يا دكتور ما تتفاوض انت مع صاحب الجراج اشترية منه او اجره منه كله سنويا وبأجر مضاعف عن اللى بياخده الان
عرض للطباعة
يا دكتور ما تتفاوض انت مع صاحب الجراج اشترية منه او اجره منه كله سنويا وبأجر مضاعف عن اللى بياخده الان
انا شايف ان ده حل جامد بالعكس هتفور كل طقم النصابيين دول وتشغل ناس محترمه وتراضيهم بمقابل مادي كويس وممكن تكسب كمان ويكون ليك منها دخل شهري
يا اما تدور علي جراش بعيد شويه يعني تتمشي بتاع عشر دقايق علي ما توصلله وتريح دماغك
وربنا يصبرك علي الاوباش دول
دي ولا مشكلة الشرق الاوسط إنت لازم تروح مجلس الامن :E_braces[1]:
ده اللي كره الواحد في السواقه الركنه والزحمه
والله انتوا صعابنيين علي يا سكان القاهره
انا لما انزل يوم واحد للقاهره اخلص اي مصلحه
ببقى مش طايق نفسي وركبني ميت عفريت
لحد ما اطلع منها على خير
وربنا يفرجها عليكم اميين
الحل انك تتكلم مع واحد من اصحاب السيارات هو يسهل لك معاهم الحوار ده
دكتور بقولك اية .. بيع العربية ههههههههههههه اريحلك
لا والله بص انا شايف ان الزملاء قالوا كل المقترحات المفيدة اهمها فعلا شوف اى ظابط يكون صاحبك يعملك نمرة عليهم لان حتى لو اتخانقت معاهم مش هتعرف توصل لاى حل معاهم لانك كده جاى على رزقهم والنتيجة مش هتبقى فى صالحك خالصصصصص
وبرضة فكرة ان كل اللى فى العمارة معاك تنزلوا تعملوة نمرة عليهم برضة فكرة كويسة
سيبك من صاحب الجراج لانك حتى لو عرفتة مش هيعمل حاجة.. كبيرة هيقاسم معاهم فى العربيات الاضافية ههههههه
متسبش مفتاح عربيتك لحد ابدااااااااااااااااااا سواء فى الجراج ده او فى غيرة لان خلاص مفيش امان لحد ابدا
انا عارف ان موضوع الركنة ده بقى بيأريف الواحد وخصوصا لما يكون عند بيتك.لو عند الشغل بنستحمل ولما بنكون فى مشوار برضة بنستحمل انما ادام بيتى وملقيش ركنة كمان يبقى حرام بجد
تلاقيك حتى بليل بتكسل تخرج ولا تروح ولا تيجى لما بتكون راكن تحت البيت هههه خوف ان الركنة تضيع هههه
ربنا معاك والله
ربنا يكون في عونك ,
انا عانيت شوية من الموضوع , و الحل شفت جراج قريب ,
انا رأي مع موضوع الضابط ده أو تشوف أي أمين شرطة ييجي يظبط الناس دي وتديله أي مبلغ و ممكن ييجي أي وقت طالما هتظبطه ,
بس الله أعلم هل كده الواحد يبقى ظالم مع علمي وأحساسي بمشكلتك ...
المنطقة دى لعنة يا دكتور..انا لما ولادى بيعيوا بيبقى يوم استغر الله العظيم بلف ساعة علشان الاقى ركنة وساعات مبطلعش معاهم لانى على ملاقى الركنة يكونوا كشفوا وخلصوا
الحقيقة بعد كمية الحلول اللى طلعت انك جربتها مفيش حل الا انك تبيع الشقة وتعزل
كلام غريب بس واضح ان مبقاش فى حلول فى القاهرة نهائيا وارجو ان محدش يقول لازم نعمل جراجات والكلام ده لان حتى الجراجات مش مقضية السكان
بص يا دكتور اللي اعرفه ان كله بيجي بس بالطريقة الحلوة وعلى رأي المثل لو ليك عند ال... حاجه قوله ياسيدي وانا الصراحه بعتبر ده ذكاء اجتماعي ومش عيب في حاجه
المهم في اكتر من ميدان الدقي نفسه ده كنت بركن فيه كل يوم وصف اول واول لما ادخل بالعربيه الاقيهم بيجرو عليا وبيتخانقو عشان يركنوني وكله بالطريقه والكلمه الحلوه عارف بيطلعولي عربيه بتكون صف اول من اللي بيحجزو بيها دي ويركني انا مكانه وعمري ماسبت مفتاح وبرفع الهاند بريك كمان
بص الناس دي مينفعش العافيه معاهم لانك في ارضهم وعربيتك عندهم ولازم تخاف عليها يبقى الحل التاني وهو السياسه
ولو تركز على واحد وبعدين بشويه تضربه بواحد تاني تبقى كده حيعملو خناقه عشان ياخدوك (لازم تبقى مطمع ليهم انهم يكسبوك ) عشمهم باي حاجه غاليه او مستحيله ( زي حاتجيبلهم حشيش مثلا من افغانستان وانت مسافر ) اي حاجه المهم يتعلقو بيك
بص حاول بالطريقه والسياسه ملكش غيرهم عشان تستمر معاهم ويظبطوك