الموضوع: استفسار عن الفرامل والعفشة بعد حادث في فانتازيا 2012

السلام عليكم......

تعرضت سيارتي (اوكتافيا فانتازيا 2012) لحادث عبارة عن فقد التحكم في السيارة ثم المرور فوق رصيف عالي و به أعمدة حديدية على مسافات متقاربة.

تضررت اجزاء كثيرة نتيجة الحادث وتم استبدالها....الفوانيس كلها تقريبا, الكبوت, رفارف وأبواب على الجانب الايمن..الاكصدامين....البربر يز الامامي....الرادياتر.....قربه ميآه الرادياتر....قربه ميآه المساحات....موتور ميآه المساحات....مروحة تبريد كبير....مروحة تبريد صغيرة....جنطين الجانب الأيمن....بالاضافة إلى مصفحة الموتور و تقريبا كل اجزاء فيبر الحماية اسفل السيارة...عندي بس استفسارين.....

1. بعد الانتهاء من اصلاحات الحادث..... وعند تجربتي للسيارة ....الفرامل كان بها مشكلة.....حيث لا تعمل بمجرد لمسها....بل لابد من ضغط دواسة الفرامل حتى قرب الارض لتبدأ العمل....بسؤال أل مهندس التوكيل....أخبرني انه تم سحب هواء 3 مرات وتزويد زيت باكم .....ورغم ذلك مازالت حالتها سيئة...اقترح التوكيل تغيير سرفو و ماستر لحل المشكلة ولكن التأمين رفض وأنا كمان مش مقتنع إنهم اتضرروا من الحادث...وكمان كلام التوكيل إن الركنة بتخلي ديافرام السرفو يشقق غير مقنع .... المهم زودوا زيت فرامل للمرة الرابعة وحالتها بقت كويسة....و كرروا ده مرة خامسه والدنيا كويسه.....

اللي عايز اعرفه.....الهوا ده كله دخَل منين؟ وهل المشكلة كده اتحلت تماما ولا بعد شوية الفرامل هيحصل فيها نفس المشكلة تاني؟ ولا مادام المشكلة اتحلت خلاص مش هتتكرر؟ علما بان مفيش أي تسريب زيت باين من السيارة.

2. بعد انتهاء اصلاحات السيارة....اخذتها إلى الوكيل الرسمي (ارتوك أوتو) لضبط الزوايا واكتشاف أي مشاكل في العفشة....ووجدوا ان السيارة تحتاج ظبط زوايا (استغرقت 4 ساعات على الجهاز)...ولكن في النهاية امكن ضبط الزاوية بالرجلاشات وبدون تغير اجزاء في العفشة....مع اقتراح منهم بتغيير صرة العجلة الخلفي يمين (خشونة في البلية)....بالعودة للتوكيل المتولي عملية الاصلاح....وجد أيضًا خشونة وطقطقة عند العجلة الأمامية شمال....وبالتالي تم تغيير صره عجله خلفي يمين و صره عجلة وبيضة مقص امامي شمال..سؤالي هو...... بعد تغيير الصرتين وبيضة المقص.... هل تحتاج السيارة لضبط زوآيا مرة اخرى؟ هوا ضبط الزوايا تاني مش مشكلة في حد ذاتها....اللي قلقان منه إنه بعد التغييرات اللي تمت في العفشة الزاويا تخلف و متجيش بالرجلاش.... وده معناه إن في اجزاء في العفشة محتاجة تتغير.....يا ريت حد يفيدني في ده....لان لو ده احتمال موجود.....لازم أكلم فيه التأمين عشان ما استلمش العربية و آجي اضبط زوايا واتفاجئ إن في اجزاء في العفشة محتاجة تغيير و ساعتها هيكون على حسابي.

لازم زوايا