البنت الهادية عملة نادرة
البنت الهادية عملة نادرة
السلام عليكم ورحمه الله وبركاتة
حضرتك ذكرت كل ما ذكر بالحديث النبوي الشريف
تنكح المرأة لأربع
ربنا يبارك للبنت وأهلها علي الالتزام والادب في الزمن اللي احنا فيه اللهم امين
بص حبيبي في الله
الجمال هو جمال الاخلاق هي دي اللي بتفضل وبتدوم بعد عمر طويل ان شاء الله
وخد بالك احنا في زمن الفتن فيه كتتتتتتتتتتتتير جدا ، وانا شايفها فرصه العمر بالنسبالك
طالما انت اتخذت الطريق والبيت من بابه ، سيوفقك الله بأذن الله
أدعي ربنا ييسرلك الخير ويرزقك الزوجه والزرية الصالحه
تعرف ( مجرد فضفضة ) انا لقيت واحده نفس مواصفاتك بالملي واللي مخوفني اني شغال سواق تاكسي ، وخايف جدا ميرضوش بالشغلانة دي
بس والله انا مخلص كلية الحمد لله وقدمت كتير علي وظائف والحمد لله لسة الدور مجاش علي ، وشايف ان اللي بيطلعلي من التاكسي افضل من الوظيفة ، بس في خوف داخلي كدا مش عارف ليه
الحمد لله علي كل حال
وامضي وتوكل علي الله
اسأل الله لك ولنا راحة البال والأطمئنان
بصراحة ....... اما يبقى من احد مقاييس الحكم على شريكة الحياة ان عمها بياكل بسبوسة بايده او ان والدتها صوتها عالي (عالي بذوق مش عالي يعني بتزعق او قليلة الذوق) ......... دي اسمها تلاكيك و قطط فطسانة ......
مش عاجباك البنت سيبها للي ليه فيها النصيب ....... بس بصراحة شغل القطط الفطسانة و المظاهر الفارغة بتاع المصريين في الجواز ده بيجيب لي نقطة !!!
يا استاذ احمد انت منفعل زيادة انا ذكرت مميزات البنت كلها وذكرت مميزات الناس كلها و مش دي حيثياتي خالص
انا بفضفض معاكم وبحطكم في الصورة مش اكتر انت منفعل بس بزيادة
انا اللي عاوز اقوله لو حسيت اني مش مقتنع 100% اخد خطوة رسميه ونتفق بعد كدا او ما نتفقش ولا ماخدش الخطوة من الاساس دا كل الموضوع
واضح ان النقطه دى هى اللى شاغله تفكيرك
بص يا ريس الكمال لله سبحانه وتعالى و كل البشر فيهم عيوب و لهم مميزات
فيه عيوب مقبوله او غير مؤثره و يمكن التغاضى عنها و فيه عيوب قاتله لا يمكن قبولها ولا التعايش معها بأى حال من الأحوال
دلوقتى انت مش مقتنع بالبنت 100% و ده طبيعى نتيجه التردد و القلق و هكذا لكن المطلوب منك حاجه واحده علشان تريح نفسك و تعرف توصل لقرار
فكر كده ايه مميزات البنت دى و ايه عيوبها و شوف هل العيوب اللى فيها (من وجهه نظرك) هل هى مؤثره و مش هتقدر تتعامل معاها خالص ولا عيوب بالتعود او بمرور الوقت هتقدر تصلحها و تخيل كده انك اتجوزتها و شوف هتوصل لأيه و بعد كده خد القرار
لو فضلت مش مقتنع و متردد يبقى بلاش تكمل و انهى الموضوع بدرى و لو حسيت انك عايز فرصه تانيه و ميال للأستمرار اكتر يبقى ده بدايه الأقتناع ان شاء الله
شووووووووووف ياصديقي
انا ليا جارة عندها بنت 19 سنة ! لو شوفتها حضرتك في الشارع تقع من طولك ! جمال وجسم متقسم عشان لبسها ضيق.. صاروخ جمال بمعني الكلمة.. بس انا بقي اللي بشوفها علي طبيعتها
من غير ميك اب ولا باديكير ومونيكير ولا لينزسز ولا رموش ولا بشعرها المفرود اللي لما بتروح للكوافير عشان تفرده بتلبس ايشارب " بتدارية لانه سلك مواعين " ! بنت عاااااااادية جداً
فا الجمال ياصديقي مش زي مانت متخيل ..
اى بنت دلوقتي ممكن تبقي جميلة " مكنتش مصدق الكلمة دي غير لما شوفت بعيني زي ماشرحتلك في اول كلامي "
لكن مش اى بنت تبقي محترمة ! بس خلاص..
لو حاسس ان جمالها بعيييييييييد عن ماتتمناه يبقي خلاص اقفل الموضوع لكن لو فيها مثلا 60% من الجمال اللي انت عايزة .. خلاص اتكل علي الله ..
تمام متشكر جدا لردودكم انا هصلي استخارة
وربنا يهدي للاصلح
وهشوف مستريح ولا لا
هي الخطوة فيها تردد بس ربنا يهدي باذن الله
برجاء من الادارة غلق الموضوع
يا راااجل حد يلاقى بنت بالمواصفات دية ويسبها !!!!!!!!!
يافرحتى لما اتجوز بنت style وجميلة جدااا وبعد كدة الاقى اخلاقها وحشة ونكدية وتخلينى الف حوالين نفسى من كتر طلباتها
على وصفك كدة البنت دية متربية وابوها علمها الادب وان شاء اللة لو فية نصيب هاتخليك فى بيتك ملك وعمرها ما هتتجاوز حدودها معاك
اسمع كلام سيدك النبى الدنيا متاع وخير متاع الدنيا المرأة الصالحة ماقالش المراة الجميلة
استخير ربنا تانى وتالت قبل ماتاخد القرار بشرط الموضوع يكون مقبول شكلا وموضوعا
وربنا يهديك للخير والصواب
غالبا اللي بتعاني منه ده بيبقى من الشيطان علشان يبعدك عن الحلال وتستمر في فعل الحرام زي النظر وكده
وده نفس اللي بعاني منه بالظبط كل ما افكر في واحده الاقي نفسي اتقفلت منها وجامد كمان من غير سبب
وكل ما تقع في ايدي واحده بتفلت من الناحيه التانيه ههههههه
بص ياسيدي السيناريو اللي هيحصل
انت هتفضل متردد لحد ما يحصل حاجه من الاتنين يا اما تغيظ الشيطان وتوافق بالبنت والموضوع يستمر وبكده هتفضل متضايق فترة ويجيلك شويه شعور بالندم وتحس ان الحياه سوده وتصورات الشيطان هيزينهالك لكن مع مرور الوقت وخلفة العيال هتنسى وتتكيف وتحس انك كنت في غيبوبه
يا اما السيناريو التاني اللي هيحصل انك ترفض البنت وغالبا هتقع في نفس الحيرة مع غيرها وغيرها وغيرها لحد ما تعنس وتركن مع اخوك هههههههه
ربنا يرزقك بالزوجه الصالحه انت وجميع شباب المسلمين