الموضوع: عاوز اغير الموتور للفليشيا

المشاركة الأصلية كتبت بواسطة engahmedsayed

تسقيط موتور للفليشيا
اولا لازم تحدد انتا سيادتك هتجيب الموتور بادوات التغذية و له منغير ادوات التغذية
لانى بيكون فرق فى السعر
بخصوص الاماكن انا بقترح تجيبه من المحافظة اللى انتا تابع منها علشان لو فى حاجة يبقى سهل
ترجعه
تشرط على الميكانيكى بأكد تشرط على الميكانيكى مدام هيروح معاك هيكون ملزم الزام كامل لانه طبعا هياخد مصروف المشوار انى لو الموتور فى حاجة هتيبقى بتاعته بمعنى اية
لا قدر الله لو الموتور هيرجع يبقى مصاريف فكه و تركيبه على الميكانيكى بالمشوار التانى ميحسبكش تانى
الاماكن عندك الوكالة ابو اسلام عندك عزبة شلبى عندك الحرفيين و انا من رأى تاخد للفة لوحدك معاكش الميكانيكى علشان العب و اعرف الاسعار و هيكون تقريبا بالتغذية مش هيزيد عن 3000 جنية و من غير تغذية مش هيزيد عن 2500 جنية
و هتجيب فلاتر (هوا و زيت و بنزين) هتجيب جركن زيت و هتجيب سير بعد ماتشوف الموتور لانى فى سير v و فى سير مشرشر و هتجيب طقم بوجيهات

و أنا من رأى الشخصى هات موتور بالتغذية كامل وريح دماغك و بقيت الحاجات يا تستخدامها قطع غيار يا تعرضها هنا فى القسم و ان شاء الله هتلاقى اللى يشتريها منك
موضوع التكييف منصحكش بيه

موضوع المواتير اللى تركب على الفليشيا
الموضوع ده فى كل المواتير اللى تركب على الفليشيا

http://www.nilemotors.net/nile/442799-a.html

بالتوفيق ان شاء الله
ربك المستعان

متشكر لحضرتك جدا جدا
عندي استفسار هو كل الموتير وحده بنفس الفرجن ولا في اختلاف
يعني كل الموتير الكربرتير وحده وكل الانجكشن وحده
ولو كلهم واحد اختار الكربرتير ولا الانجكشن انا حاليا كربرتير
انا سالت في الحرفين لاقيته ٣٥٠٠ بالفيتيس السعر ده كويس ولا لا
ورائ حضرتك اجيبه دلوقتي ولا علي اول الصيف هي العربيه حاليا مشيه كويس بس فيها شويه سخونه زيده شويه عشان تاخر المروحه وشوية مشاكل في بلوك الموتور من تحت لحمات كتير فعشان كده عاوز اغيره
اسف للاطاله :-)