مساعده ضرورى العربيه بتسخن جامد و مش عارف السبب فيكترا b

**ALI SOLIMAN** · 07-11-2014 10:01 PM

لو سمحت يا شباب العربيه عندى بتسخن لغايه ما تجيب درجه الحراره 100 حتى وهى واقفه على السلانسيه

وبالنسبه للمراوح شغاله تمام و كمان كل الفيوزات سليمه

و الميه فى القربه مستواها كويس و مش بتنقص معايا خالص بس طبعا لو فتحت القربه بتكون بتغلى جامد

وحتى خرطوم الوصله بين الثرموستات و الريدياتير بيبقى سخن خالص يعنى الثرموستات كده شغال كويس على حد علمى

ارجو المساعده يا شباب ضرورى و العربيه فيكترا 1997 b مكنه واحد كامه

**subzero772** · 07-11-2014 10:59 PM

ترموستات الحرارة الي ركبة في الريداتير
غيرها لاول
شوف الاول المراوح بتشتغل امتا وبتطفي امتا
ممكن تكون بتشتغل متاخر او الترموشتات بتعلق

المفروض ان اتا تلاقي مروحة شغالة عر الحرارة ما بين 85 -95 علي سرعة بطيئة اعلي من كدة
تلاقيها علي السرعة العلية وصوتها عالي

**فادى محمد** · 07-11-2014 11:17 PM

انا شاكك في ترموستات الكوع .. قافشه وقافله.
فك الخرطوم بتاعها وفك الكوعه نفسها 3 مسامير 10 مل
وخرج الترموستات ورجع كل حاجه تاني لمكانها بدون ترموستات وجرب..
لو الدنيا ظبطت يبقي شكنا كان في محله . اشتري ترموستات جديد ( ماتجيبش غير نوع اسمه beher)
وتوكل علي الله .

**فادى محمد** · 08-11-2014 12:12 AM

المشاركة الأصلية كتبت بواسطة حسني منصور

نضف فتحات الرداتير في الغالب هاتلاقيها مسدودة بتراب وزلط رفيع

ازاي ياباشا الكلام ده ؟؟

الرادياتير عندنا قدامه سربنتينه التكييف بتغطي 80% من مساحته ..موضوع التراب والظلط ده صعب.

**فادى محمد** · 08-11-2014 01:03 AM

المشاركة الأصلية كتبت بواسطة ALI SOLIMAN

الف شكر ليكو يا رجاله وعلى كل الردود المفيده و انا شايف ان اقرب راى هو راى الاستاذ فادى عشان سويتش المراوح انا مغيره من اسبوعين وكمان انا عملت شورت على المراوح انها تشتغل على طول حتى انا و مبطل العربيه عشان اضيع الشك فى انها بتشتغل متاخر وبكره هاشيل كوعه الثرموستات واجرب من غيرها وارد بالنتيجه

والف شكر ليكو كلكم

بس سؤال للاستاذ فادى هو مش الخرطوم اللى خارج من كوعه الثرموستات لو سخن يبقى الثرموستات شغال كويس ولا ايه رايكم

مبدائيا ..
سهل تعرف الموضوع ده من خلال امبير الحراره. ازاي؟
الطبيعي انه الصبح يرفع لغايه 80د تقريبا وبعدها ينزل علطول يبقي فوق الازرق ( كده الترموستات فتح) بعد كده يرفع لغايه 87د تقريبا والمروحه تشتغل تنزل الامبير ل80د وهكذا....

لو لقيت الامبير بيرفع علطول من اول المشوار يبقي الترموستات مقفول..

بالنسبه للخرطوم . لما الترموستات بيفتح والميه بتعدي من خلاله اضغط عليه هتلاقيه ناشف شويه
اما لو الترمو. مقفوله هتلاقيه طري .. الحراره بتاعته مش مقياس ..

خلي بالك وانت بتركب الكوعه من ال o ring بتاعها وهتلاقي املاح علي الحواف اديها صنفره ناعمه علي خفيف وممكن لحسه سليكون حراري وانت بتقفل ..

**ALI SOLIMAN** · 08-11-2014 12:53 PM

المشاركة الأصلية كتبت بواسطة فادى محمد

مبدائيا ..
سهل تعرف الموضوع ده من خلال امبير الحراره. ازاي؟
الطبيعي انه الصبح يرفع لغايه 80د تقريبا وبعدها ينزل علطول يبقي فوق الازرق ( كده الترموستات فتح) بعد كده يرفع لغايه 87د تقريبا والمروحه تشتغل تنزل الامبير ل80د وهكذا....

لو لقيت الامبير بيرفع علطول من اول المشوار يبقي الترموستات مقفول..

بالنسبه للخرطوم . لما الترموستات بيفتح والميه بتعدي من خلاله اضغط عليه هتلاقيه ناشف شويه
اما لو الترمو. مقفوله هتلاقيه طري .. الحراره بتاعته مش مقياس ..

خلي بالك وانت بتركب الكوعه من ال o ring بتاعها وهتلاقي املاح علي الحواف اديها صنفره ناعمه علي خفيف وممكن لحسه سليكون حراري وانت بتقفل ..

تمام يا فادى باشا كل اللى قولته طلع مظبوط والله يباركلك بعد ما شيلت الثرموستات من الكوعه الحراره ظبطت و مبقتش تعدى ال85 والمراوح شغاله فى معادها عند 85

وانا عملت اختبار للثرموستات فى الميه السخنه لقيته قافش فعلا و دلوقتى انا مديله شويه WD40 وهاشوف ممكن يسلك ولا ايه و لو نفعت هبقى ارفع فيديو ليه وهو بيفتح فى الميه السخنه ودى صور للثرموستات اللى شيلته

***** وسؤال على السريع كده ز هو انا لو مشيت من غير ثرموستات فى ضرر ولا ايه الاحسن ؟

والف الف شكر ليك

**Hesham.H** · 08-11-2014 05:52 PM

المشاركة الأصلية كتبت بواسطة ali soliman

تمام يا فادى باشا كل اللى قولته طلع مظبوط والله يباركلك بعد ما شيلت الثرموستات من الكوعه الحراره ظبطت و مبقتش تعدى ال85 والمراوح شغاله فى معادها عند 85

وانا عملت اختبار للثرموستات فى الميه السخنه لقيته قافش فعلا و دلوقتى انا مديله شويه wd40 وهاشوف ممكن يسلك ولا ايه و لو نفعت هبقى ارفع فيديو ليه وهو بيفتح فى الميه السخنه ودى صور للثرموستات اللى شيلته

***** وسؤال على السريع كده ز هو انا لو مشيت من غير ثرموستات فى ضرر ولا ايه الاحسن ؟

والف الف شكر ليك

اه طبعا المشى من غير ترموستات الكوعه غلط كبير ... هاتعرف انه غلط من وظيفته وهى
بيقفل على الميه اللى جوه الموتور لغايه اما توصل درجه حراره معينه ( الحراره المثاليه لتشغيل الموتور ) وبعد وصول درجه الحراره المطلوبه يبدأ يفتح ويخرج الميه اللى جوه المحرك ويدخلها للرياداتير ومكانها يدخل مياه الريادتير البارده الى داخل الموتور وتبدأ الدايره من جديد
لو الترموستات بايظه زى ما قال فادى يبقى الميه السخنه داخل الموتور هاتفضل موجوده وبالتالى الموتور يسخن جامد
لو شيلناها ومشينا من غيرها يبقى ببساطه الدوره هاتبقى مفتوحه على بعضها لا الميه الريادتير هاتلحق تبرد ولا الموتور هياخد الحراره المطلوبه
هاتبقى الحراره عندك أقل من المطلوب على الطرق الطوالى وهاتبقى زياده عن المطلوب فى المشى البطيئ داخل المدينه
اتمنى انى اكون وصلتها بالشكل المطلوب
تحياتى