مرجع للمواتير الشائع تسقيطها و الى بتفكر تسقيطها فى الابيزا من 1994 - 2002
بعد بحث ومعاناه فى المواتير الى بفكر اسقطها واختلاف السىسى اكتشفت حاجات جديده هقولهالكوا بترتيب ال cc
1- الموتور ال ABF 2000 16V الصراحه موتور روعه ومالوش ماسيل انا اعتره افضل ما انتجت فولكس بيطلع 150 hp من غير تربو ولا حاجه يعنى شوف لو اتربن صح تربو كبير يعمل ايه ده حتى اشد من المكنه ال 2000 السودا بتاعه البى ام تكلفته هتدخل من 10 ل 15 الف حسب الى هتركبه
بس نيجى لعيوبه قطع غياره قليله جداا وخاصه الكهربا تقدر تقول كدا ان الكونترول مش موجود
http://nileup.com/up/uploads/nilemotors_14158206285.jpg
2- الموتور 1800 20v ودى فى منه تربو بيطلع 156 و 180 بتاع الاودى ( مش هتلاقيه) و العادى من غير تربو وده 123 hp طبعا الموتور ده ناعم جدداا وروعه بس للى عاوز موتور تربو فابريكا ويركب عندنا بس هتعدل فى قاعدته من غير اى لحامات وبيتعمله حاجه اسمها قاعده كوبايه لقاعده الفتيس علشان تركب انا مفهمتش يعنى ايه بس ده الى عرفته ياريت لو حد عنده اى معلومات عن تعديل القاعده دى يقولنا
مشاكله انك علشان تركبه هتحتاج عفشته يعنى جنوط 5 مسمار والمصنعيه هتلاقى نفسك دخلت فى مبلغ لا يقل عن ال 20 الف لتركيب الموتور ده اقل واجب بس هتاخد قصاده اداء ال ABF وقطع غيار نسبيا الى حد ما منتشره لانه لسه حديث ونزل فى كذا موديل وبكميات
بدون تربو
http://nileup.com/up/uploads/nilemotors_14158206288.jpg
بالتربو
http://nileup.com/up/uploads/nilemotors_14158206289.jpg
3- لاقيت على النت موتور 1800 16V وده بيطلع حوالى من 126 ل 132 hp انا معرفش عنه حاجه وكان كود واحد بس مش فاكره ياريت لو حد يقولنا الموتور ده غايب ليه يعرفنا وعمرى ماشوفته ولا سمعت عنه غير فى بعض المواقع الاجنبيه كان على الجولف 2
3- طبعا ال 2e و ady مشهورين ومعروفين ويعتبوا موتور للى عاوز موتور يديله عزم يشد مع عربيات عاديه بس انا مبحبهمش خالص ايه موتور 2000 و 115 hp قليل اوى بس قطع غيارهم متوفره وسعرها حلو ماعدا الافيوميتر بتاع ال 2e قليل وبيوصل لالف جنيه تكلفه التسقيط هتبقى من 6 ل 10
http://nileup.com/up/uploads/nilemotors_14158211661.jpg
4- نيجى لل 1600 الفهد الابض الموتور ده انا بعشقه من زمان ونفسى اركبه وكل واجى اركبه يقولولى قطع غياره قليله و الكهربا بتاعته رخمه و الكونترول مش موجود ويخوفونى منه بس اعمل ايه بحبه وده الى قلبى ارتاحله فى ده كله بالرغم من قطع غياره القليله بس عاجبنى وعاوز اسقطه ادائه حلو بالنسبه لموديله والسىسى بتاعه بس برده الناس مخوفانى منه ومش عارف اخد قرار تكلفه تسقيطه من 5 ل 8
http://nileup.com/up/uploads/nilemotors_14158206284.jpg
5- ال1600 ال AEE وده الى عندى 75 hp كموتور اعتمادى جدااا فى المشاوير والسفر لغايه سرعات 160 بس مبيخبش القرص اكتر من 160 هو بيجيب ال 180 بالرغم من ان شاكمانى كان بتاع ال 1300 يعنى يجيب ال 200 على شاكمانه بس مبيحببش القرص تحس انه موتور عزم زى ال 2e يقضى مشاوير وسفريات وقطع غياره ارخص منها مفيش يعنى موتور عائلى مش شبابى وده تكلفه تسقيطه فى حدود ال 4 او 6 الاف
http://nileup.com/up/uploads/nilemotors_14158206283.jpg
6- ال 1600 16V ودى نزل على الجولف 4 بقوه 105 hp ومشوفتوش لغايه دلوقتى برده غير صور بس فى نسخه منه نزلت للبولو GTi ودى 125 hp والصراحه لة لاقيتها هجيبها بس سعرها يبقى معقول ولون مالهاش قطع غيار فى مصر اساسا بس نفسى اشوفه معرفش سعره علشان مشوفتهوش
http://nileup.com/up/uploads/nilemotors_14158206287.jpg
7- ال 1400 16v ودى فى منه 101 محدش هيلاقيه فمتدورش عليه و التانى 75 ومنتشر وده جامد بالنسبه للناس الى بتحب تشد بس خايفه على استهلاك البنزين زى بتوع الميتسوبيشى كدا بيحبوا الجرى بس عاوزين يوفروا بنزين والموتور ده زى ال 1600 ال AEE بس تجميعه اقل منه طبعا وبيقفل ال 180 وال 190 بس ده تسقيطه بيكلف من 5 ل 10 الاف حسب انت جبت المكنه بكامل انه بيتغير شويه حاجات ليه
http://nileup.com/up/uploads/nilemotors_14158206281.jpg
8- المكنه ال 1400 واحد كامه ودى غالبا محدش بيشتريه كامله معظم الى بيجيبها بتبقى بلوكه للاصلاح وهى ارخص المكن عندنا وارخص قطع غيار وسعرها بالتسقيط مبيعديش ال 5 الاف وهى هى تعتبر نفس مواصفات المكنه ال 1600ال 75 hp AEE وفى منها النسخه ال Mpi ودى بتاعه المكنه ال 2000 ودى بتبقى اغلى شويه لانها احدث ودواسه واير وتكلفتها بالتسقيط ممكن تبقى من حدود 6 ب 7 الاف المكنتين دول مبستهلكوش بنزين خالص
http://nileup.com/up/uploads/nilemotors_14158206286.jpg
,ودى اكواد المواتير وعزمها و الهورس باور بتاعها
http://nileup.com/up/uploads/nilemotors_14158195441.jpg
http://nileup.com/up/uploads/nilemotors_14158195443.jpg
