السلام عليكم و رحمة الله و بركاته ....
انا عايز أودع فلوسى فى بنك من البنوك المسماة اسلامية - أصل فى كلام كتير عليها - فـأنا بطلب من الاعضاء اللى ليهم معاملات مع البنوك دى يقولى نظام الايداع ايه و نسبة العائد أد ايه و ايه موضوع انهم بيخصموا الزكاة و بيوزعوها بمعرفتهم ؟؟
و اذا فى بنوك تانية مسماة اسلامية غير دى دلونى عليها ....
بنك فيصل الإسلامي العائد فيه يتراوح بين 6 % إلى 8% سنوياً
ليس له علاقة بزكاة مالك
ـ
خليك فى بنك فيصل
لو بنك فيصل بيطلع قرض حسن يبقى اسلامى اسم على مسمى ولكن لااظن
البنوك كلها زى بعض .. بس بيشتغلونا ومن تجربتى مع بنك فيصل فرع المحله بجد موظفين كبيرهم يشتغلوا فى كشك سجاير وجليطه وقله ذوق ............................................ فى النهايه كل البنوك واااااااااااااااااحد وكلهم تابعين للمركزى المصرى
طب بخصوص ان فى لجنة شرعية بتراقب البنك , هل تعرف حاجة عن الموضوع ده ؟؟اقتباس:
المشاركة الأصلية كتبت بواسطة ahmed1981
لو ممكن توضحلى , لأن فى ناس بتقول ان أبو ظبى الاسلامى افضل فى التعامل , و لو تعرف حاجة بخصوص المصرف المتحد يا ريت تقولى ...اقتباس:
المشاركة الأصلية كتبت بواسطة eng wael
للأسف كل البنوك خاضعة لقوانين البنك المركزى , و بالنسبة لتجارب ناس هنا فى المنتدى قالت ان بنك فيصل اداهم قروض عادى عشان يشتروا عربيات بس مسميه "تمويل" !!!!اقتباس:
المشاركة الأصلية كتبت بواسطة طارق _عبد السلام
في لجنة رقابة شرعية على كل بنك إسلامي
وهذه اللجنة تراقب أعماله ويؤخذ رأيها في أي معاملة لتكون حلال
بنك فيصل لا يعطي قروض
بل يعطي تمويل
وهناك فرق
صعب تلاقي بنك خالي 100% من الشبهات
لكن برضه مش هينفع الناس تشيل المبالغ الكبيرة في بيوتها
ـ
البنوك الإسلامية لها إستثناءات في قوانين البنوك
ومسموح لها بالتملك مع أنه محظور على جميع البنك العادية
ـ
أنا أتعامل مع فيصل من 10 سنين و الخلاصة
1-موضوع خصم الزكاة لا أساس له و لكن يوجد صندوق زكاة إختيارى
2-الأرباح أو الفوائد أو العائد الإستثمارى أيا كان المسمى لم يتعدى فى أى مرة 7% سنويا و يمكن الشهادات تعطى أعلى قليلا بس عيبها حجز المال مدة طويلة
3-البنك من جهة الإنتر بنك يعنى المعاملات الإليكترونية أكثر من رائع فى إمكانية الدخول على الحساب و التحويل بين الحايات الداخلية و إصدار طلبات إصدار شيكات .
4-ميزة أن الحساب الواحد يقبل أى عملة مصرى /دولار/ إسترلينى /يورو /سعودى على نفس الرقم بس طبعا كل عملة و لها مصاريفها السنوية.
5-أراه أفضل من البنك الأهلى من ناحية قلة الزحام و الإنتظار على الدور و لكن هذا الموضوع نسبى بالنسبة لمكان التواجد .
6-موضوع القروض و المرابحة و التمويل زبالة و لا أى ميزة أو تسهيلات .
خلاف ذلك فهو كأى بنك يخضع لقانون البنوك العاملة فى مصر تحت مظلة البنك المركزى .أما موضوع الإسلامى فلا أرى أى فرق سوى فى نوعية المشاريع التى يمولها البنك يعنى مثلا مش حيعطى قرض لتمويل كبارية أو خمارة إنما شروط التمويل مشابهة لأى بنك آخر
اقتباس:
المشاركة الأصلية كتبت بواسطة m.khalil
هو مغير شويه مسميات يعنى بتمضى الاول على ورق ونظام المرابحه وهنقول القرض مسميه تمويل
انا قصدى بالقرض الحسن او بمسمى البنك التمويل الحسن
ان مثلا واحد متعثر فى تجهيز ابنته مثلا وعايز قرض 50 الف جنيه هيعطوا له القرض او تمويل تجهيز ابنته للزواج وهيقسطوا ومش هياخدوا منه فوايد ؟
انا تعاملت معهم سنين ومثل حضرتك بالظبط خوفا من الشبهات ورعبى الشديد من موضوع الربا
المهم حضرتك اعمل مايطمئن له قلبك... واظن ان الافضل ابو ظبى احسن من فيصل وبنك مصر فرع المعاملات الاسلاميه
حضرتك متأكد من موضوع الانتربنك ؟! ده البنك ملوش خدمه عملاء كول سنتر وبيخلينى ادب مشوار لقله الفروعاقتباس:
المشاركة الأصلية كتبت بواسطة ahmedwagdy03
تعامل مع البنك من أكتر من 10 سنين المفروض أنه اسلامي وفيه لجنه شرعيه مشكلته الوحيده الزحام الرهيب لدرجه أنك تكره حياتك مفيش خدمه كبار عملاء في الأخر فتحت في hsbc حساب جاري وسبت فيصل من كثر الزحمه طبعا ده فرع المنصوره
كلام حضرتك مضبوط , وزى ما قالاقتباس:
المشاركة الأصلية كتبت بواسطة ahmed1981
الله تعالى: فَاتَّقُوا اللَّهَ مَا اسْتَطَعْتُمْ {التغابن:16}. و قول النبي صلى الله عليه وسلم: وما أمرتكم به فأتوا منه ما استطعتم. متفق عليه , و بما اننا فى فساد من كل النواحى فالواحد يتقى الله على أد ما يقدر و ربنا يغفرلنا ذنوبنا جميعا ...
فعلا أنا لما بحثت لقيت ان لما قرروا يأسسوا بنك فيصل عدلوا فى قوانين البنوك عشان تلائم طبيعة البنك الاسلامية ...اقتباس:
المشاركة الأصلية كتبت بواسطة ahmed1981
جزاك الله خير , بس انا لقيت ناس بتشتكى من الزحام و سوء خدمة العملاء و حضرتك بتقول انها أحسن من البنك الأهلى ؟؟اقتباس:
المشاركة الأصلية كتبت بواسطة ahmedwagdy03
شكرا لردك و جزاك الله خير ...اقتباس:
المشاركة الأصلية كتبت بواسطة hisham80
ياريت يا جماعة تشوفوا الفيديو ده للدكتور عمر عبد الكافى - الراجل ده مالوش توجهات سياسية على حد علمى - موضح فى الفيديو ان البنوك الاسلامية افضل من البنوك الاخرى حتى لو عليها كلام ...
‫المعاملات البنكية و اكل الربا للشيخ عمر عبد الكافى‬‎ - YouTube
السلام عليكم ....
1-لو هتضع فلوسك حساب جارى فى بنك اسلامى بدل وضعها فى البيت وضياعها .......فالعلماء افتوا بجواز ذلك
بشرط حساب جارى بالاطلاع مش جارى استثمارى يعنى مجرد حصالة ...........وهذا كما قلت للمبالغ التى تستحق لان البنك المركزى بيعطى للبنوك نسبة على ما عندها من اموال فى البنك وهذا اعانة على الربا
2- اما لو هتضعها كوديعة او حساب استثمارى جارى ....فعن تجربة لا فرق بين البنوك الاسلامية وغيرها والعبرة ليست بالظاهر او المسمى او بقول احد انما العبرة بالواقع الموجود والذى يجب ان تتحرى عنه بنفسك ............فانا كنت عملت شهادة ثلاثية فى بنك فيصل مقلد لفتوى البعض ...ولما جئت لشراء سيارة عن طريقهم طالبت بالاطلاع على العقد فرفضوا المهم بعد مماطلات وذهاب للفرع الرئيسى وذهاب للمسئول عن الهيئة الشرعية اطلعت عليه عند ادارة الاستثمار (وهذه روح البنك والمصدر الرئيسى لفوائد العملاء وارباح البنك)
بعد الاطلاع خلاصة القصة كالاتى
1- ماهى الا قرض من البنك لشخصى فى يد معرض السيارة لا يوجد تملك ابدا للسيارة بدليل سالته عندك مخزن لحيازة السيارة قال لا طب بتدفع فلوسها قال لا لما المعرض يطلعلك الرخصة (بمعنى بيع ما لا يملك ولا يحوز وحكم هذا البيع الحرمة) فكيف يسمى مرابحة وما الفرق بينك وبين البنوك العادية........وكم واحد اقرضته لشراء سيارة او شقة او ...او..او ,,, والفوائد اخذتها واعطيت العملاء الفتات ويا ليته من بيع صحيح انما من بيع محرم
2-فى العقد غرامة تاخير.........ودى صريح ربا الجاهلية ومجمع على حرمتها ودى مصدر لا يستهان به فى الارباح فاليوم بفلوس......ياخذها ويعطيك الفتات المحرم
..ده باختصار صلب الموضوع بيوع محرمة وربا .....فلا البنك تاجر سيارات ولا مهندس بيبنى مشروعات كل دى قروض لشركات مقاولات وبيتفق معاهم اللى عايز يقسط يجلنا ونفس القصة تتكرر (يعنى قرض بفوايد للشركة وقرض بفوايد للمشترى ويعطيك الفتات المحرم!! فاين المرابحة وهو لا يعمل اى شئ الا الاقراض!!!
وبفضل الله ...ذهبت وانهيت الامر بالرغم من الخسارة
فخلاصة القول لو هتضع ودايع ابعد تماما وابحث عن عقار او اى مشروع ...الربا الفعل الوحيد بالقران اللى وعيده الحرب من الله ...والقليل منه ولو درهم اشد من الزنا كما اخبر النبى ...ومن يتقى الله يجعل له مخرجا
..........دى نصحتى وتقدر تروح تتاكد بنفسك واللى يقول غير كده نعذره لعله لا يعلم انما كل من على دراية بالواقع افتى بالحرمة ....ربنا يوسع عليك ويبارك لك فى اهلك ومالك
خش على موقع الشيخ على سالوس هتلاقى اسئلة واجوبة لكل ما يخطر على ذهنك فى البنوك و التعاملات الاسلامية , وممكن تترك سؤال ايضا لكن ستنتظر اجابته
واللي مسافر برا مصر يعمل ايهاقتباس:
المشاركة الأصلية كتبت بواسطة أحمد عبدالله
يعني اشتري ارض وارجع الاقيها مبنيه عماره وساكنه
اقتباس:
المشاركة الأصلية كتبت بواسطة رحالة
لو أحسنت الاختيار لكفيت
ممكن توضح شوية الله يكرمكاقتباس:
المشاركة الأصلية كتبت بواسطة أحمد عبدالله
اقتباس:
المشاركة الأصلية كتبت بواسطة رحالة
لا يكلف الله نفساً إلا وسعها
البنوك أصبحت أحد مظاهر الحياة وكثيراً ما تكون من ضروريات الحياة
فلو واحد معاه مبلغ مضطر لإيداعه
يضعه في بنك إسلامي
الذي يرى شبهة حتى في البنك الإسلامي يضع أمواله في حساب جاري بدون عوائد في بنك إسلامي
لكن في النهاية مينفعش نقول للناس حطوا فلوسكم في البيت تحت البلاطه أو داخل المرتبه
ـ
الفكره مش بس في الحلال والحرام في التعامل مع البنوك
ترك الفلوس في ابنك خسارة على الاقل في السنوات اللي فاتت
لما العقار نط نطه رهيبه
يعني مثلا كان في اراضي بتتباع ب ٤٠ الف للفدان في ٢٠٠٤
النهارده تعدي ٣٠٠ الف مرتاح
وكذلك الذهب تضاعف ١٠ مرات في فترة قصيرة
وبالطريقة اللي ماشية بيها الامور
اتوقع العملات الورقية هتبقي عديمة الفايده قريب
طب لو واحد معاه مبلغ مثلا 100 الف ومعندوش وقت يفتح مشروع او يشارك حد وعاوز يحط الفلوس دى فى بنك بدون فوائد
مع مرور الوقت المبلغ ده هيتاكل سواء من التضخم او من الزكاه اللى المفروض تطلع على المال ده كل سنه
ايه العمل بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بقولك موضوع الزحام نسبى حسب المكان و أعطيك مثاليناقتباس:
المشاركة الأصلية كتبت بواسطة m.khalil
الأول : بنك فيصل فرع الأزاريطة فى الأسكندرية زحام شديد جدا و لا يطاق و البنك الأهلى فرع أبو العباس آخر روقان .
الثانى : بنك فيصل فرع المنتزة آخر روقان و دلع و البنك الأهلى فرع المنتزة أتوبيس نقل عام فى ساعة الذروة.
الموضوع نسبى من واقع تجربة كل واحد الشخصية .
بالنسبة للإنتر بنك : أنا أقصد الدخول على الحساب و عمل الطلبات على النت
اكيد يا فندم معروف يعنى ايه انتربنك...اللى انا بستغربله البنك بدائى وملوش كول سنتر هيبقى ليه انتربنك محترم ؟!