افيدونى افادكم الله ، يا جماعة لو هشترى سيارة مستعملة وهنقل ملكية والعربية لسه فيها رخصة سنتين هتكون ايه الاجراءات وهل هفضل محتفظ بالسنتين ولوحات السيارة ولا لا ؟
عرض للطباعة
افيدونى افادكم الله ، يا جماعة لو هشترى سيارة مستعملة وهنقل ملكية والعربية لسه فيها رخصة سنتين هتكون ايه الاجراءات وهل هفضل محتفظ بالسنتين ولوحات السيارة ولا لا ؟
لو في نفس المحافظة اكيد حتفضل محتفظ بلوحات السيارة. و بتعمل عقد مسجل في الشهر العقاري و بعد كدة بتتوجه للمرور و تعمل فحص للسيارة و بتعمل نقل ملكية و بتحتفظ بالسنتين مفيش مشكلة بس غالبا حتدفع التأمين الإجباري تاني لكن مش حتدفع الضريبة.
والتأمين الإجبارى بيكون قد إيه تقريباً
اعمل توكيل وامشي بيه السنتين
وقبل الرخصة ما تنتهي ب 4 شهور ارفع قضيه صحة توقيع بتتكلف من 200 الى 400 جنية حسب المحامي
وبالحكم اللى تاخده بتروح تسجل بيه فى المرور لان لو عملت عق بيع مسجل فى الشهر العقارى هتدفع كتير
واللى هتدفعه فى الشهر العقاري بيتحسب على اساس سنه الموديل والسعه اللترية للموتور
والتامين الاجبارى تقريبا ب من 200 ل 300 على حسب شركة التامين
وهتيجي برده بعد السنتين هتدفعهم تانى
ريح دماغك ووانت بتشترى تجيب براءة ذمة فقط واعمل توكيل
حضرتك أنا فكرت فيها وقالوا لي اسمها صحة توقيع ونفاذ ودي غير صحة توقيع بس وبتتكلف 1500 جنيه !! الكلام ده مظبوط؟؟اقتباس:
المشاركة الأصلية كتبت بواسطة ahmed p880
انا مبقتش فاهم حاجة :(
يعنى دلوقتى بروح انا وهو الشهر العقارى انقل ملكية وبعد كده اروح المرور انقل الرخصة بأسمى واخد نفس اللوح لان انا وهو القاهرة ؟اقتباس:
المشاركة الأصلية كتبت بواسطة ahmed.zahra
1- هتعمل عقد بيع مسجل في الشهر العقاري حوالي 1000 جنيه تقريبا ولازم شهادة بيانات موجهه للشهر العقاري من المرور التابع لها العربية
2- ما توقعش في العقد عشان لو وقعت مشتري يبقى لازم تنقل ملكية وتفحص خلال شهر
3- تروح للمرور اللي انت تابع ليه ( لو العربية مرورها مختلف عن مرورك ) وتطلب طلب ترخيص مركبة وتشتري نماذج وشنطة ودمغات .. الخ
4- هتفحص العربية وممكن ( في بعض اادارت المرور ) يطلب مطابقة بصمة يعني تاخد اورنيك الفحص وتروح تطابق البصمة في المرور التابع لها العربية وهتعمل فحص امني وفحص مباحث المرور - وهتشتري طفاية وشنطة ومثلث بفاتورة لو الحاجات دي مش موجودة بفاتورتها في العربية
5- هتعمل نقل وثيقة التامين باسمك ب 6 جنيه فقط
6 - هتاخد نمر جديدة وتدفع رسوم النمر الجديدة
7- مش هتدفع ضريبة لان فيها ضريبة خلاص
8- هيطلعلك رخصة تسيير 3 شهور لحين ورود الملف وتجدد كل 3 شهور لحد ما ملف العربية يجيلك من المرور القديم ...
اما لو المرور اللي انت تابع ليه هو هو نفس المرور التابع له السيارة فالقصة اسهل من كده بكتير .. ( القاهرة فيها اكثر من ادارة مرور )
لو مشيت بتوكيل او عقد مسجل برضه وقت التجديد هتعمل نفس اللي فات
لو ناوي تبيع يبقى امشي بتوكيل وبيع بعد كده
لو مشيت بتوكيل >> السيارة امام القانون مش بتاعتك ولو صاحبها مات وورثة ومشاكل وبتاع .. احسنلك عقد بيع وتنقل ملكية
في ادارات مرور تجد امامها مخلصاتية >>> كل ده نصب في نصب اعمل حاجاتك بنفسك وخلال 3 ايام هتخلص