و انا راجع امبارح بليل الساعة 11 و الدنيا كانت ساقعة شوية او مش حر يعني و فجاة لقيت عداد الحرار علي اوي و فيه زومارا و معاها انجن اوفر هيت طبعا انا لحسن الحظ كنت

قريب شوية من البيت فبطلتها علي طول في ساعتها و شفت مية الرادياتير مظبوطة و المروحة تمام المهم سبتها شوية و دورة عداد الحرارة ارتفع من الصفر للنص بسرعة جدا و بعديها بدات تسخن فبطلت و بعدها سبتها لحد

مابردت خالص و دورت فصلت 3 دقائق و مشيت بيها حتي صغيرة و سخنت تاني و مكنش فيه بديل عن الزق عشان مكنش معايا الحديدة اللي بقطر بيها المهم شغلت البور و فضلت ازق فيها مع الحج و قريبي و حسيت عداد

الحرارة بيزيد معني مش مدور فقط مشغل البور ( زرار الاستارت + الفرامل ) المهم عملت بعد شوية ستوب و سيرفيس و كل حاجة نورت ,, طبعا قفلت كل حاجة و زقتها عادي و لما وصلت جيت ادور تاني مادارتش بتعمل

صوت تكتكة ,, فانا عايز حد يفيدني ممكن يكون ايه عطل السخونية مع العلم ان المياه مظبوطة و المروحة كمان و ممكن يكون حصل حاجة للموتور و ليه مبقتش بتدور ,, و غير كدا الزجاج كان مفتوح و مرضاش يقفل استنيت

شوية افل و احد ورا التاني بعد عناء و تنصحوني بمين يظبوطلي العربية و يرجعها كويسة تاني و هل ممكن لو حد كويس يجي يكشفلي عليها , و معلش علي الاطالة ﻷن ده اول موقف ليا مع الميجان :(