محتار: بيرسونا أتوماتيك وللا لانسر أوتوملتيك الشكل القديم

**sibrahim** · 29-10-2008 05:18 PM

نرجو الإفادة من السادة الأعضاء ذوى الخبرة و المقارنة من حيث الأداء و التحمل و أسعار قطع الغيار مع العلم إن العربية هاتقعد فى حدود 5 سنوات

**sibrahim** · 29-10-2008 06:33 PM

Any one there......؟

**sibrahim** · 29-10-2008 10:24 PM

Still no one is there……? Or the comparison doesn’t make sense to any of you……?

**AhmedSarhan** · 29-10-2008 10:48 PM

Persona A/T will cost u 91.000
the future of the persona is not that clear

The Lancer is a good choice for your budget
but the condition is a variable thing
if u can find zero or zero-like condition
go for it

for me personally...i will go for lancer

**mahmoudzaied** · 29-10-2008 11:26 PM

لانسر انت بتتكلم فى ايه
لو 1600
انما لو 1300 هات البرسونا احسن
اللانسر سحب جامد جدا وعفشة رياضية وسعر اعادة بيع تحفة حتى لو فى الصحراء الساعة 2 بليل و توكيل محترم وسعر قطع غيار جميل جدا واسعار صيانة حلوة
البرسونا انا شايف انها احلى من الجين 2 (انا عموما بحب العربيات السيدان)
زى ما قلتلك 1600 لانسر
لو انت قصدك لانسر 1300 يبقى هات البرسونا احسن

**sibrahim** · 30-10-2008 02:59 AM

شاكر ذوقكم و نصايحكم الجميلة بس المشكلة عندى فى اللانسر هى الإنتشار الرهيب و أنا عارف ان دى ميزة بس فين الإحساس بالتميز و انت ماشى فى اى شارع كل العربيات اللى ماشية واللى راكنة واللى فى البنزينة و اللى على الكوبرى واللى فى النفق................. لانسر لانسر لانسر لانسر لانسر لانسر لانسر لانسر لانسر لانسر لانسر

للأسف هو ده اللى مخلينى متردد شوية فى العربيه دى بالرغم من العقلانية التامة فى اختيارها

**mazgangy** · 30-10-2008 03:06 AM

يا باشا حدد الاول انت تقصد انهى فئه فى الانسر بس عموما لو تقدر تجيب لانسر سوبر اكشن نفض للبرسونا لو لانسر 1600 وعاديه مش سوبر اكشن برضوا نفض للبرسونا وهات الجين 2 وعيش حياتك ولو تقصد بقى الانسر 1300 نفض بقى للانسر خالص وعموما مستنى ردك وقولى انت تقصد انهى لانسر و1300 والا 1600 وبتحب مانويل والا اتوماتيك ومعاك فلوس لحد كام يعنى عندك استعداد تدفع لحد كام معلش بقى رغيت كتير بس انا غاوى وهاوى عربيات وبحب اركب واسوق كل العربيات واجيب لحد اخر امكانيتها قولى احتياجك بالظبط من العربيه واخبارك فى الصيانه وقطع الغيار والمبلغ المتاح وطريقه سوقتك ومانويل والا اتوماتيك وسنك اد ايه واخبارك مع الهاتش باك والسيدان ومحب للسرعات والا لا وسفر والا ايه وبتمشى قليل والا لا وانا اديك الروشته التمام التمااام

**MoToRiZeR** · 30-10-2008 03:07 AM

هتجيب مانيوال ولا أوتوماتك ؟

أصل انا سقت الجين تو أوتوماتك هي حلوة طبعا بس متحسش بالعربية دي غير و هي مانيوال .. فا أعتقد البيرسونا هتبقي كدة برضه .. إنما اللانسر الأوتو بتاعها شديد ال 1600

**sibrahim** · 30-10-2008 03:23 AM

ياجماعة ميرسى جدا على المشاركة و الرأى و انا بتكلم عن 1600 CC لأنى راكب دلوقتى سيفيا أتوماتيك و كمان عايز أجيب أتوماتيك تانى لأن شغلى فى جاردن سيتى و باتبهدل فى الزحمة فقررت استغنى عن متعة المانيوال واريح رجلى الشمال شوية اما بالنسبة للسواقة فيعنى ماشى الحال بس انا من النوع اللى بيعدى ال100 كم فى نفق الأزهر و احياناً بضطر للغرز ما بين الناس اللى بتروح عليها نومة جوا النفق.

هو انا رغاى كدة لية حاجة تقرف المهم علشان مطولش (انا طولت فعلا)

المطلوب عربية 1600 Atoumatic و الميزانية اخرها 95000 و الحمد لله وكفى و السلام عليكم و رحمة الله

**mazgangy** · 30-10-2008 03:25 AM

طيب يا باشا لازمك زيرو والا ممكن كسر زيرو؟؟ ومقولتليش سنك اد ايه واخبارك مع قطع الغيار والتوكيلات يعنى عاوز حاجه حاجتها متوفره وتتصلح فى اى مكان والا مش فارقه