الموضوع: سحب اللوجان ، والصيانة الدورية

عندى لوجان وخبرتى نبطل فزلكه معها اى حاجة روح للتوكيل وال يقولوا عليه اعمله لان حتصف بره وحتخبط وفى النهاية حترجع للتوكيل بعد ما تكون صرفت ال حلتلك حزارى حد يلعب فى العربية خارج التوكيل !!!انا والله بانصحك لوجه الله وليس لى مصلحة مع التوكيل شكرا لك

انا معايا لوجان اوتوماتيك 2014 شكل قديم , كنت ناوى ابيعها بعد 2000 كم بسبب موضوع السحب ده وخصوصا انى كان معايا فيرنا قبليها , لكن الناس نصحتنى استنى عليها شويه وقد كان الاداء اتحسن شويه ثم السياره اتحولت تماما بعد صيانه ال 10000 كم و تغيير الزيت.

المشاركة الأصلية كتبت بواسطة ahmender

السلام عليكم ورحمة الله وبركاته
لي صديق عزيز اشترى لوجان الشكل الجديد وعاملة معاه حتى اليوم ١٨٠٠ كيلو. ا قدتها اليوم مسافه كافية للتجربة
ولاحظت ان سحب السيارة خصوصا فى الانطلاق بعد المطبات سيئ جدا، رغم اننا ماشغلناش التكييف، لكن كنا ٣ فى السيارة اجمالى وزننا٢٨٠ كيلو او اكتر شوية.
هل طبيعي ان سحب سيارة ١٦٠٠ يكون بالسوء ده؟
ولا عربيته فيها عيب!!
علما بان سحبها بعد الغيار التالت مقبول الى حد ما...... قبلها وبعدها انا كنت راكب اسبيرانزا ام ١١ وحسيت بفرق شاسع فى السحب رغم انها ١٦٠٠ برضو
فهل يفحص شيئ معين فى سيارته ولا هي اصلا طبيعتها كده بسبب انها اقل من ١٠٠ حصان؟؟
سؤال اخر،، التوكيل قال لنا ان اول صيانه عند ٥٠٠٠ كيلو وهى مجرد فحص مجانى وتغيير الزيت لاول مره عند ١٠ الاف كيلو... انا اول مره اشوف عربية مافيهاش صيانة ١٠٠٠ كيلو اللى فى اول، فهل ده صحي ولا نغير احنا الزيت بره التوكيل وماننتظرش ؟ خصوصا انى شوفت مشاركات لبعض الاعضاء هنا بيتكلموا فيها عن صيانة الالف للوجان!!!!

شكرا وانتظر توضيحاتكم.

مساء الخير
أنا عندي لوجان الشكل الجديد موديل 2013وعامله 10000 كم كان عندي نفس المشكلة ورحت التوكيل و عمل سوفت وير جديد للعربية وبقت زي الفل 100%

المشاركة الأصلية كتبت بواسطة hesham fawzy h

مفيش صيانة 1000 ؟؟ انا مبفهمش فى اللوجان بس ازاى

و عموما لا تقيم اداء السيارة الا بعد 5000 كم

انا ساتغربت زيك برضو.. مش عارف ازاي.. وليه فى ناس هنا بتتكلم عن صيانة الالف طالما مش موجوده؟ انتظر اراء الملاك

يا جماعه اللوجان الشكل الجديد كله له صيانة الف ،،،،

الشكل القديم ملوش صيانة الف ،، اول صيانه للشكل القديم عند 5000


علشان كدا في ناس كتير من ملاك الشكل الجديد معملتش صيانة الألف وعملوا مشاكل في التوكيل وكان ممكن يخرجهم من الضمان ،،،


دي الخلاصه وال عايز يتأكد يكلم 16202

وعلي فكره العربيه سحبها ممتاز جداً للأخ صاحب الموضوع مع التحميل كمان ،،، ممكن يكشف عليها سوفت وير زي مقترحوا عليك والله الموفق ،،

انا كنت ناوى خلاص انزل اشتريها ومتوكل على ربنا ,, بس كذا حد قااالى موضوع السحب انه سئ جدا ولا يليق بعربية موديل السنة 1600

طبعا انا مش داخل بالعربية اوتو كروس او سباق

بس السواقة فى القاهرة او على دائرى محتاج تعمد على العربية لو حبيت تطلع من عربية جمبيك او بتاخد غرزة عارف ان عربيتك تقدر تعملها

مش راكب عربية موديل السنة وماشى بيها على اليمين

زى سواقة جدىاللى عنده ستين سنة و راكب عربية من 30 سنة

ومستنى بردة التعليق من الملاك علشان بصراحة رغم دة كلة بس انا هموت على شكل الجديد