طلب هام :- اسعار الصيانات و قطع الغيار لهيونداى النترا

**MohabSaeed** · 29-10-2008 10:24 PM

السلام عليكم و رحمة الله و بركته

بعد اذنكم انا محتاج مساعدتكم فى عمل موضوع احصائى عن اسعار الصيانات و قطع الغيار فى التوكيل
لكذا موديل - منهم هيونداى النترا
و بعد كده حكتبهم فى موضوع واحد فى قسم المقارنات و يبقى مرجع لينا كلنا و لاى حد بيفكر يشترى العربيه علاشان يبقى عرف و هو بيشترى العربيه حيدفع كام فى صيانتها و قطع غيارها

المطلوب من حضراتكم الاتى :-

1- اسعار الصيانات الاساسيه و الدوريه :-

صيانه ال 10000
صيانه ال20000
صيانه ال40000
صيانه ال80000
مع ذكر قطع الغيار الى بتتغير فى كل صيانه " لو توافرة هذه المعلومه " .

2- اسعار قطع الغيار :-

قطع الغيار الميكانيكيه :
- طقم كاتينه ( سير , بلية شداد )
- سيور خارجيه ( تكيف و دينامو )
- موبينه
- طرمبه بنزين
- طرمبه ميه
- طقم دبرياج

قطع غيار العفشه :
- مساعدين
- تيل فرامل
- علبة دركسيون
- مقصات
- دسكات فرامل و الطنابير
-بليه العجل الامامى - الخلفى

الاجزاء الخارجيه :
- الرفارف " امامى خلفى "
- اكصدامات
-فوانيس اماميه - خلفيه

* ياريت اى حد عنده اى اسعار لأى قطعة غيار مايبخالش علينا بالمشاركه .. حتى لو اجزاء و قطع بره القايمه الى انا كاتبها
حتى لو سعر مسمار او صاموله او مصنعيه ..... اى اسعار حتفيدنا

* طبعا احنا بنتكلم على الاسعار فى التوكيل " فقط "

و لكم جزيل الشكر

**AHMEDCAR** · 30-10-2008 02:14 PM

**AHMEDCAR** · 30-10-2008 02:16 PM

جداول الصيانه الجديده بالاسعار لكل سيارات هيونداى

وده اللينك بتاع الموضوع اى خدمه

**MohabSaeed** · 01-11-2008 03:00 AM

تسلم ايدك يا احمد باشا
انا مسغرب من كذا حاجه
اول حاجه ان الصيانات كل 5000 !! المفروض عربيه زى الهيونداى النترا على الاقل السيرفيس بتاعها كل 10000 كيلو
الحاجه التانيه لو حسبنا مصنعيه ال5000 على ال10000 حتطلع 510 جنيه .. وطبعا ده كتير

بس انا عندى استفسار و يارب يكون عندك اجابه عليه
عندك فكره سعر طقم الكاتينه بكام فى الالنترا " سير و بليه شداد " ؟ لانهم مش كاتبين سعرها فى الجدول .... كاتبين المصنعيه بس .
ياترى عندك فكره عن شعر الفانوس الامامى / الخلفى
سعر التيل ؟

----------------------

ياريت نشوف مشاركات من اصحاب الالنترا !!!! ايه يا جماعه ديه الالنترا فى الشارع زى ال128 و منتشره جدا معقوله محدش من ملاك الالنترا يعرف عنها حاجه ؟

**AHMEDCAR** · 02-11-2008 11:02 AM

مش هاقدر اقولك غير غبور منه لله

انما بخصوص باقى الاسئله بصراحه انا مش عايز اقتى

**MohabSaeed** · 02-11-2008 12:43 PM

شكرا يا باشا على زوقق .و " ارفعلك القبعه احتراماً و تقديراً " فعلا من قال لا اعرف بقد افتى
ربنا يسهل و حد من مُلاك الالنترا يضيف يضيف اى معلومه .
و ان كان واضح ان الاسعار حتبقى غاليه لو قارنها بالصيانات .

**AHMEDCAR** · 13-11-2008 02:41 PM

باشا انا عاوز اقولك حاجه بسيطه ان معظم الملاك بتوع الالنترا هنا لسه جايبنها جديد يعنى ممكن تلاقى اقصى صيانه حد عملها فيهم تكون صيانه ال 20 الف و المعروف ان الصيانه دى مابيتغيرش فيها حاجات مؤثره زى اللى حضرتك عاوز تعرفها غير لو كانت عيب صناعه

وتحياتى لحضرتك و شكرا على ذوقك ياباشا

**red_elantra** · 21-11-2008 01:57 AM

بص ياملعم دية اسار حاجات سالت عليها وانا بعمل الصيانة بتاعت 1000 كيلو وانا شايف كتيرررررررر اوى
1- فوانيس شبورة (فوج لايت) تخيلو بكام "الواحد"بس ب490
2- رفرف شمال 1200 جنية واكيد اليمين قريب من السعر دة
وخلى باللك فى ضريبة مبيات علية حوالى 200 جنية

انا كنت عايز اغير الرفرف الشمال لما عرفت التمن الجميل دة قررت اسيبة وحطيت استكير علية . بردة انا كنت عامل حسابى اجيب الفوانيس الشبورة وكان معايا فلوسها بس كنت متخيل انها لما تبقى غالية هتبقى ب500 جنية
وعلى فكرة موجودة برة ب300 جنية وبتوع التوكيل بيروحو يخادوة من برة. والله واحد بتاع اكسسوار قالى ان بتوع التوكيل بيجوا ياخدوة من عندة
موجود على فكرة ند الرملاوى اكسيسور- شارع طنطا سكان-طنطا
هيقوللك ب330 بس هتاخدوة لى 300
وبيفرق فى حاجة واحدة ان فى التوكيل بيركبللك دراع وبرة ذرار

حسبى الله ونعم الوكيل

**mzaki** · 21-11-2008 01:30 PM

السلام عليكم
النهاردة كنت فى محل قطع غيار غبور فى شارع دمشق
سألت على علامات (هيونداى حرف ال H و كلمة هيونداى ) الواحدة فى حدود 45 جنية

فنوس الستوب (اللى على الزجاج الخلفى) ب 275 جنية

**MohabSaeed** · 22-11-2008 07:51 PM

شكرا يا شباب على مشاركتكم
اسعار الفوج لايت غاليه جدا جدا طبعا!!!

ياريت لو عرفتو حاجه عن اسعار الصيانات تقولولنا .

مشاهدة نتائج الإستطلاع: رأيك فى اسعار الصيانات و قطع الغيار لهيونداى النترا

الموضوع: طلب هام :- اسعار الصيانات و قطع الغيار لهيونداى النترا

LinkBack

أدوات الموضوع

عرض

-

-

-

-

-

المواضيع المتشابهه

طلب هام :- اسعار الصيانات و قطع الغيار لكيا سيراتو

طلب هام :- اسعار الصيانات و قطع الغيار لشيفورليه اوبترا

طلب هام :- اسعار الصيانات و قطع الغيار لفورد فوكاس

طلب هام :- اسعار الصيانات و قطع الغيار لنيسان صنى

طلب هام :- اسعار الصيانات و قطع الغيار لرينو ميجان

الكلمات الدلالية لهذا الموضوع

المفضلات

المفضلات

ضوابط المشاركة