيش لخبازة عن تجربة بردو يعني الميكانيكا