زواج صالونات

**lojain** · 08-11-2014 09:33 PM

ايه رأيكم في زواج الصالونات هوا احسن ولا الزواج عن حب

**khaled_yassin** · 08-11-2014 09:39 PM

فاااااااااااااااااااااااا شل جدا

**ENG.MaRk** · 08-11-2014 09:41 PM

معظم زواج الصالونات بيبقي مبني علي مصالح بين العائلتين و بيوطدوا العلاقة بالقرابة ... الجواز عن حب كويس و لكن بعد فترة بيحصل فتور و بيبتدي الحب يقل شوية بشوية نتيجة الروتين و التكرار (مش دائما) ... الحب عادي بييجي بعد الجواز و ممكن قبله في فترة الخطوبة يعني مفيش حاجة اسمها جواز من غير حب :)

**mastr_n** · 08-11-2014 09:44 PM

زواج الصالونات حمادة
والزواج عن حب حمادة تانى خالص

عن حب طبعا افضل على الاقل هاتكونوا عارفين طباع بعض
صالونات بختك يابو بخيت ويفضل فترة الخطوبة ماتقلش عن 6 اشهر علشان تاخد القرار الصحيح مع ان الطرفين هيحاولوا يظهرو بأفضل صورة وفى تجارب ناجحة جدااا وحبوا بعض بدرجة كبيرة جدااا بعد الجواز والناس القديمة تقولك الحب الحقيقى بيجى بعد الجواز مش قبلة المسألة نسبية وبتختلف من حالة لحالة بس طبعا اظفر بذات الدين تربت يداك

وفى الاخر مش هاتتجوز غير مراتك اللى ربنا كاتبهالك قبل ماتتولد اصلا
وربنا يوفقك لما فية الخير

**J A G U A R** · 08-11-2014 09:44 PM

دى حاجه بتختلف من شخص لاخر
بس انا شخصيا افضل الزواج عن حب

**أبو آسر** · 08-11-2014 09:51 PM

من الآخر هي مسألة قدر انت ونصيبك سواء صالونات أو عن حب أو حتى من على النت !
أنا أعرف ناس قعدت تحب بعض سنين وبمجرد ما اتجوزوا والله ما كملوا سنة وكانوا كذا مرة هيطلقوا ولحد دلوقتي مشاكل لا تنتهي
وأعرف ناس تانية لا كان يعرف العروسة ولا تعرفه ولا يعرفوا أهل بعض والحمد لله بقالهم سنين مستقرين
الرك كله على الدين والتربية لو بنت حلال وأهلها مربيينها وهو كويس هيستريحوا .. لو الميزان اختل وواحد منهم كان مش كويس يبقى هيعيشوا في نكد

**Theredbaron** · 08-11-2014 10:33 PM

هو انا من رأيي المتواضع, ان مش فارق جواز حب و لا جواز صالونات المهم انت تفكر بعقلك, هل الي قدامك دي تستحق تعيش معاك و لا ﻷ و هل هي مناسبة لثقافتك و طريقة تفكيرك, و أخيرا هل انت هتعرف تستحملها في جميع الظروف ايا كانت ﻷن اكيد حياتكم كلها مش هتبقى وردي.

**MuhamedNabil** · 08-11-2014 10:36 PM

انا معنديش خبرة فى الموضوع بس عندى فضول اعرف.... هو جواز الصالونات ده مش القصد منه هو المقابلة الاولى تكون عن طريق اهل او معارف او كدة.
لو بعد كدة حصل قبول و الامور كانت موفقة معتقدش الامور حتفرق فى ايه شافوا بعض عن طريق صحاب , جامعة او شغل.

ولا الموضوع بيبقى تدبيسة تروح تشيل على طول ؟

-

الموضوع: زواج صالونات

LinkBack

أدوات الموضوع

عرض

-

-

-

المواضيع المتشابهه

استفسار عن عفش زواج

اتجوزت عن حب ولا صالونات وليه؟؟؟

مواقع زواج

حدث قبل منتصف الليل:: جواز صالونات

اتجوزت صالونات ولا عن قصة حب؟؟؟

الكلمات الدلالية لهذا الموضوع

المفضلات

المفضلات

ضوابط المشاركة