أوبل انسيجنيا توب لاين - 508 هاي لاين - فولفو s60 أقل فئة !!!

**ENG.MaRk** · 12-11-2014 04:27 PM

المشاركة الأصلية كتبت بواسطة denjouan83

ربنا يوفقك يا مارك .. كنت عايز اعرف رايك بين قاشقاي و اي عربيه تاني في حدود 180 ,, استرا و كورولا و سكودا كل ده اول فءه

أول فئة دائما من كل حاجة مابتبقاش زي المتوقع و ممكن تبقي فئة أقل و بنفس السعر هاي لاين فيها كماليات أحسن ...أولا القاشقاي سعرها دلوقتي 190-206 مش 180 و أنا لو هجيب دلوقتي هبعد عن القاشقاي لأن الشكل الجديد نازل خلاص (علي حسب كلام الأعضاء الكرام) ... لو عايز حاجة كويسة يبقي زود علي ال180 و حاول توصلهم 190 و هات كورولا تاني فئة الفول أوبشنز و ديه فيها كل حاجة حتي الأوتو بارك يعني هيبقي معاك عربية ثبات و أمان و كماليات و اعتمادية و سعر إعادة البيع ماسك نفسه و هتتباع معاك في السريع ... إنما لو عايز حاجة تكيفك يبقي هات سوبارو امبريزا الSpecial edition ب 196000

**skoda1996** · 12-11-2014 05:18 PM

508

**sedawyhosam** · 13-11-2014 01:29 AM

عن تجربه 508..
لما جيت اشتري مكانش عندي استعداد ادفع 300 الف في عربيه وتجيب موتور بعد شهرين تلاته..
ال 508 فيها كل ما تتمناه واكتر وفاقت كل توقعاتي ومبيفرقش بنزين 92 من غيره ومفيش اي مشاكل جوهريه الحمد لله..
ربنا يوفقك..

**ENG.MaRk** · 13-11-2014 07:13 AM

المشاركة الأصلية كتبت بواسطة sedawyhosam

عن تجربه 508..
لما جيت اشتري مكانش عندي استعداد ادفع 300 الف في عربيه وتجيب موتور بعد شهرين تلاته..
ال 508 فيها كل ما تتمناه واكتر وفاقت كل توقعاتي ومبيفرقش بنزين 92 من غيره ومفيش اي مشاكل جوهريه الحمد لله..
ربنا يوفقك..

هي الانسيجنيا بتجيب موتور بعد شهرين تلاتة ؟!
المشكلة إني في حيرة و خلاص الأسبوع الجاي كنت نازل أجيبها :(
لو تقدر تعمل مقارنة كاملة بقي بين الانسيجنيا و ال508 هبقي شاكر جدا ... أنا عارف إن أي عربية في الفئة ديه هتبقي صفقة رابحة بس في نفس الوقت مقتنع بالأوبل أكتر

**sedawyhosam** · 14-11-2014 01:13 PM

مش الانسجنيا بس علشان مكونش بهاجمها ما ال c 180 جابت موتور هي كمان..
المشكله ان حتي لو الحالات دي قليله انا حسيت اني لو جبت حاجه فيهم هبقي ماشي مقلق وحتي لو حصل اي حاجه بسيطه هبقي مش مبسوط..
ده ميمنعش ان الانسجنيا عربيه محترمه جدا ولكن مع كثير من التحفظات علي الاقل الشخصيه ليا..
وكمان يعني ايه كل شويه لمبة السيرفيس تعلق او esp او الشاشه تهنج ويقولك الحل افصل البطاريه وركبها تاني ليه يعني هو انا راكب عربيه صيني..
ويعني ايه فيه صوت خلفي يمين في العربيه عند ناس كتير ولغاية دلوقتي مش عارفين سببه..
الكلام ده من ملاك العربيه نفسهم..
كل الاسباب دي خليتني شخصيا ابعد عن الانسجنيا وحصرت المقارنه بين 316 و 508 وجبت البيجو الحمدلله..

**sedawyhosam** · 14-11-2014 01:22 PM

بالنسبه للمقارنه بقي يا باشا.
الشكل الخارجي والتابلوه الاتنين تحفه ودي مسألة اذواق..
الاداء والثبات علي الطريق برضه اعتقد مفيش فرق غير ان 508 بيطلع اعلي عزم الموتور علي rpm قليل متهيألي 1600 لفه فتحس العربيه فايقه معاك من الاول بعكس الانسجنيا بتطلع اعلي عزم عند 4000 لفه..
التوكيل والتاريخ لماركة بيجو واوبل بيجو تكسب طبعا العربيات 504 ماليه مصر لغاية دلوقتي وشغاله زي الفل..
الانسجنيا فيها تكييف وسخان وميموري في الكراسي وده مش موجود في 508..
تكنولوجيا الاضاءه الجديده led في 508 الجديده مش موجود في الانسجنيا..
الانسجنيا مفيهاش زرار يفتح الشنطه من جوه !!!!!!!
اسعار قطع الغيار وتوافر مراكز خدمه بتفهم لصالح البيجو..
و في النهايه ربنا يوفقك ��