السلام عليكم
انهارده الصبح رحت مشوار في مكان زحمة جدا وبعدين مفيش مكان أركن فيه بعد تعب ومشي بالعربية مسافة طويلة نسبيا الحمد لله مكان فاضي أهو بس الحتة بين العربيتين ضيقة مش هتعديني علشان أعدي من بينهم خلاص هرجع تاني جيت أرجع بضهري في عربيات في الحتة دي ماشية بسرعة عالية يلا هرجع ارجع سنة وأقف كمان سنة وأقف طيب اطلع قدام علشان أعدل العربية شوية مبقاش راجع عمودي على الطريق لفيت الدريكسيون من آخر اليمين لآخر الشمال وطلعت قدام سنة وجيت ارجع العربية غرزت تحتي رمل مش مكبوس خالص والدريكسيون اتكتف وسط الرمل وحتى الغيار l مش بيحرك العربية
الحمد لله ولاد الحلال صعايدة كانوا شغالين في أعمال بناء سابوا شغلهم وواحد ركب والباقيين شالوا العربية لغاية ما طلعت
والجدير الذكر إن بتوع المرور من كرمهم فضلوا واقفين علشان يطمنوا مش عليا لأ علشان مركنشي مخالف ولما لقوا الموضوع هيطول قلت هيجوا يساعدوني ويسحبني ولكنه مشى وخلاص فبعد ما طلعت سألت عليه ومشيت وراه لغاية ما وصلت له علشان أتأكد أنه ما عمليش مخالفة لأن العربية وهي غرزة كان آخرها خارج في الشارع
بعدها عديت على ميكانيكي بصلي على العربية قال لي الحمد لله جت سليمة لأن العربية كانت متشالة من النص على الرمل
أنا عايز أعرف من حضراتكم أعمل ايه لو العربية بدأت تغرز ألحق أطلع ازاي؟؟ ولو غرزت فعلا أتصرف إزاي؟؟ علما بأن عربيتي أوتوماتيك
شكرا على المساعدة