طبعا العربيه مش هتدور ولو دايره مش هتدور تاني بعد متبطلها


المشكله بتكون في منظومه الفتيس الايزيترونك

فالغالب جدا او بنسبه 90% بيكون السبب الجزء الميكانيكي في كنترول الفتيس او الموتور المتحكم في الدبرياج


طبعا ممكن الموضوع يحصل في وسط الطريق و هتحتاج انك تحرك العربيه او تركنها على جنب اقل حاجه ! ( هيا مش بتحصل غير في اصعب الاماكن والظروف عامتا )

اول حاجه وانت مبطل العربيه و قافل كونتاكت

هتفتح الكبوت و تدور فالمكان ده هتلاقي كنترول الفتيس تحت البطاريه و جنب خزنه زيت الدبرياج



هتلاقي في طبه بتغطي عمود موتور الدبرياج هتفك الطبه بمفك او اي حاجه رفيعه تنطر الكاب ده و متضيعوش عشان مهم تغطي المكان بيه تاني بعد كدا



بعد كدا هيظهر عمود موتور الدبرياج و مشقوق زي راس المسمار عشان تقدر تلفه بمفك او عمله معدنيه



طبعا الموضوع ده معمول اصلا عشان لو العربيه معشقه و البطاريه مفصوله او خلصانه بتلف العمود ده عشان تدوس عالدبرياج و تعرف تزق العربيه


لكن هنا هنستعمله في تنشيط الموتور فقط ... هتلف العمود لفتين او دورتين يمين و لفتين شمال

هتجرب تدور العربيه لو لسه مش بتدور اقفل كونتاكت و كرر الخطوه السابقه

غالبا ان شاء الله هتدور

بس خلي بالك فالحاله دي العربيه هتعرف تدوس دبرياج مرتين تلاته يعني متمشيش بيها وخلاص لا تركن العربيه في مكان مناسب و تنتظر الونش الطبليه اللي هينقل العربيه لمكان تصليح الكنترول


ده اكتر عيب شائع بيحصل للايزيترونك


ممكن تفك كابل البطاريه 10 دقائق لو الموضوع اللي فات مجبش نتيجه لان كدا المشكله مش في موتور الدبرياج

ممكن تنتظر العربيه تبرد وتدور


ممكن تراجع عالموضوع ده مخصوص عن الايزيترونك

http://www.nilemotors.net/Nile/325856-a.html