رسميا..نهاية عصر التوك توك والدراجات البخارية في مصر

**MaZaGAngeE** · 09-11-2014 10:48 PM

انا ضد التوكتوك ......... لكن قبل ما نمنعه نوجد بديل للناس اللي شغالين عليه
لكن كمان شهرين تلاتة هتلاقي حاجة تانية نازلة بنفس فكرة التوكتوك قانوني
او ممكن يتصنع هنا عادي
المستورد مش هيغلب هيلاقي مليون حل

**cheburashka** · 10-11-2014 02:13 AM

يا فرحة سواقين التاكسى :)

**Terrible_DaRsH** · 10-11-2014 02:26 AM

سواقين التاكسي ملهمش دعوة بالتوك توك نهائي، ده بيشتغل جوه المناطق مش على الطرق، ده غير ان التاكسي ارخص، في حدائق الاهرام التوك توك اخد مني 8 جنيه ومش عاجبه، ركبت تاكسي من شارع الهرم لحد حدائق الاهرام المكان اللي انا عاوزة خد 15 جنيه !!

ده غير الدوشة اللي بيعملوها والعيال الصغيرة اللي بتسوق والعربيات اللي بيخبطوها

**ahmedwagdy03** · 10-11-2014 08:11 AM

المشاركة الأصلية كتبت بواسطة ahmed abdkarim

ولا اى اندهاش . ايه المشكلة اما كل سواقين التوكتوك دول ينخرب بيتهم و بعد كده يتحولو لبلطجيه بجد .؟؟؟؟

تعتقد هم لسة متحولوش لبلطجية

هل حمل سلاح و إرهاب الناس هى فقط البلطجة ؟

إيه رأيك فى السير فى الشوارع عكس الإتجاة .تركيب سماعات غريبة بأحجام أكبر من التوكتوك نفسة و تشغيلها على أعلى درجة بأغانى هابطة فى منتصف الليل . أطفال صغار يقودون مركبة توكتوكية وسط السيارات و على طرق سريعة معرضين حياتهم و حياة الآخرين للخطر . وغير ذلك ألا يسمى بلطجة

زمان كان العربجية يضرب بهم المثل فى مستوى التدنى الأخلاقى و يقولك ده عربجى إنما الآن يضرب المثل بسائق التوكتوك و التاكسى و الميكروباص

**mohammeddiap** · 10-11-2014 02:11 PM

مفيش شك ان التكك فك ازمات كتير وبردة مصايب اكتر ممكن يترخص اسهل من الالغاء خالص

**احمد فهمى** · 10-11-2014 06:50 PM

علي قدر انهم قرف ومظهر قبيح بس هيشتغلو ايه بعد كده؟ ده غير ان هيكون عندهم حقد دفين من المجتمع اللي خرب بيتهم اعتقد ده اسمو كيف تصنع بلطجيه ومجرمين زي ما بطرس غالي جخل التوكتوك لازم يعوضهم