ايه رأيكم في زواج الصالونات هوا احسن ولا الزواج عن حب
عرض للطباعة
ايه رأيكم في زواج الصالونات هوا احسن ولا الزواج عن حب
فاااااااااااااااااااااااا شل جدا
معظم زواج الصالونات بيبقي مبني علي مصالح بين العائلتين و بيوطدوا العلاقة بالقرابة ... الجواز عن حب كويس و لكن بعد فترة بيحصل فتور و بيبتدي الحب يقل شوية بشوية نتيجة الروتين و التكرار (مش دائما) ... الحب عادي بييجي بعد الجواز و ممكن قبله في فترة الخطوبة يعني مفيش حاجة اسمها جواز من غير حب :)
زواج الصالونات حمادة
والزواج عن حب حمادة تانى خالص
عن حب طبعا افضل على الاقل هاتكونوا عارفين طباع بعض
صالونات بختك يابو بخيت ويفضل فترة الخطوبة ماتقلش عن 6 اشهر علشان تاخد القرار الصحيح مع ان الطرفين هيحاولوا يظهرو بأفضل صورة وفى تجارب ناجحة جدااا وحبوا بعض بدرجة كبيرة جدااا بعد الجواز والناس القديمة تقولك الحب الحقيقى بيجى بعد الجواز مش قبلة المسألة نسبية وبتختلف من حالة لحالة بس طبعا اظفر بذات الدين تربت يداك
وفى الاخر مش هاتتجوز غير مراتك اللى ربنا كاتبهالك قبل ماتتولد اصلا
وربنا يوفقك لما فية الخير
دى حاجه بتختلف من شخص لاخر
بس انا شخصيا افضل الزواج عن حب
من الآخر هي مسألة قدر انت ونصيبك سواء صالونات أو عن حب أو حتى من على النت !
أنا أعرف ناس قعدت تحب بعض سنين وبمجرد ما اتجوزوا والله ما كملوا سنة وكانوا كذا مرة هيطلقوا ولحد دلوقتي مشاكل لا تنتهي
وأعرف ناس تانية لا كان يعرف العروسة ولا تعرفه ولا يعرفوا أهل بعض والحمد لله بقالهم سنين مستقرين
الرك كله على الدين والتربية لو بنت حلال وأهلها مربيينها وهو كويس هيستريحوا .. لو الميزان اختل وواحد منهم كان مش كويس يبقى هيعيشوا في نكد
مافيش حب في الزمن ده
هو انا من رأيي المتواضع, ان مش فارق جواز حب و لا جواز صالونات المهم انت تفكر بعقلك, هل الي قدامك دي تستحق تعيش معاك و لا ﻷ و هل هي مناسبة لثقافتك و طريقة تفكيرك, و أخيرا هل انت هتعرف تستحملها في جميع الظروف ايا كانت ﻷن اكيد حياتكم كلها مش هتبقى وردي.
انا معنديش خبرة فى الموضوع بس عندى فضول اعرف.... هو جواز الصالونات ده مش القصد منه هو المقابلة الاولى تكون عن طريق اهل او معارف او كدة.
لو بعد كدة حصل قبول و الامور كانت موفقة معتقدش الامور حتفرق فى ايه شافوا بعض عن طريق صحاب , جامعة او شغل.
ولا الموضوع بيبقى تدبيسة تروح تشيل على طول ؟
انا شايف ان المفروض ان جواز الصالونات هوه اللى يبقى الاساس
وفتره الخطوبه هى فتره التعارف وتحديد ان كان هيكملوا مع بعض ولا لاء
انما بالنسبه للى بيحصل ايام الجامعه وضحك الشباب على البنات
بلاقى واحد وواحده مرتبطين ووشهم فى وش بعض طول الاربع او الخمس سنين دراسه وطبعا متفقين على الجواز بعد التخرج
وتلاقى فى معظم الاحيان بعد التخرج الشاب فوجىء انه عنده جيش وانه مطلوب منه يلاقى شغل بعد الجواز ويجيب شقه ويفرشها فطبعاً بيخلع من البنت انه مش عاوز يوقف حالها
وطبعاً البنت لما تتجوز جوزها اللى مكتوب لها يبقى قلبها متعلق بزميل الجامعه اللى الظروف كانت اقوى منه
وهوه الموضوغ فى الاول والاخر ان الشاب بيسلى نفسه ايام الجامعه وبيعيش وخلاص
فانا بانصح اى بنت انها تحافظ على نفسها وتخلى مشاعرها لعريسها اللى هيجى يطليها من اهلها
ده حتى علشان لما تيجى تعيش المشاغر مع خطيبها او جوزها تبقى تحس فرجه انها اول مره تعيش تلك المشاعر مش تبقى متعوده دايماً :)
المشكله مش طريقه الزواج سواء صالونات او عن سابق معرفه
المشكله مين بيخبط على باب مين يعنى ؟ التوافق فى الطباع والفكر ......
لكن... كتير زواج صالونات نجح وكتير زواج بسابق معرفه نجح ....والعكس
بص انا رأى ان الموضوع مش فارق كتير لسبب......ان محدش بيبين الوحش فيه مع اللى معاه سواء كان خطوبه عن حب او صالونات
دايما المشاكل بتبدأ مع كثره المواضيع.....يعنى طول ما هما مخطوبين اى كان نوع التعارف عن حب او صالونات بتلاقى الهم الوحيد هو توضيب البيت اللى هو عش الزوجيه ....وغالبا معظم الناس بتبقى متفقه على كل حاجه من قبل الارتباط ....الاختلاف بيكون حنجيب منين , الالوان , حاجات ضغيره
انما بعد الجواز الوضع بيختلف تمااااااما.....لان الاتنين بقت حياتهم واحده وغالبا لازم تحصل بعض المشاكل فى الاول
لان كل واحد فيهم من بيت مختلف بطريقة معيشه مخلتفه بتربيه مختلفه....فلازم يكون فيه بعض الصدام
فى الاغلب الاتنين بيتفقوا على وضع او هيكل جديد لشكل الاسره يتمشى مع الاتنين ....بالاضافه كل واحد بيعرف الشخص اللى قصاده فبيفهموا اكتر .....ولهذا بيقولك الحب بيجى بعد الجواز بفتره....بتكون الدنيا استقرت وكل واحد فهم التانى فالمشاكل بتقل ويبدأ يشعل كل واحد فيهم بالراحه لتأقلمه مع الحياة الجديده فيبدأ الحب والوفاق.
اللى حياتهم مبتمشيش اللى بيكون الاختلاف جوهرى ....يعنى حاجه لايمكن الاخر يتعايش معاها من طباع متأصله فى الطرف الاخر ....ودا بقى سواء الجواز كان صالونات او عن حب بتفضل حياتهم صعبه