اسئله بخصوص النيو لوجان

**TheDark19** · 03-11-2014 10:38 PM

انا الحمد لله قررت اجيب لوجان 2015 ان شاء الله الفئه الرابعه من غير نافيجيشن,,بس عايز استفسر عن
1-حكايه الحراره الي موجوده فالدواسات دي لسه موجوده ولا لاء
2-دلوقتي انا هجيب العربيه مالعبور وانا ساكن فالزقازيق,,ازاي هوصلها لبيتي مع علم ان دي اول عربيه اجيبها يعني هروح استلمها من هناك و اسوقها انا ولا هي بتيجي علي ونش ولا ايه النظام
3-سمعت ان مفيش مؤشر حراره و ان لو درجه الحراره خطر في لمبه حمره هتنور,,يعني كدا انا مش هعرف هي بتزيد ولا لاء هتفاجئ ان درجه الحراره عاليه,,,
4-هي هنتظر العربيه اد ايه ان شاء الله فالتوكيل؟ في واحد طلبها و بيقول الفئه ال 3 و 4 بيستنو شهر و نص
اسف عالاطاله و شكرا ^^

**Mico_Mico** · 03-11-2014 11:25 PM

بسم الله الرحمن الرحيم
1- الحرارة محستش بيها ومعظم الناس اللى فى جروب اللوجان عالفيس قاللو محسوش بيها وشكلها كانت اكتر فالشكل القديم وحتى لو حسيت بيها اللى اسمعو ان التوكيل بيعزلهالك ببلاش
2- مفيش ونش هيطلع مالتوكيل عشان يوصلهالك - ممكن انت تتفق مع ونش يشحنهالك من بتوع الانقاذ بس هياخد كتيييييييييييير - او ممكن تجيب معاك حد بيسوق كويس يوصلهالك
3- فعلا مفيش مؤشر بس فى لمبة بتنور لو سخنت منك وتقريبا انذار صوتى بس مش هيا دى المشكلة - المشكلة ان لو ثرموستات الكوعة باظ بتعرف ده فالشكل القديم لما تلاقى درجة الحرارة اقل مالطبيعى وده عمرك مهتعرفو فالشكل الجديد بس على بعضها انا شايفها عربية سوبر واوا بالنسبة لسعرها واوبشناتها وبالمقارنة بباقى العربيات فى نفس رينج السعر خصوصا بعد مشاكل الفرامل المميتة فى بعض العربيات البيجو 301 والصنى
4- انا جبت التالتة واستنيت 3 شهور واسمع الرابعة نفس الكلام - اللى بيتأخرو ل4 و5 شهور باقى الفئات

**TheDark19** · 04-11-2014 12:26 AM

المشاركة الأصلية كتبت بواسطة mico_mico

بسم الله الرحمن الرحيم
1- الحرارة محستش بيها ومعظم الناس اللى فى جروب اللوجان عالفيس قاللو محسوش بيها وشكلها كانت اكتر فالشكل القديم وحتى لو حسيت بيها اللى اسمعو ان التوكيل بيعزلهالك ببلاش
2- مفيش ونش هيطلع مالتوكيل عشان يوصلهالك - ممكن انت تتفق مع ونش يشحنهالك من بتوع الانقاذ بس هياخد كتيييييييييييير - او ممكن تجيب معاك حد بيسوق كويس يوصلهالك
3- فعلا مفيش مؤشر بس فى لمبة بتنور لو سخنت منك وتقريبا انذار صوتى بس مش هيا دى المشكلة - المشكلة ان لو ثرموستات الكوعة باظ بتعرف ده فالشكل القديم لما تلاقى درجة الحرارة اقل مالطبيعى وده عمرك مهتعرفو فالشكل الجديد بس على بعضها انا شايفها عربية سوبر واوا بالنسبة لسعرها واوبشناتها وبالمقارنة بباقى العربيات فى نفس رينج السعر خصوصا بعد مشاكل الفرامل المميتة فى بعض العربيات البيجو 301 والصنى
4- انا جبت التالتة واستنيت 3 شهور واسمع الرابعة نفس الكلام - اللى بيتأخرو ل4 و5 شهور باقى الفئات

يعني دلوقتي حضرتك لو الثرموستات دا باظ,,هعرف منين ان الحراره بتزيد؟ لما الموتور يدخن ولا ايه بالظبط...

**Ahmedvero** · 04-11-2014 01:35 AM

متابع جدا ��

**hesham fawzy h** · 04-11-2014 01:42 AM

**TheDark19** · 04-11-2014 06:55 PM

ايه يا جدعان محدش هيرد ولا ايه؟
up up ..

**TheDark19** · 05-11-2014 03:01 PM

يا جماعه الناس مبتردش ليه؟ محدش عارف؟ -_-

**Super_Star_h** · 05-11-2014 03:26 PM

مافيش عربيه بتتسلم وتيجى على ونش
انت بتروح تستلم العربيه بنفسك وتنطلق بيها
يا اما تنقلها على ونش على حسابك وهيبقى مكلف

**corsair** · 05-11-2014 04:23 PM

المشاركة الأصلية كتبت بواسطة thedark19

انا الحمد لله قررت اجيب لوجان 2015 ان شاء الله الفئه الرابعه من غير نافيجيشن,,بس عايز استفسر عن
1-حكايه الحراره الي موجوده فالدواسات دي لسه موجوده ولا لاء

الحرارة موجوده وتقدر تلغيها في التوكيل ياما تعزلها خالص بس مش باينه أوي موضوع الحراره ده

2-دلوقتي انا هجيب العربيه مالعبور وانا ساكن فالزقازيق,,ازاي هوصلها لبيتي مع علم ان دي اول عربيه اجيبها يعني هروح استلمها من هناك و اسوقها انا ولا هي بتيجي علي ونش ولا ايه النظام

العربية انتا هتسوقها من العبور للزقازيق وبتاخد ورق اثبات ملكية من المعرض يمشيك 24 ساعة مفيش ونش هيجبهالك

3-سمعت ان مفيش مؤشر حراره و ان لو درجه الحراره خطر في لمبه حمره
هتنور,,يعني كدا انا مش هعرف هي بتزيد ولا لاء هتفاجئ ان درجه الحراره عاليه,,,

النظام الجديد لمبة حرارة مع انذار صوتي عند ارتفاع درجة الحرارة يرتفع صوت الانذار وانا شايف انه أأمن من المؤشر

4-هي هنتظر العربيه اد ايه ان شاء الله فالتوكيل؟ في واحد طلبها و بيقول الفئه ال 3 و 4 بيستنو شهر و نص
اسف عالاطاله و شكرا ^^

الاستلام بيبقي من شهرين ل 3 شهور وطبعا ده بيبقي انتا وحظك يعني ممكن المدة تطول أو تقصر

**adel_edrees** · 05-11-2014 09:32 PM

ممكن العربية دى يكون فيها فصل الموتور نهائيا عن العمل أذا تجاوزت الحرارة درجة معينة و ماينفعش العربية تدور تانى ألا لأو جبت مركز الخدمة لكن أنا شايف أن موضوع ألغاء مؤشر الحرارة أفتكاسة مالهاش لازمة دى ال 128 فى الموديلات الأولى ماكنش فى مؤشر حرارة و أنا عانيت أشد الأمرين من الموضوع ده لحد ما نزلت ال 128 المعدل اللى بقى فيها مؤشر حرارة يعنى المؤشر أساسى