استفسار ات عن سفيك 2006

**Sherifmt** · 10-11-2014 01:29 PM

السلام عليكم جميعاً......الحمد لله غيرت السيفيك 2005 وربنا كرمني بسفيك 2006 وطبعا نقلة كبيرة بين الجيل السابع و الجيل الثامن شكلا وموضوعاً المهم كان عندي كام استفسار ياريت لو تساعدوني فيهم كالأتي:
-السيارة موديل 2006 وراكب عليها ماكينة 2011 او 2010 هل في فرق في الماكينة بين الموديلين ؟
-هل سيفيك 2006 او 2011 فيها سير كاتينة ويتغير كل كام كيلو ؟
-حساس الاكسجين منور لمبة الماكينة هل لية بديل (مع العلم ان ملوش اي تأثير ولا سحب العربية ولا استهلاك بنزين ولا برجلة ماكينة مفيش غير لمبة تشك انجن فقط لا غير ازاي الغية؟
-في رجه بسيطة مع الفرامل هل بسبب abs ولا ملهاش علاقة ؟
شكرا مقدما وتقبلوا تحياتي من مكه (:

**refaat78** · 11-11-2014 01:25 AM

المواتير واحده من 2006 لغاية 2011..وغالبا انت معاك 1800 سي سي.. بس ممكن يكون فيه حاجه غلط في التركيب هي اللي منوره لمبة التشك..
اما بالنسبه للرجه فدي غالبا طنابير.. وده عيب في الموديل ده

**Sherifmt** · 11-11-2014 04:49 PM

شكرا لردك.... فعلا الماكينة 1800 طيب وسير الكاتينة هل هو كاوتش يعني بيحتاج يتغير ولا جنزير عمره طويل ؟

**SAMEH_FOUAD** · 11-11-2014 08:18 PM

الف مبروك ياباشا وربنا يديك خيرها ويكفيك شرها بالنسبة لاجابات الاسئلة هتكون الاجوبة بالترتيب :

1- المحركين واحد بنفس القوة وكل حاجة

2- اى محرك فى الدنيا فية سير كاتنية , بس فى السيفيك عندك سير الكاتنية جنزير فمش بيتغير , هو بس بيتم الكشف علية كل 140 الف كيلو ممكن يكون عايز يتشد بس

3- هو حساس الاكسجين مالوش تأثير على المكنة , لو عايز تلغية قدامك حل من اتنين ياما تجيبة وتركبة او تودية لفنى متخصص كنترولات يلغية من الكنترول

4- الرجة البسيطة مع الفرامل , بتكون بداية عيب طنابير , وبتكون مختلفة عن رجة ال abs , فعموما اكشف على الطنابير ووديها عند الخراط خلية يسنفرهالك , وان شاء الله هترجع تمام

الموضوع: استفسار ات عن سفيك 2006

LinkBack

أدوات الموضوع

عرض

-

المواضيع المتشابهه

هوندا سفيك /مازدا 3

هوندا سفيك 1990

هوندا سفيك مو 96 1600 سي سي

الكلمات الدلالية لهذا الموضوع

المفضلات

المفضلات

ضوابط المشاركة