عرض للطباعة
السلام عليكم
جوزي جاب سبورتاج من شهر ونص وكل اسبوع بيمونها ومشاورنا كلها في وسط البلد
حسبنا العداد بتاعها لقينا الصفيحة بتعمل ١٠٠ كيلو تقريبا
عملنا جدول نحسب كل يوم بدات بكام كيلو وخلصت كام علشان نشوف استهلاكنا وماشيين صح ولا لا لقينا مرة مشوار من
الهرم لباب اللوق رايح جاي عامل ٩٠ كيلو معرفش ازاي ده طبيعي ؟!!!!! اعتقد لا بس ده ايه سببه وهل التوكيل فعلا ممكن
يعمل حاجة ولا علشان في مصر ملناش حق
ملحوظة بردو انتا بنشعل التكييف قليل اوي الجو بقه كويس
اببببب
حضرتك بتحسبي الاستهلاك ازاي؟ المفروض تفولي ال تانك لحد ما تشوفي البنزين بعينك يعني الزور يتملي و تمشي مشوار مش أقل من 100 كم و علي طريق سالك مش زحمة و ترجعي تفولي ال تانك تاني لحد ما تشوفي البنزين و تشوفي خدت كام لتر و تقسمي ال كم علي لتر يبقي هو ده الاستهلاك الصح. المفروض يكون حوالي 12 كم /لتر للمواتير ال 1600 وطبعا ده رقم تقريبي.
كوري , نفس القصه نوبيرا
احنا بنملاها للاخر بنزين ونشوف كانت عامله كام كيلو ونشوف حطينا اد ايه بنزين ونمشي بيها عادي مشاورنا والمرة التانية اللي ملينا فيها
شوفنا كانت عامله كام كيلو وحسبناها طلعت الصفيحة بتعمل تقريبا ١٠٠ كيلو
هي المفروض تعمل تقريبا ٢٠٠ علي الاقل في المشاوير العادية
أنا رأيي تروحو التوكيل ويكشف عليها وهو هيحدد إيه السبب
ايه علاقه النوبيرا اللى من 2002 ب كيا سبورتاج ؟؟؟؟؟؟؟؟؟؟؟؟ّّّ!!!!؟؟!!؟!؟!؟! !؟!!؟!؟!؟؟!؟!!؟؟اقتباس:
المشاركة الأصلية كتبت بواسطة mecha
الى صاحب الموضوع ...اخر صيانه كانت امتي واتغير فيها ايه ..وهل تم ابلاغ الوكيل بالعيب ؟ وكان الرد ايه...لو العربيه زيرو استني اخر صيانه واحكمي على العربيه...ويستحسن مقياس البنزين لما العربيه تتفول
طبعاً معنديش فكرة عن الأستهلاك الفعلى و لكن:
- بالنسبة لحجم العربية
- مقاومة الهوا العالية ليها علشان إرتفاعها
- مقاس الكاوتش العريض بيزود الأحتكاك
- تقل العربية على الموتور فده بيزود العزم فى بداية الطلعات و فى المواقف الصعبة (مطالع و خلافه) و بيعلى ال rpm معاه و بالتالى أستهلاك أعلى للبنزين...أقصد الموتور ال 1600 على الجسم ده بيكون شغال بطاقة عالية (تحت إجهاد) علشان يدى الأستجابة و التسارع المطلوب و ده بيزود الأستهلاك...غير لو كانت بموتور 2000 سى سى مثلاً
كل الأسباب دى هتزود أستهلاك البنزين بفرق ملحوظ عن أختها السيراتو السيدان مثلاً بالرغم أن الأتنين موتور 1600 سى سى
تحياتى
[font="tahoma"][size="4"] العلاقه حضرتك تلاحظها من المنتدي ,عدد ملاك الكوري اللي بيشتكوا من استهلاك عالي جدا في البنزيناقتباس:
المشاركة الأصلية كتبت بواسطة ahmad--ezzat
دي معدلات استهلاك الوقود لل KIA SPPORTAGE من الشركه
راجعيها وشوفي اي استهلاك زائد
Fuel Consumption mpg (1/100k) & Emissions 1.6 Petrol 2WD ISG 1.6 Petrol 2WD 1.7 Diesel 2WD ISG 2.0 Diesel AWD(134bhp) 2.0 Diesel AWD(181bhp)
6 Speed Manual 6 Speed Manual 6 Speed Manual 6 Speed Manual 6 Speed Auto 6 Speed Manual 6 Speed Auto
Wheels 16” 17” 16”/17” 18” 16”/17” 18” 16”/17” 18” 18” 18”
Urban 34.4(8.2) 37.7(7.5) 47.1(6.0) 44.8(6.3) 41.5(6.8) 40.4(7.0) 32.5(8.7) 31.7(8.9) 39.2(7.2) 31.0(9.1)
Extra Urban 47.1(6.0) 48.7(5.8) 58.9(4.8) 56.5(5.0) 55.4(5.1) 52.3(5.4) 48.7(5.8) 47.9(5.9) 52.3(5.4) 46.3(6.1)
Combined 41.5(6.8) 44.1(6.4) 54.3(5.2) 52.3(5.4) 49.6(5.7) 47.1(6.0) 40.9(6.9) 40.4(7.0) 46.3(6.1) 39.2(7.2)
CO2 Emissions g/km 158 149 135 143 149 156 179 183 158 189
Kia Sportage - Exterior Specification & Features | Kia Motors UK
انا حاسس ان حضرتك بتحسبي ان الصفيحه فيها 10 لتر بنزين بس
لا الصفيحة ٢٠ لتر
انا معايا سبورتاج 2015 واستهلاك البنزين عالى جداااااا
الاستهلاك ل 100 كم حوالى 25 لتر مع استخدام متواصل للتكييف و حوالى 17 لتر بدون تكييف او استخدام بسيط.
لما عملت الصيانة اشتكيت من الموضوع دة و قالى العربية بتستهلك بنزين علشان الحجم و لازم علشان تحكم كويس يكون طريق طوالى مش داخل البلد
" سبحان الله "
انا قلت قبل كده كتير ان التقفيل السلوفاكى مليان عيوب مقارنة بالكورى لان الكورى 2013 اللى كانت معايا (الله يمسيها بالخير) كانت بتعمل 8.5 لتر/100 كم لكن السلوفاكى 2014 (الحمد لله اتخلصت منها) بتعمل 11-12.5 لتر/100 كم وكنت بلاقى اللى يرد فتى ان الاتنين زى بعض!!!! مع انى استعملت الكورى 8 شهور والسلوفاكى 3 شهور وعارف الفرق كويس.
اللى سمعته ان الوكيل بينزل software علشان موضوع البنزين العالى على الاقل تعمل 160-180كم فى الصفيحة.
مفيش حاجة اسمها قياس البنزين على طريق سريع ... اى عربية على طريق سريع حتدى ارقام حلوة بالذات مع الفتايس ال 6 سرعات
دلوقتى الشركات المحترمة بتنزل الاستهلاك داخل المدن مش خارجها
متوسط استهلاك البنزين لل 1600 جوة البلد 10لتر لكل 100 كيلو او 12لتر كل 100كيلو بالتكييف ودة من عربيتي اللى بعتبرها بتاكل بنزين كتير
لكن مقارنة بالسبورتاج يبقي مش بتاكل بنزين ولا حاجة
بالنسبة لاستهلاك السبورتاج بعد استخدام سنة تقريبا على طرق مختلفة سواء داخل مدن او طرق سفر
السبورتاج من العربيات اللى استهلاك البنزين فيها بيتأثر باكثر من عامل كاالأتى
1- طريقة السواقة بمعنى لو بتكبس على الدواسة جامد و الار بى ام بيعدى 2.5 فالاستهلاك بيزيد لكن لو مشينا نفس المشوار و الار بى م اقل من 2.5 او 2 سواء داخل البلد او خارجها فالاستهلاك حيقل بفرق ملحوظ
2- الاستهلاك بيزيد فى المشواير القصيرة المتقطعة على سرعات اقل من 40 كيلو عن المشاوير المتصلة داخل البلد على سبيل المثال لو حنمشى مسافة 10 كيلو داخل البلد مع الوقوف اكتر من مرة و اعادة تدوريها غير الاستهلاك فى نفس المشوار داخل البلد لكن غير متقطع
على سبيل المثال اما بكون فى بورسعيد فا ل10 كيلو ممكن اعملهم فى يومين لكن اما اكون فى القاهرة ال 10 كيلو بيخلصوا فى مشوار واحد
فالبتالى الاستهلاك معايا فى بورسعيد بيكون اعلى من القاهرة مع ان هى هياها نفس المسافة المقطوعة وفى داخل المدينة
يعنى اللتر فى بورسعيد بيعمل معايا من 6 الى 7 كيلو و لكن فى القاهرة ممكن يعمل من 9 لى 10 كيلو فى الزحمة على حسب مدة الوقوف
و لكن الاستهلاك فى الطرق المفتوحة على سرعة 80 الى 120 و الاربى م لايزيد عن 2.50 يعتبر كويس جدا اللتر ممكن يعمل 13/13.50 كيلو مع عدم و جود مقاومة هواء يعنى الصفيحة بتعمل من 260 الى 270 كيلو "حتى مع استخدام التكيف"
3- البنزين المسخدم فالبنزين من محطة محترمة بيفرق فالاستهلاك لو البنزين مغشوش او فيه شوائب
و شكرا
طبعا في كلام مبالغ فيه جدا وغير منطقي
إستهلاك السبورتاج يعتبر متوسط بالمقارنة بباقي السيارات 1600 السيدان كمان
وبعدين ياريت الناس تتعب شوية وتبحث في مواضيع السبورتاج سبق وشرحت موضوع إستهلاك البنزين في 20 سطر أو أكثر وفي أكثر من موضوع .
نهايتو ....... متوسط إستهلاك السبورتاج في الطرق السريعة 9 لتر لكل 100 كم وفى الخنقه والزحمة وهبطل وأشغل العربية وأمشى 3 كم واقف وأمشي تاني وأقف تاني والكلام الخنقه ده يبقى متوسط الإستهلاك 13 لتر .
وإللي بيشمي علي كمبيوتر العربية لازم علشان يعرف الإستهلاك الصح يعمل ريست يعني يصفره .
ونبهت كثير قبل كده فصلة المسدس فالبنزينة (تفويل التنك ) والله العظيم ممكن تفرق في أكثر من 12 لتر وده بيخدع ناس كثير سواء بالسلب أو الإيجاب
أقسم بالله أنا ممكن أسافر من السويس إل القاهرة يعني حوالي 125 كم والمؤشر ميتحركش من مكانه (الفول)
وده خلاصة الكلام .
وطبعا كلام الصديق kholio2005 أنا بعتبره كلام دقيق جدا وقريب جدا من الواقع وغير مبالغ فيه . ومش هيختلف منشأ العربية كوري ولا غير كوري علشان الماكينة وألات الجر هي نفسها متغيرتش
اقتباس:
المشاركة الأصلية كتبت بواسطة aelsayed74
يعني حضرتك كان عندك اتنين سبورتاج قبل كده ؟
طيب ايه اللي معاك دلوقتي سبورتاج بردو ؟
حضرتك مكبر الخط ليه...صدقني شايفين مشاركتك :213-1107231241[1]:اقتباس:
المشاركة الأصلية كتبت بواسطة محمد بدر
ياااااه دا الأستهلاك ده الواحد مبيعملوش بالـ4000 cc
و أزاي من الهرم لباب اللوق رايح جاي 90 كم دول ما يجوش 20 كم
لو حساب أستهلاك حضرتك صح يبقي المشكلة في عربية حضرتك (مشكلة فرديه) ... لأن أكيد مفيش سبورتاج في مصر بتعمل الإستهلاك ده
ايوه كان معايا الكورى 2013 لمدة 8 شهور وبعتها (ظروف) وجبت السلوفاكى (ودى كنت فرحان جدا انها تقفيل اوروبى) بس بعد لما ركبتها لمدة 3 شهور مارتحتش ليها خالص وبعتها وان فرحان انى اتخلصت منها ولغاية دلوقتى ندمان على الكورى بس الحمد لله على كل شئ.اقتباس:
المشاركة الأصلية كتبت بواسطة shiemaa
انا معايا دلوقتى سيراتو 2014 كحل مؤقت لحد لما اشوف اعمل ايه.
اقتباس:
المشاركة الأصلية كتبت بواسطة aelsayed74
وإيه بقى اللي زعل حضرتك من الأوروبي مع انها في الاخر نفس العربيه ؟
العربيتين مش زى بعض ودا عن تجربة شهور مش مشوار وخلاص وكانت عيوب السلوفاكى من وجهة نظرى:-اقتباس:
المشاركة الأصلية كتبت بواسطة hashkan
- صوت الموتور عالى
-- لازم ترزع الابواب علشان تقفل
- استهلاك البنزين عالى (11 - 12 اتر / 100 كم) مع بنزين 92
- الخامات الداخلية ملمسها عادى ومفيش ريحة الفبريكة اكنها مستعملة
- الدريكسيون فيبر مش جلد طبيعى خياطة!!!!
- كفاءة التكييف اقل من الكورى
- درجة عزل الزجاج الحرارى عادية ودا بيأثر على كفاءة التكييف (فى الكورى كان ممتاز جدا)
- فرامل اليد كانت دراع زى اى عربية وكان الكونسول بين الكرسيين ضيق ( كانت فى الكورى بدال على الشمال زى المرسيدس وكان الكونسول بين الكرسيين واسع وتقدر تستفيد منه انك تحط حاجات كتير)
- خامة الفرش القماش كانت وحشة عاملة زى الصوف مش ووتربروف زى اللى كانت فى الكورى
- استبدلوا الساعة ب alarms مالوش اى لازمه
علشان كده بعتها بعد 3 شهور غير مأسوف عليها.
بعد كلامك ده انا اتصلت بصحبي و خليته يطل مشوار عشان اقارن بين العربيين هوه معاهاقتباس:
المشاركة الأصلية كتبت بواسطة aelsayed74
الكوري 2012 هاي لاين مع صحبي و انا معايا سولفاكي 2015 أحب اقولك
صوت الماتور واحد و جربتها باليل عشان اعرف اسمع . لدرجه اني طلعت بيتنا و خليته يدور كل عربيه علي حده وسمعت من بلكونه الدور الاول و معرفتش افرق بين العربيتين
اما للابواب برده مفيش الكلام ده برده الأبواب ناعمه وعندي اطفال 4 سنين وست سنين مفيش مشاكل معاهم في قفل الأبواب
استهلاك البنزين مع صحبي من العداد لحظه ما كنا بنجرب 12.6 و كان عندي 9.7
ملمس الدريكسيون في السلوفاكي ناشف شويه بس جلد و الخياطة باينه فيه و هوه جلد مش حاجه تانيه و ممكن يكون ناشف شويه عشان العربيه لسه جديده
اما بالنسبه للخامات الداخليه انا شايف أنها افخم من 2012 و ريحه الفابريكه مش عارف اغيرها بقالي شهر و جبت معطرات كتير
أما درجه عزل الزجاج مش عارف اجربها
و بالنسبه فرامل اليد فأنا شايفها مزهر مش عيب حتي صحبي فرحان أنها بقت في اليد
و بالنسبه للساعة فهي موجوده في الكاسيت بخط و كبير واضح وجنبها التاريخ و لو قفلت الكاسيت بتظهر الساعة بحجم كامل الشاشه
أما المميزات الي في السلوفاكي من وجهة نظري أنها بقت انعم في المطبات. . وده عن تجربه تقولي ازاي اقولك اه والله زيمابؤلك كده ... طبعا الفوانيس الخلفيه بقت اشيك و أوضح و زودوا فانوس شابورا ورا ده غير الشبكه الاماميه و زودوا في الفانوس الشابوره الأمامي فانوس بلمبه تضيف عند الإشارة اليمين أو الشمال تضيئ أقصي اليمين أو أقصي الشمال وده جميل جدا لان لما بتدخل شارع ضلمه بيكون الجزء الي بتكسر فيه نقضه غير مضيئه فالفانوس ده اختراع
.
آسف علي الإطالة بس حبيت أوضح أن ممكن تكون عربيتك السلوفاكي كانت مشكله فرديه
تمااااام , مقارنة ممتازة :tumb:اقتباس:
المشاركة الأصلية كتبت بواسطة medoragab
الله ينور عليك
وجهة نظرك تحترم طبعا بس انا كنت بقارن بالسلوفاكى 2014 مش ال Facelift 2015اقتباس:
المشاركة الأصلية كتبت بواسطة medoragab
اللى اكيد اتغير فيها الخامات عن 2014 زى مثلا الدريكسون الجلد ودا انا شوفتوا فعلا جلد خياطة ناشف مش ناعم زى اللى فى الكارينز والسول 2015 والاسبورتاج 2013 بس عاوز اقولك ان اللى اشترى منى السلوفاكى اول حاجة علق عليها ان صوت الموتور عالى وفى ناس معاها 2014 على صفحة الفيسبوك لكيا اشتكوا من صوت الموتور وقفل الابواب واستهلاك البنزين الخيالى يعنى مشكلة السلوفاكى 2014 مش فردية.
انا معايا سلوفاكى 2014 و مفهاش الكلام ده و ابوابها محملة فساعات بتحتاج ترزعها شوية بس مهياش مشكلة على الاطلاق والدركسيون مش جلد و بتركب عليه كفر جلد وخلاص لو مش عجبك مع ان خاماته ممتازة و صوت الموتور و اطى جدا لو قافل الازاز و هى و اقفة ساعات مبسمعوش اصلا و ساعات بدورها و هى شغالة من كتر منا مش سامع الصوتاقتباس:
المشاركة الأصلية كتبت بواسطة aelsayed74
و خامتها الداخلية و الفرش بتاعها اكتر من ممتاز
و بالنسبة لاستهلاك البنزين و ضحت قبل كدة فى اكتر من مشاركة
المأخد الوحيد على العفشة انها طرية و ناعمة بمعنى انه لو فى الشوارع الغير مرصوفة الغير مستويةبيقى فيه تأثير مباشر على الراكب بيتحرك يمين و شمال لكن فى الحفر و المطبات و عين القط احساس كويس و مريح للراكب و مفيش هبد و رزع و ممكن كمان متحسش بعين القط
الله يطمنكم
كنت هتعقد منها بدري هي بصراحة في المطبات ما شاء الله حلوة اوي احنا كان عندنا السيراتو مفيش مقارنة بصراحة
سؤال بقه لو عايزه اركبلها من قدام وورا شبكة حديد مخالفة ولا عادي
ناس يقولو مخالفة وناس لا وشايفه ناس مركبينها عادي
كمان عايزه اسال علي موضوع المفتاح ده
علشان اقفلها لازم اكون بعيدة ٤ متر مفيش حل اقفلها عادي وانا ادامها
حساس شكمان
أمامي محتاج يثبت على الرخصة و اﻷمامي بيتلحم في الشاسيه فأي خبطة بتروح في الشاسيهاقتباس:
المشاركة الأصلية كتبت بواسطة shiemaa
خلفي و عتب ما فيش مشكلة فيهم على حد علمي
موضوع غريب طبعآ انا معايا اكس تريل 2500 سي سي بتعمل 170 فى الصفيحه فى البلد اكيد الكيا دي فيها مشكله طبعآ دي 1600 وعربيه جديده
ههههههههههاقتباس:
المشاركة الأصلية كتبت بواسطة ahmad--ezzat
طيب والله حلوة وجميلة منك
:Ta_clap[1]:
انا حسبتها تاني بالظبط شوفت قبل مفول عامله كام كيلو والمرة اللي بعدها لما فولت عملت اد ايه وحسبت الفرق وقسمته علي عدد ليترات
البنزين اللي حطتها طلع اللتر بيعمل تقريبا ٨ كيلو
يعني كده الصفيحة عامله حوالي ١٦٠ كيلو طريقي طبعا زحمة الهرم ووسط البلد وكام مرة بروح اكتوبر
انا روحت التوكيل زي مقولتولي قالولي مفهاش حاجة امشي بيها ع الصحراوي هتعمل معاكي ١٠ كيلو
انا حاسه ان ١٦٠ كيلو الصفيحة قليل ولا انتو ايه رايكم
العربية دي فيها مشكلة بسيطة... إنها عربية كبيرة وموتور صغير.اقتباس:
المشاركة الأصلية كتبت بواسطة shiemaa
العربية دي في أوروبا بتنزل 2.5 ليتر
وفي الخليج 2.0 ليتر (وبيقولوا عليها موتورها صغير عليها)
وهنا بتنزل 1.6 ليتر.
والى ناس كتير مش فاهمينه أن صغر حجم المحرك على عربية كبيرة يؤدي إلى استهلاك كبير في البنزين وقلة عمر المحرك.
فلو كان محرك 2.5 ليتر 6 اسطوانات حيكون معدل استهلاك البنزين أقل...
عموما صديق لي كان في المشكلة دي وفضلنا ندور لغاية ما لقينا حاجتين :
اولا البوجيهات لازم تكون بحالة جيدة جدا وهي للأسف تتلف سريعا في هذا الموديل.
ثانيا عند التفويل بالوقود راعي أن مسدس الطلمبه يكون بطيء لعدم السماح للهواء بالدخول مع الوقود وإيهامك أن التانك فول وقد يكون هناك فارق من 15 إلى 20 ليتر على التفويله.
وبعد تغيير البوجيهات والتفويل بهذا الشكل.. كانت النتيجة أن التانك عمل 500 ك. م
كتير اوي وبردوا 160
بس طبعا ارحم من 100 كيلو
اقتباس:
المشاركة الأصلية كتبت بواسطة eng_amg
تصدق فعلا لما بفول من بنزينة لبنزينه بيفرق يعني فولت في الوطنبة كتب تعمل معايا ٥٠٨كم ولما فولت في شل كتب ٤٩٠
مش عارفه ازاي ؟؟ بس حكاية تظبيط مسدس الطلمبة ده مش انا اللي حعرف اظبطه
وبالنسبة للبوجيهات معقولة هغيرها من دلوقتي دي عامله بس ٣٥٠٠ كم لسه ملحقناش ؟؟
الفرق بسيط و مش كبير ... ده يرجع لمتوسط الاستخدام اللحظى وقت التفويل ... و طبيعى انه بيختلف كل مره ...اقتباس:
المشاركة الأصلية كتبت بواسطة shiemaa
و يفرق لو لم يفولها على الاخر ... حتى مشاهده البنزين قبل الفتحه ... دى ممكن تفرق لوحدها ٢/٣ لتر ...
تحياتى ...
موضوع جميل