طلب هام :- اسعار الصيانات و قطع الغيار لهيونداى النترا

السلام عليكم و رحمة الله و بركته

بعد اذنكم انا محتاج مساعدتكم فى عمل موضوع احصائى عن اسعار الصيانات و قطع الغيار فى التوكيل
لكذا موديل - منهم هيونداى النترا
و بعد كده حكتبهم فى موضوع واحد فى قسم المقارنات و يبقى مرجع لينا كلنا و لاى حد بيفكر يشترى العربيه علاشان يبقى عرف و هو بيشترى العربيه حيدفع كام فى صيانتها و قطع غيارها

المطلوب من حضراتكم الاتى :-

1- اسعار الصيانات الاساسيه و الدوريه :-

صيانه ال 10000
صيانه ال20000
صيانه ال40000
صيانه ال80000
مع ذكر قطع الغيار الى بتتغير فى كل صيانه " لو توافرة هذه المعلومه " .

2- اسعار قطع الغيار :-

قطع الغيار الميكانيكيه :
- طقم كاتينه ( سير , بلية شداد )
- سيور خارجيه ( تكيف و دينامو )
- موبينه
- طرمبه بنزين
- طرمبه ميه
- طقم دبرياج

قطع غيار العفشه :
- مساعدين
- تيل فرامل
- علبة دركسيون
- مقصات
- دسكات فرامل و الطنابير
-بليه العجل الامامى - الخلفى

الاجزاء الخارجيه :
- الرفارف " امامى خلفى "
- اكصدامات
-فوانيس اماميه - خلفيه


* ياريت اى حد عنده اى اسعار لأى قطعة غيار مايبخالش علينا بالمشاركه .. حتى لو اجزاء و قطع بره القايمه الى انا كاتبها
حتى لو سعر مسمار او صاموله او مصنعيه ..... اى اسعار حتفيدنا

* طبعا احنا بنتكلم على الاسعار فى التوكيل " فقط "

و لكم جزيل الشكر
http://nilemotors.net/Nile/images/st...c/progress.gif

http://img519.imageshack.us/img519/5882/30ob4.jpg

جداول الصيانه الجديده بالاسعار لكل سيارات هيونداى

وده اللينك بتاع الموضوع اى خدمه

تسلم ايدك يا احمد باشا
انا مسغرب من كذا حاجه
اول حاجه ان الصيانات كل 5000 !! المفروض عربيه زى الهيونداى النترا على الاقل السيرفيس بتاعها كل 10000 كيلو
الحاجه التانيه لو حسبنا مصنعيه ال5000 على ال10000 حتطلع 510 جنيه .. وطبعا ده كتير

بس انا عندى استفسار و يارب يكون عندك اجابه عليه
عندك فكره سعر طقم الكاتينه بكام فى الالنترا " سير و بليه شداد " ؟ لانهم مش كاتبين سعرها فى الجدول .... كاتبين المصنعيه بس .
ياترى عندك فكره عن شعر الفانوس الامامى / الخلفى
سعر التيل ؟

----------------------


ياريت نشوف مشاركات من اصحاب الالنترا !!!! ايه يا جماعه ديه الالنترا فى الشارع زى ال128 و منتشره جدا معقوله محدش من ملاك الالنترا يعرف عنها حاجه ؟

مش هاقدر اقولك غير غبور منه لله

انما بخصوص باقى الاسئله بصراحه انا مش عايز اقتى

شكرا يا باشا على زوقق .و " ارفعلك القبعه احتراماً و تقديراً " فعلا من قال لا اعرف بقد افتى
ربنا يسهل و حد من مُلاك الالنترا يضيف يضيف اى معلومه .
و ان كان واضح ان الاسعار حتبقى غاليه لو قارنها بالصيانات .

باشا انا عاوز اقولك حاجه بسيطه ان معظم الملاك بتوع الالنترا هنا لسه جايبنها جديد يعنى ممكن تلاقى اقصى صيانه حد عملها فيهم تكون صيانه ال 20 الف و المعروف ان الصيانه دى مابيتغيرش فيها حاجات مؤثره زى اللى حضرتك عاوز تعرفها غير لو كانت عيب صناعه


وتحياتى لحضرتك و شكرا على ذوقك ياباشا

بص ياملعم دية اسار حاجات سالت عليها وانا بعمل الصيانة بتاعت 1000 كيلو وانا شايف كتيرررررررر اوى
1- فوانيس شبورة (فوج لايت) تخيلو بكام "الواحد"بس ب490
2- رفرف شمال 1200 جنية واكيد اليمين قريب من السعر دة
وخلى باللك فى ضريبة مبيات علية حوالى 200 جنية

انا كنت عايز اغير الرفرف الشمال لما عرفت التمن الجميل دة قررت اسيبة وحطيت استكير علية . بردة انا كنت عامل حسابى اجيب الفوانيس الشبورة وكان معايا فلوسها بس كنت متخيل انها لما تبقى غالية هتبقى ب500 جنية
وعلى فكرة موجودة برة ب300 جنية وبتوع التوكيل بيروحو يخادوة من برة. والله واحد بتاع اكسسوار قالى ان بتوع التوكيل بيجوا ياخدوة من عندة
موجود على فكرة ند الرملاوى اكسيسور- شارع طنطا سكان-طنطا
هيقوللك ب330 بس هتاخدوة لى 300
وبيفرق فى حاجة واحدة ان فى التوكيل بيركبللك دراع وبرة ذرار

حسبى الله ونعم الوكيل

السلام عليكم
النهاردة كنت فى محل قطع غيار غبور فى شارع دمشق
سألت على علامات (هيونداى حرف ال H و كلمة هيونداى ) الواحدة فى حدود 45 جنية

فنوس الستوب (اللى على الزجاج الخلفى) ب 275 جنية

شكرا يا شباب على مشاركتكم
اسعار الفوج لايت غاليه جدا جدا طبعا!!!

ياريت لو عرفتو حاجه عن اسعار الصيانات تقولولنا .

قطع الغيار حاجة مهمة وازاى قطع الغيار غالية والعربية منتشرة

مهاب باشا أنا عملت صيانة العشر تلاف من اسبوعين تقريباً سعر الصيانة 420 أو 430 جنيه +270 جنيه زيت شل ألترا 10000 و فلتر.
يعني إجمالي داخل في 700 جنيه.

معلش تكملة لمداخلتي السابقة... صيانة الـ 15000 المفروض هتكون ببلاش إن شاء الله.

شكرا يا استاذ احمد على المشاركه .

حضرتك عندك فكره ايه الى تم فى صيانه ال10,000 علاشان ياخدو مصنعيه بس 420 جنيه ؟
على حسب جدول الصيانه ديه تعتبر صيانه عاديه و مجرد فحص و تزويد سوائل عند الحاجه , و تبديل اماكن الاطارات .

ياريت حضرتك و انتا بتعمل صيانه ال15 تسأل على صيانه ال20 و ال40 و ال60 بيتكلفو كام " بقطع الغيار و السوائل و الزيوت " . من باب العلم بالشئ .

اقتباس:

---

المشاركة الأصلية كتبت بواسطة MohabSaeed

شكرا يا استاذ احمد على المشاركه .

حضرتك عندك فكره ايه الى تم فى صيانه ال10,000 علاشان ياخدو مصنعيه بس 420 جنيه ؟
على حسب جدول الصيانه ديه تعتبر صيانه عاديه و مجرد فحص و تزويد سوائل عند الحاجه , و تبديل اماكن الاطارات .

ياريت حضرتك و انتا بتعمل صيانه ال15 تسأل على صيانه ال20 و ال40 و ال60 بيتكلفو كام " بقطع الغيار و السوائل و الزيوت " . من باب العلم بالشئ .

---

العفو يا أستاذ مهاب ..
أعتقد هما المفروض بيمشوا على الـ check List اللي حاططها ahmedcar باشا في أول الموضوع... و أكيد المبلغ كبير جداً طبعاً بس لو موضوع الصيانة المجانية ده إن شاء الله في الـ 15000 يبقى شايلة بعضها إلى حد ما.
إن شاء الله هسأل في الـ 15000 على الصيانات الجاية إيه أسعارها.

بصو يا جماعة بالنسبة لتيل الفرامل انا غيرتة على 17000 كم علشان هما غيرولى الطنابير ب400 جم بدون المصنعية

اما الاسبوع الى فات رحت عملت صيانة 20000 كم
مصنعيات 329 جم
تغير فلتر هواء 75 جم
تغير فلتر البنزين 250 جم
ظبط زوايا 65 جم
ويتم اضافة الضريبة

فكان الحساب 790 جم بدون تغير زيت
قولولى انتم حرام ولا حلال
حسبى الله ونعم الوكيل فى :ask:صحبنا الاستاذ غ..............

والمشكلة ان الصيانة دى عادية جدا مش مستهلة المبلغ دا بس الواحد مش عاوزهم يتلككو ويقرفونى فى الضمان

اسعار الصيانة انا شايفها غالية لكن مش للدرجة اللي تخلي الواحد ميعملهاش
انما قطع الغيار استغلال فعلا

الف شكر على اجابيتكم بالتفاعل فى الموضوع و توضيح الاسعار .علاشان كل واحد يبقى عارف حيدفع كام و حيغير ايه .

طبعا الاسعار مبالغ فيها جدا جدا جدا سواء المصنعيات او قطع الغيار
فلتر البنزين ب 250 جنيه !!
بس عموما ده حال كل التوكيلات
لو حد شاف اسعار قطع الغيار فى عز العرب او منصور " حاجه مفجعه " الحقيقه و نضم ليهم غبور .
لحد دلوقتى انسب توكيل شوفته من حيث الاسعار و المعامله الجيده و الالتزام هو توكيل كيا .

انا عامل صيانة 20000 ب 180 جنية بالضريبة + 60 بوجيهات بلقى كولو 240

منصور ارحم بكتير ....
تيل فرامل الأوبترا ب 280 جنيه و فلتر البنزين ب120

اقتباس:

---

المشاركة الأصلية كتبت بواسطة HamadaMOMO

بصو يا جماعة بالنسبة لتيل الفرامل انا غيرتة على 17000 كم علشان هما غيرولى الطنابير ب400 جم بدون المصنعية

---

هو الطنابير عمرها قصير كده ليه؟ هى مش المفروض تبقى تبع الضمان لو باظت بدرى اوى كدة؟؟

ايوة الطنابير على الضمان انا مدفعتش حاجة بس دفعونى ثمن تيل جديد ومصنعيتة بس

أنا كنت في شارع دمشق وسألت علي الفوجات عند نافع الإثنين ب450جنيه والدراع ب 175 جنيه وفي التوكيل الواحد ب 490جنيه والدراع ب 450 جنيه وفي محل تاني قاللي الأصلي الإتنين ب400 جنيه وفي صيني يبدأ من 180 جنيه لحد 360 جنيه بالتركيب غير ثمن الدراع أو المفتاح
لوحد يعرف الإكسسوارات بتاعت الإلنترا بأسعار كويسة وجودة عالية يدلنا نجيب منين
نواكل المرايات والمقابض والسبوت الخلفي للفرامل
شكراً

الفوجات بالضفيرة بتاعتها بالزرار فى التابلوه
كلهم فى علبة واحدة صينى طبعا
ب 200 جنيه عند السجان اللى فى التوفيقية