الموضوع: رأيكم في الأنسجينيا و هل عيوب الموتور اللي باسمع عنها دي بجد و لا لأ

أنا رأيي أنك تبعد عن الشر وغنيلو ، بمعني أن حضرتك ماتوجعش دماغك ،
وتجيب عربية كل شوية تحط أيدك علي قلبك ، وبدل ماتسعدك العربية تخليك عايش في قلق وتعاسة ،
طيب وعلي أيه ، أنا كنت زيك بالظبط ومحتار ، ومالقتش غير bmw و الفولفو هما العربيتين الوحيدتين ألي
مفيش فيهم مشاكل ، أنا قولت رأيي ، وربنا يوفقك للأصلح

المشاركة الأصلية كتبت بواسطة abdo taha

الانسجنيا حاجة و السيفيك حاجة تانية
و تسقيف الموتور مش من فراغ ، كله بسبب البنزين
عربيتي زمان كنت سعات بحطلها 90 و مش بتسقف
دلوقتي ال 92 و بتسقف برضه
طب عايز ايه من عربية تربو المفروض يتحطلها 95 و عدلو الدنيا عشان تتماشى مع بنزين 92 اللي هو مكتوب في الكتالوج انها اصلا تمشي 91 بس عشان بنزين مصر مش كويس اصلا
و العربيات المريدس اديها بتجيب مواتير
و يوم ما الانسجنيا حصل فيها مشكلة المواتير كانت بسبب بوجيهات و تم حملة لتغييرها و تظبيط السوفتوير

لو خايف من الاوبل البديل الافضل اما 508 او فولفو او 316 بس الفولو و البي ام اغلى شوية

وطب بالنسبه لاعاده البيع رايك ايه فولفو وبي ام تكسب ولا انسجنيا ؟؟

المشاركة الأصلية كتبت بواسطة mariachi

حضرتك أنا معايا توب لاين و أقدر أأكدلك انها أحسن عربية بالسعر ده من ناحية موتور و تكنولوجي و و قوه جنب الكماليات إللي ملهاش حصر، موضوع الموتور ده هو بسبب البنزين الزفت بتاع مصر علشان بيعمل خلل في غرفة الإحتراق و يسيح البوجيهات و ده إتعدل خلاص عن طريق تغيير البوجيهات و تعديل السوفت وير علشان يمشي مع البنزين الزفت بتاعنا، الفتيس مافيهوش أي مشاكل خالص و مالوش دعوة بفتيس الاسترا، العفشة ناعمة جداً مقارنةً انها جنط ١٨. و بص كمان على reviews العربية على الانترنت هتلاقي كلام كويس جداً يأكد إللي أنا بقوله.
و ده تقييم بسيط مني للعربية:
تصميم: ٩/١٠ كماليات: ١٠/١٠ خامات: ٨/١٠ تسارع: ٩/١٠ ثبات: ٩/١٠ راحه: ٩/١٠ عزل: ٨/١٠ فرامل: ٨/١٠

انا كنت شفت ريفيوهات كتير جدا للعربية من اوروبا و كانت واخدة كل حاجة 10/10 تقريبا و عربية محترمة جدا لكن حضرتك تأكيد عارف ان اللي بينزل مصر مش اللي بينزل في اوروبا ... و خايف احط 300 الف في عربية و الاقي مشكلة في الموتور ساعتها هتبقى مشكلة كبيرة جدا و هتبقى الفلوس ضاعت .. بالنسبة للبنزين حضرتك بتحط 92 و لا 95 ؟

المشاركة الأصلية كتبت بواسطة almghol

باشا حرام عليك فلوسك وحطا في عربيه تعرف تبيعها وتعرف تستمتع بيها انا بحب الاوبل والله بس فعلا الواحد بيسسمع عيوب غريبه في عربيه مفروض انها بفلوس مش قليله
الماتور بيسقف
استهلاك بنزين عالي جدا بمقارنه باي عربيه من فئتها
الفتيس مفيهوش نتشات لا
الريسيل بتاعها طبعا صعب شويه
نصيحه فكر الف مره قبل ما تحط جنيه في العربيه دي بالزات
من راي الهوندا سيفيك 2015 جميله اوي

سيفيك ايه بس يا ريس :d
انا رحت بصيت عليها العربية شبه النيسان الصني اللي معايا حاليا بس انضف شوية .. الصالون من جوه تعبان خالص شبه الأكسنت الأر بي و لا حاجة .. مش صالون عربية حلوة خالص .. لو سيفيك و فئة ال 200 الف يبقى الرينو الفلونس احسن منها و انضف و كماليات اعلى و اعادة بيع احسن و انضف وكيل في السوق حاليا
انا اساسا بيني و بين الياباني سوء تفاهم لأنهم بيعملوا العربيات من جوا زي الزفت طبعا ده بغض النظر عن ان الصني مش عربية هي شوية خردة مجمعينها و عاملينها عربية

المشاركة الأصلية كتبت بواسطة abdo taha

الانسجنيا حاجة و السيفيك حاجة تانية
و تسقيف الموتور مش من فراغ ، كله بسبب البنزين
عربيتي زمان كنت سعات بحطلها 90 و مش بتسقف
دلوقتي ال 92 و بتسقف برضه
طب عايز ايه من عربية تربو المفروض يتحطلها 95 و عدلو الدنيا عشان تتماشى مع بنزين 92 اللي هو مكتوب في الكتالوج انها اصلا تمشي 91 بس عشان بنزين مصر مش كويس اصلا
و العربيات المريدس اديها بتجيب مواتير
و يوم ما الانسجنيا حصل فيها مشكلة المواتير كانت بسبب بوجيهات و تم حملة لتغييرها و تظبيط السوفتوير

لو خايف من الاوبل البديل الافضل اما 508 او فولفو او 316 بس الفولو و البي ام اغلى شوية

انا فكرت فعلا في الفولفو ال s60 بس اعادة البيع هتبقى صعبة .. البي ام ال f30 حلوة بس هتزيد في حدود 100 الف جنية و انا اصلا هاقسط ال 300 الف مش هاقدر اعدي المبلغ ده

المشاركة الأصلية كتبت بواسطة RamiAbbas

انا كنت شفت ريفيوهات كتير جدا للعربية من اوروبا و كانت واخدة كل حاجة 10/10 تقريبا و عربية محترمة جدا لكن حضرتك تأكيد عارف ان اللي بينزل مصر مش اللي بينزل في اوروبا ... و خايف احط 300 الف في عربية و الاقي مشكلة في الموتور ساعتها هتبقى مشكلة كبيرة جدا و هتبقى الفلوس ضاعت .. بالنسبة للبنزين حضرتك بتحط 92 و لا 95 ؟

يا أستاذي الفاضل مفيش حاجة اسمها إلي بينزل مصر غير إللي بينزل برة، أنا أسف ده كلام فاضي، هو مصنع واحد إللي بينتج العربية مصنع ألمانيا الرئيسي!
و بعدين حضرتك ممكن تشتري مرسيدس إللي هي أكتر ماركه موثوق فيها في مصر و تجيب موتور زي ماحصل مع أكتر من 80 حاله في مصر خلال ال ٦ شهور إللي فاتت! أنا مقدرش أضمنلك حاجة ده ارزاق بس إللي أقدر أأكده إن الحاجات ده بتحصل من البنزين الزفت بتاعنا مش من عيب في العربية!!!
أنا عن نفسي بحط بنزين ٩٢ بس من بنزينه محترمه و بحاول مغيرهاش على قد ماقدر.

الغريب إن حضرتك موجه سؤالك لملاك العربية علشان يدوك المفيد بس لقيتك مشتت نفسك من كلام ناس مركبتش العربية أصلاً و كل كلامها عن العربيه بالسمع، ده غير إلي يقولك هات سيفك أحسن :) مع اني بحبها جداً و كانت معايا بس حرام تقارن أصلاً! على فكره أنا لسة شايف مقارنتين عن الإنسيجنيا واحدة مع مازدا ٦ و كيا اوبتيما والتانية مع مرسيدس E class و BMW 5 series، علشان الناس تفهم بس هي بتتقارن مع إيه بره و خدت أعلى rate في أول مقارنه ؛)