اليوم اعلنوا موقع وسعر شقق التجمع الخامس ايه رايكم هل السعر مجزى وهل المكان كويس
وهل هيبقى سكن راقى ولا مساكن شباب من بتاعة الحكومة
ننشر الأسعار النهائية وتفاصيل الوحدات السكنية بمشروع "دار مصر" اليوم السابع
عرض للطباعة
اليوم اعلنوا موقع وسعر شقق التجمع الخامس ايه رايكم هل السعر مجزى وهل المكان كويس
وهل هيبقى سكن راقى ولا مساكن شباب من بتاعة الحكومة
ننشر الأسعار النهائية وتفاصيل الوحدات السكنية بمشروع "دار مصر" اليوم السابع
متابع
انا مستعجب .. ازاي الحكومه بتقول ان الشقق دي بسعر التكلفه !
عايز تفهمني ان شقه 100 متر مكلفة الحكومه نص مليون جنيه تقريباً ( 450.000 جنيه )
طب بأي منطق ولا عقل الحسبه دي
ده انا باني دور كامل في بيت والدي ( طوب وحديد وعواميد وسقف وعمال ورمل واسمت .. الخ ) وكل حاجه واخده حقها .. يعني العمود عمود محترم .. والسقف سمك كبير مش اي حاجه والسلام .. الشغل مخدوم صح يعني في الخامات والكميه
وشطبت الشقه على مزاجي محاره وسيراميك فرز اول وكهربا في كل شبر فيشه نت وتليفون وكهربا ودش واناره وشبابيك pvc .. ونقاشه على كيفي وكرانيش .. الخ الخ
التكلفه الإجماليه للدور 100 متر لم تتعدي ال 100.000 جنيه .. وجايب افضل خامات في كل حاجه .. المسمار كنت بجيبه افضل حاجه
يبقى الحكومه ازاي تبني وتشطب تشطيب حكومي مش تشطيب سوبر لوكس يعني .. والارض ارضها ببلاش كمان
والمفروض انه مشروع ضخم يعني الخامات والعماله بسعر الجمله وتقولي الشقه تكلفتها نص مليون جنيه
على حسبتي انا المفروض الشقه ال 100 متر تكلف الحكومه 50.000 ( شامله المرافق والتشطيب العادي بتاعهم )
باقي الفلوس دي بقى راحه فيييييييين ؟!
الاسعار دي عايزه واحد شغال حرامي علشان يقدر يشتري
حسبت سعر الارض يا باشا و التشطيب مش هيبقى عادى بتاعهم دى شقق من غير دعم الاسكان المتوسط غير الاسكان الى بتشوفو فى السلام و النهضه و خلاقه
يا شباب هو انهى منطقه احسن فى التجمع "شمال منطقة القرنفل شرق امتداد الرحاب" ولا "منطقة الأندلس جنوب الجامعة الأمريكية وغرب منطقة الجامعات." ؟؟
اكيد حسبت .. وموضح ده في الرد بتاعي .. وعارف انه من غير دعم يعني بسعر التكلفه زي ما وضحت في ردي بردو
ايه اللي حضرتك قولته جديد ؟
وعلى فكره الارض المفروض ماتتحسبش .. لان الحكومه مش شارياها من الصين .. دي ارض الدوله ( والدوله اللي هي انا وانت والاستاذه والاستاذ .. الخ ) .. ومع ذلك الارض محسوبه
والتشطيب .. اي ان كان طالما حكومي يبقى عادي .. ولا عايز تقولي الحكومه هتركبلك شبابيك عازله للصوت والاتربه ازاز دبل .. وتركبلك طقم حمام كليوباترا سوبر لوكس وتركبلك شطاف خارجي ايطالي جنب قاعدة الحمام .. واوكرة باب غرفه ايطالي .. وتعملك نيتورك نت في الشقه .. وتركبلك لوحة مفاتيح فينوس .. ولا ايه ولا ايه !
في فرق سعر 400.000 جنيه في الشقه .
ليه تعليق بسيط
الاسعار هي اسعار المنطقة دلوقتي مفيش اي ميزة
اسعار فيلات القرنفل الحالية ٤٢٠٠ جنيه الي ٤٤٠٠ و اسمك ساكن في فيلا دورين مش عمارة ارضي و خمسة
عامة منطقة شمال القرنفل للي معاه الخريطة هي اعلي فيلات الشربتلي و منطقة ممتازة
الاندلس اسكان عائلي اقل في المستوي حبتين
بس طبعا المتطقتين غاليين بالنسبة لاسكان دولة حتي بدون دعم
مفيش تميز لا في سعر و لا موقع ،
اللي يفرق بقه التقسيط المريح ،
المصيبة إن ده هيولع الأسعار أكتر ما هي والعة في التجمع
هو ده اللي عايز اقوله
ان الحكومه بتبيع الشقق وكأنها مقاول بيبيع شقق ويربح منها .. ومش اي ربح .. ده ربح فااحش
ماتقدرش تتكلم مع صاحب عماره لما يقولك الشقه ب مليون جنيه .. وانت شايف انها تسوى نص مليون
هيقولك اذا كانت شقة الحكومه بسعر التكلفه نص مليون جنيه (ودي الحكومه يعني موفره في التكلفه والامور متسهللها في البناء .. وتشطيبها مهما كان حكومي)
اكيد ده هيكون حجه لإي صاحب عماره او شقه في رفع السعر .
معلش يعني بسعر الشقه دي بتاعة الحكومه .. تقدر تشتري قطعة ارض مميزه على ناصيه 100 متر في منطقه نص شعبيه .. مش منطقه ضايعه يعني .. وبينها وبين وسط البلد 10 دقايق بالعربيه
وبنفس السعر تقدر تشتري الشقه اللي على كيفك وتشطبها على كيفك في زايد او اكتوبر .. واللي هيبعلك كسبان فيها .
انا مضايق اوى من الاسعار فى حتت عاديه زى بدر بصراحه استعباط بيرفعو سعر المتر فى مدينه ميته و الناس الى مش معاها بتروحها يعنى اقصى سعر متر فيها كان 1000 جنيه هما يخلوها 2550 استعباط انا فاهم المناطق الغاليه لكن بدر و العاشر ؟؟
الصراحة استهبال ما بعدة استهبال ...لما مدينة زي بدر والسادات اللي تعتبر صحراء والمتر اصلا بيتباع هناك برخص التراب يعملوا ب2550 دا غير 5 % فوق تمن الشقة مصروفات ...يعني المتر واقف بحوالي 2600 جنية ..يبقي الحكومة هي اللي بتغلي الاسعار
يعني شقة 100 متر في التجمع تنزل حكومي بنص مليون جنية ..وكمان عمارة مكونة من 5 ادوار ؟؟ لية يعني
يعني كانت هتبقي معقولة اوي اوي لو حتي ب300 الف جنية ...يعني مثلا الحكومة تحسب سعر الارض 2000ولا ا1700 وتحسب الباقي تكلفة البناء ومكسب ...يعني هتبيع العمارة 300 الف * 5 شقق = بمليون ونص ...انما عايزين يبيعو العمارة ب 2 مليون ونص ...دا اية الكفر دا ؟؟؟
بالنسيه للتجمع انا مقتنع بالسعر لسبب بسيط لان فى واحد هنا فى المنتدى قرر انه هيبنى فى القرنفل دى نفس المكان الى معمول فيه المشروع و قال ان الارض هتتكلف 3 و نص مليون لوحدها و البناء مليون و نص على 3 ادوار الراجل كان سائل بنفسه فى نفس المكان و مع الاعتبار ان الحكومه مش حطه جنيه دعم اه هى دى الاسعار
بدر و العاشر دى مسخره رسمى رايحين يولوعها و يمشو و الله حتى لو هيبنو هناك سوبر سوبر لوكس برضه حرام السعر ده
انا عندي سؤال رفيع.. هي الشقق دي مبنيه اصلا؟ ولا هيبني بفلوسك كمان وتستني انت؟
هتتبني وتتسلم خلال 18 شهر
طيب يا خوانا سعر المتر ده اولا متشطب , ثانيا مساحة صافية, ثالثا ده فى كومبوند يعنى الكلام ده لو فى العادى او الاستثمارى ممكن يزيد 1500 جنيه عن السعر المطروح, رابعا فيه ميزة التقسيط على 15 سنة فى حالة الدعم العقارى ,انا مش ببرر وعارف ان الاسعار عاليه جدا بس دى فى وجهة نظرى ميزات المشروع بس هو المفروض مايقولوش متوسطى الدخل لان لما يبقى متوسطى الدخل الاعزب 8 الاف والمتزوج 10 الاف ...صعبة بصراحة
معلش ممكن تفهمني الحتة دي وظروفها ايه
ميزة التقسيط على 15 سنة فى حالة الدعم العقارى
والحالة دي هتتوقف عليه ايه ونظامها ايه
أعلنوا كل حاجة عن المشروع و حاجة حلوة خالص بس نسوا حاجة مهمة جدا
اللى حيدفع 10 % عند التقديم لو مكسبش فى القرعة حياخد فلوسة إزاى و إمتى ؟؟؟؟؟؟
بعد شهر من انتهاء التخصيص بشيك على البنك الاهلى و ممكن ميبقاش فى قرعه حسب عدد المتقدمين و عدد الشقق يعنى لو عدد المتقدمين اقل او مساوى لعدد الشقق مش هيبقى فى قرعه
انهي منطقة احسن في التجمع
أخيراُ متوسط الدخل وجد من يحنو عليه !
معلش يا جماعة يا ريت حد يقولنا التقسيط على 15 سنة ده فايدته كام ؟؟
في شقق نازلة محدودي الدخل ومتوسطي الدخل وقسط لحد ٢٠سنه
يعني الي مخدش شقه السنين الي فات هياخد في عصر السيسي
انا والله من ٢٠٠٣ وانا بدور علي شقهفي اكتوبر تبع البنك والحمد لله قدمت من شهرين ولسه ردين علي امبارح في. صندوق التمويل اني قبلت وفي خلال اسبوع هيتصلو بيا عشان ادفع واستلم
وطبعا قبل مقدم كنت فاكر اونطه زي ايام مباركاو مرسي