الموضوع: السوزوكي ارتيجا 2015

السلام عليكم .اعرفكم بنفسي اسمي خالد شهاب عضو غير فعال منذ فتره.

الحمدلله انا استلمت السوزوكي ارتيجا 2015 ذهبي منذ اسبوع و احب اطمن كل الي بيفكر يشتريها او يحجزها لاني عاملت زي مالناس بتعمل بالظبط ...السيرفييي المؤلم قبل الشراء مع لف علي المعارض و الوكيل و قرائه اراء الناس حول العالم و خصوصا بالهند و ايضا مقارنات بالسيارات المثيله و طبعا حاسس اني كنت بعمل ماجيستير في سوزوكي ارتيجا من حيث قطع الغيار و التوكيل و هكذا بالعلم اني كان معايا ماتريكس...و طبعا الاهم و الارجح و الي خالاني أقدم علي شراأها استخارة ربنا عز و جل و ذلك لان اختياره بالنسبة لي احسن من اختيار الكل....و ما توفيقي الا بالله .

طبعا قبل ما اتكلم عنها فنيا من الداخل و الخارج او حتي تجربتها عشان لسه بصراحه مجربتهاش لسه علي الطريق و الملفات او الصيانه و الذي منه احب اوضح حاجه مهمه.

العربيه ده و السويفت عليهم طلب جاامد جدا وهيستيري و طبعا ده مش باين علي النت او المنتديات لان مش كل الناس تعرف المواقع و وجهات الاتصال ده و ده بعد سؤال ناس في الوكيل نفسه و سؤال واحد صحبي في المصريه و نقلا عن احد أصدقائي له قريب بمودرن موتورز قاله ان ناس شغاله في مودرن موتورز حاجزين الارتيجا زينا بالظبط و قالي في واحد حاجز اتنين ليه و لابنه و طبعا سؤال مهم كل الناس بتسأله هيه ليه العربيه ده مش منتشره زي بقيت العرببات .فابعد تفكير و استطلاع و تمحيص و تقرير وسؤال اخصائين بيع ....
يوجد كذا سيناريو.
اولا -ان العربيه فيها معظم الكماليات ياباني و تقفيل هندي ولايوجد مثيل في فئتها من حيث الكماليات والمساحه وذلك فعلا بعد بحث مرير فالوكيل شاف ان الفتره الي فاتت العربيه عليها حجز جامد جدا و ده فعلا منوخلال واحد صحبي كان بيشتري سويفت و شاف وصلات حجز رهيبه علي الارتيجا و السويفت بالعلم ان الي كان ببحجز من شهر 7 او 8 كانوا بيقلووا شهر او شهر و نص بالكتير و دلوقتي لو رحت تحجز بالسعر الرسمي هايقولولك 6 شهور فعلا و حقيقي الكلام ده من فرع المساحه بالدقي فطبعا المعارض برده لقيت السؤال عليها كتير وده عن تجربه سألت كل المعارض الاسبوعين الي فاتوا كلهم قالوا لا ووالي عنده من 134 ل 138 بالعلم ان التوكيل بيبعها ب 125 و السعر ده مش مضمون ممكن يزيد و ده اكيد و هايحصل او ممكن يكون بيحصل دلوقتي عشان ايه زياده بالدولار بيزود سعر العربيه من الف لاتنين و ده من لسان واحد من الوكيل فطبعا المعارض لقيت عليها طلب فراحت حجزت كميات من الوكيل طبعا بيزنس مع بعض بقي فالناس بقت تروح الوكيل يقلهم بدل شهر او اتنين...6 شهور بدون اي استثنائي و طبعا المعرض بقي بالنسبه له ده فاكهه بقي يبيعوعلي مزاجو اوفر برايس والي عاجبه هههههههه ده واحد في معرض كده اعرفه قلتله ماتظبطني فالسعر شويه لما تجيلك قالي و هو بيضحك انا اظبطك في استلام بدري ااه لكن فلوس لا عشان غيرك هايخدهاومن غير فصال بالعلم انها اوفر بريس 8 الاف جنيه كمان. فا ده اول سيناريوا .
تاني سيناريو -
ان الوكيل عارف و متأكد انها الاحسن في فئتها فقاصد يعطش السوق بيها و قاصد يبيع للمعارض عشان طبعا يستفيد وويفيد من الاوفر برايس و ده طبيعي و بيحصل في كيا , و رينو لوجانوالجديده و بعض السيارات و ده عن سؤال طبعا ........ عشان لسه جديدة وطبعا التوكيل ضامنها من حيث البيع و الانتشار بدليل موظفين كتير هناك حتجزينها ليهم و لقرايبهم و برده بصوا علي الماروتي كدة و الالتو الي مغرقين الشوارع ولا حتي السويفت القديمة عشان ماتخافوش من سوزوكي ( بالمناسبة كان في واحد قابلته مره في معرض مودرن موتورز قال انا معايا التو و عامل بيها 200 الف كيلو و عمري ما صلحتها برجه التوكيل )
و برده بالمناسبة عشان متنساش سألت الراجل بتاع الوكيل و قلتله هل قطع الغيار متوافره قالي موجوده طبعا بس بعض القطع لسه مش مسعره(الكلام ده كان من شهر و نصف كده) بس بتخدها عادي بس بيبقي ليك باقي تحت العجز و بتاخده عادي عشان انت لو داخل صيانه ولا عندك مشكله مش في حاجه حصلتلك في العربية او خبطه لاقدر الله نصلح عربيتك و تاخدها و تمشي عادي .

تالت سيناريو و معلش طولت عليكم اصدقائي الكرام
بعض الناس الموثوق فيها طبعا و بعض الاخبار بتقول انه السنه ده مودرن موتوز عاوز ينتشر في السوق اوي بالسيارت الجديدة الي نازل بيها السنه ده طبعا 5 موديلات مش قليل برده و يحقق مبيعات جامده فمحتاج طلبيات كتيره عشان يغطي احتياجات السوق المصري
فهو طبيعي بيطلب كميات لسد الطلبات لكن المصنع بالهند مش بيلبي كل الطلبات ده عشان طلبات بعض الدول الاخري المستورده من الهند برده و كمان عشان يقدر و يلحق يظبط و يطور مركز الخدمة المجدد بابو رواش عشان يليق بمستوي العملا الجداد لسوزوكي .
صحيح واحد صحبي راح يعمل صيانه الالف للسويفت و بيشكر في مركز خدمه ابو رواش من حيث النظام و اسلوب الحجز و شويه حركات كده عاملينها هناك .

و هذا رأيي و سامحوني ان اكون اخطأت في شيء و الله اعلم و الحمد لله رب العالمين ,,,

و شكرا لكم علي القرائة و هاوافيكم بالتجربة بعد الالف ك انشاالله انا بس حابيت اطمنكم من العربية انا علي فكره شاريها اوفر بريس من موزع و كان حتي مع الورق افراج جمركي فيه عشرين عربية جايين معاها فب الورقه في نفس اليوم .

تحياتي ,,,

الله يخلي حضرتك و امين يا رب

مبروك وربنا يجعلها وش السعد عليك وفى انتظار التقرير والصور ان امكن

المشاركة الأصلية كتبت بواسطة mazharsafwat

مبروك وربنا يجعلها وش السعد عليك وفى انتظار التقرير والصور ان امكن

الله يبارك فيك و قريب انشالله هاوافيكم بالصور

مبروك يا غالى و ربنا يديك خيرها و يكفيك شرها ... أنت طمنتى شوية أنا حجزتها و لم أرها حتى الآن على الطبيعة و مقلق منها و من عدم إنتشارها و من توافر قطع الغيار و أسعارها ... تحياتى لك

المشاركة الأصلية كتبت بواسطة emad shata

مبروك يا غالى و ربنا يديك خيرها و يكفيك شرها ... أنت طمنتى شوية أنا حجزتها و لم أرها حتى الآن على الطبيعة و مقلق منها و من عدم إنتشارها و من توافر قطع الغيار و أسعارها ... تحياتى لك

الله يبارك فيك استاذ عماد و لا تقلق خليها علي الله والله في عربيات كتيره لسه نازله اول مره و الناس بتشتريها و بتتوكل علي الله في منها بيطلع وحش و مقلب و في منها بينجح و يكمل و محدش بياخد حاجه كامله .الكمال لله و حده .استخير ربنا في الاول ووالاخر ....نهارك بيضحك

المشاركة الأصلية كتبت بواسطة emad shata

مبروك يا غالى و ربنا يديك خيرها و يكفيك شرها ... أنت طمنتى شوية أنا حجزتها و لم أرها حتى الآن على الطبيعة و مقلق منها و من عدم إنتشارها و من توافر قطع الغيار و أسعارها ... تحياتى لك

الله يبارك فيك استاذ عماد و لا تقلق خليها علي الله والله في عربيات كتيره لسه نازله اول مره و الناس بتشتريها و بتتوكل علي الله في منها بيطلع وحش و مقلب و في منها بينجح و يكمل و محدش بياخد حاجه كامله .الكمال لله و حده .استخير ربنا في الاول ووالاخر صحيحوهي موجوده في العرض بتاح فرع المساحه الي جنب نيسان و بالنسبه لقطع الغيار انتواكيد فب الاول بتروح التوكل مش هاتحتاج تروح برا .. ....نهارك بيضحك

المشاركة الأصلية كتبت بواسطة shooxcar

الله يبارك فيك استاذ عماد و لا تقلق خليها علي الله والله في عربيات كتيره لسه نازله اول مره و الناس بتشتريها و بتتوكل علي الله في منها بيطلع وحش و مقلب و في منها بينجح و يكمل و محدش بياخد حاجه كامله .الكمال لله و حده .استخير ربنا في الاول ووالاخر صحيحوهي موجوده في العرض بتاح فرع المساحه الي جنب نيسان و بالنسبه لقطع الغيار انتواكيد فب الاول بتروح التوكل مش هاتحتاج تروح برا .. ....نهارك بيضحك

لك منى خالص التحية و عظيم التقدير ... أنا فكرت فيها لظروف أسرتى التى وهبنى الله 4 أولاد فأصبحت السيارات السيدان العادية غير مناسبة و شايف سعرها معقول بس هو الواحد بيقكر بصوت عالى لكى أطمئن للأختيار

الف مبروك يا باشا وربنا يكفيك شرها وانتم السابقون والشهر الجاى باذن الله بكم لاحقون مستنى رايك فى اداء العربيه بشده .لانى حجزتها بعد ما اتفرجت عليها وعلى ريفيوهات على النت ودون معرفه راى اى حد يكون جابها بس توكلت على الله لانى شايف ان سعرها تحفه بالنسبه لامكانيتها وكمان مجرب التقفيل الهندى فى i 10 محترم جدا عايزك بس بعد اذنك تطمنى على سحب العربيه وخصوصا بالتكييف لانها 1400 سى سى ولو ممكن تعرفنى الترخيص كلفك قد ايه ولو فيها غلاسه اذا عملتلها فرش للارضيه والكراسى تعرفنى منين وبكام وربنا يكفيك شر الطريق وتكون اختيار موفق ان شاء الله.