الموضوع: الميجان عملتها معايا

المشاركة الأصلية كتبت بواسطة ahmed a.maksoud

باشا.....حضرتك مش بتجاوب على أسئلتنا كلها علشان نعرف نساعدك.

اللى يقولك ثرموستات الكوعة ملهوش لازمة تسيبه و تمشي على طول.

ببساطة موتور العربية له مستوى حرارة معين بيدى عنده أحسن أداء و أحسن إستهلاك بنزين

اللى بيحافظ على المستوى ده هو ثرموستات الكوعة.

فى حالتك لو العربية بتسخن بعد تغيير القربة.....الميكانيكي عاوز يستسهل و يشيل الثرموستات علشان الحرارة تقل........بس هو كده بيعالج عيب بعيب تاني.

الصح أن الثرموستات يكون راكب و هو يبتدي يشوف المشكلة فين.......ده بفرض أن فيه مشكلة حرارة.

سؤال تاني......هل ده الميكانيكي اللى كشفت عنده قبل ما تشتري ؟

حضرتك مشوفتش المواضيع اللى في القسم اللى بنقول فيها للناس لازم كشف التوكيل أو على الأقل مركز خدمة معتمد ؟

انا اسف يا باشا هركز مع حضرتك بس انا فاتح من الموبيل فا الدنيا بايظه شويه...الرد على سؤال حضرتك انا كشفت فى مركز فى صقر قريش لاكن الميكانيكى الى انا شغال معاه فى المنطقه عندى بس اشتغل قبل كدا فى رينو و هاقو لحضرتك الى حصل انهارده با التفصيل........
انا حضرتك روحت انهارده جبت قربه مياه جديده من دمشق تركى عامله 100 جنيه و دى الوحيده الى موجوده فى السوق المهم جبتها و روحت اركبها و حطيت مياه خضرا و مشيت و انا ماشى بروبع ساعه لاقيت العربيه بتنزل مياه من تحت و دخان من الكابوت روحت راكن لاقيت القريبه مسربه مياه و الغطاء بتاع القريبه بيسرب المهم مشيت بالعافيه لحد الميكانيكى تانى قالى القربه باظت و المروحه شغاله سرعه واحده طبعا انا لاحد دلوقتى مستنى لبكره علشان نعرف الاسباب الرئيسيه لمشكله المياه و روحت رجعت القربه و لاصمت القديمه علشان اعرف العيب منين و هنزل اجيب كل حاجه من الحرفين اسيتيراد مره واحده و لو الترموستات بايظيه ينفع اجيب جديد منها ولا دى نظمها ايه
بس انا بصراحه ابتديت اتخنق من العربيه دى دى لسه مكملتش اسبوع
ارجوكم فدونى مع العلم انى العربيه شفطت كل الى ورايا و الى قدامى و انا بشتريها