الموضوع: هي السوزوكي ألتو 2015 شكلها مكعبر ..ولا أنا بيتهالي ..

ههههههه هههههههه ههههههه
تحليل لذيذ
عامل الفانوس القدماني عريض ,تضرب فلاشر يحرق اللي قدامه
وكلو ٨٠٠ سم٣ ,الفتوه القزم
بو بو بوكو بو
يمكن المصمم طولياني عملها فستان جديدو
هههههه ههههه

ديه مسالة اذواق

المشاركة الأصلية كتبت بواسطة aymanshebl

ديه مسالة اذواق

ما أنا عارف إن هي مسألة أذواق ...وخصوصا إن أنا بتكلم عن تصميم في الشكل للعربيه ..بس بجد شكلها مكعبر بجد

المشاركة الأصلية كتبت بواسطة m_m_sh_a

هي السوزوكي ألتو 2015 شكلها مكعبر ..ولا أنا بيتهالي ..

مش عارف لما ببص للعربية سوزوكي ألتو 2015 بحس إن شكلها كده أوفر قوي ..يعني بحس إني عاوز أقول للي صمم العربيه ..ليه يا عم كل ده ..ده العربيه كلها 800 سي سي 3 سلندر ..إيه الغلب اللي إنت عامله ده كله ..
يعني على سبيل المثال من ملاحظاتي :

1- الإنسيابيه بتاعة العربية جايه من ورا لقدام ..أيون ..العربية شكلها إنسيابي من ورا لقدام ..وده تلاحظه لو بصيلتها من الجنب هتلاقيها من قدام من عند القايم الأمامي أعلى من ورا من عند القايم الخلفي ..مع إن بقى المعتاد دلوقتي في العالم كله إن إنسيابية العربية بتكون من قدام لورا

2- حكاية الفانوس الأمامي اللي واصل لنص الرفرف ده بصراحه ..أوفر قوي ..يعني الفانوس يبقى فخم وإنسيابي وشغل العربيات الحديثه ..بس مش لدرجة إنه ياكل نص الرفرف الأمامي من فوق

3- الباب الخلفي بتاع الشنطة ..هما عاوزين يعرضوا الباب بتاع الشنطه من تحت ..ماشي ..كتر خيرهم ..بس مش لدرجة إنك عشان تعرض الباب الخلفي فمتلاقيش مكان تقوم رافع الفوانيس الخلفية لفوق

دي صور للسوزوكي ألتو 2015 ركزوا فيها وقولوا رأيكم ..الصور من مشاركة أحد أعضاء المنتدى
http://www.nilemotors.net/nile/437841-800.html



كككككل اللي مكتوب فوق ده رأي شخصي ..عشان محدش يزعل ..

فاكرين الهونداي الاتوس ام قفا عريض
الالتو بردك مقيفه عنها

المشاركة الأصلية كتبت بواسطة mecha

فاكرين الهونداي الاتوس ام قفا عريض
الالتو بردك مقيفه عنها

طيب الهيونداي الأتوس كان مسميينها هيونداي مكواه ..إنما دي ألتو إيه بقى ..؟؟؟

كعبوره يا باشا
بس الاتومبيل دا حلو بيشيل و يستحمل
علي قد انه صغنن بس دقرم
كان معايا و احده ف 2007

المشاركة الأصلية كتبت بواسطة mecha

كعبوره يا باشا
بس الاتومبيل دا حلو بيشيل و يستحمل
علي قد انه صغنن بس دقرم
كان معايا و احده ف 2007

أنا بتكلم عن الشكل الجديد ..إنما الألتو زن ..أو الألتو اللي بدأت في 2008 ..شكلهم شيك بصراحه عن المكعبره موديل سنة 2015

طيب هو بالنسبه للفانونس العربيه حجمها و ابعادها مقاربه جدا لعربيات نفس الحجم زى البيكانتو ولو العربيه مكعبره فعلا ياريت دا انا بحاول اقنع نفسى انها مكعبره اما الانسيابيه اللى من ورا لاقدام دى مش فاهمها الصراحه بس هى العربيه فيها ارتفاع فعلا من القايم قدام و قصيره من ورا عادى لو كانت مسطحه كان هيبقى شكلها مش حلو اعتقد اما موضوع الفانوس ياترى عاجبك فانوس البيكانتوا ماهو واكل كل الكبوت بردوا ولا ايه رأيك او فانوس 113 اسبرانزا نفس القصه واكل الكبوت كله