الموضوع: @@~~ الســـيـريون والعالمية ~~@@

المشاركة الأصلية كتبت بواسطة lotfymohamed

الاخ الاستاذ العزيز ابو عبد الله
الحمد لله عندي سريون 1300 سي سي مانيوال كامله 2008العربيه تعتبرعائليه و ليست شبابيه ابدا
توكيل بردوا هينزل الشكل الجديد فيفا اللي هة في الاصل الشاريد القديم من ديهاتسو في الفتره الجايه و ده بعد استفسار مني بان الكليسا مش هتنزل تاني و بيظبطو السعر الجديد للفيفا
بالنسبه لي بفكر في بيع السريون لاني مبتدئ سواقه و العربيه بتقف منى كتير بفكر اشتري الفيفا اتوماتيك "هتفرق في السعر"اعتقد ان التوتوماتيك اسهل في السواقه من المانيوال لمبتدئ سواقه؟؟؟
فهل لديك نصيحه لي

أخي الفاضل
ربنا يباركلك في عربيتك
بس سؤال انت محتاج فرق الفلوس
لأن انت كده هتخسر لأنك هتبيع عربيه كسر زيرو تعتبر وهتنزل في سعرها وتروح تشتري عربيه جديده زيرو
فطبعا في فرق خسارة لك

وانا ارى ان السيريون اكيد افضل
اما مسألة تعودك على العربيه فده هيبقى في اي عربيه اخرى

يعني انا افضل انك تتعود على السيريون لأنها على الأقل فئه اعلى

أستاذ لطفي ربنا يبارك لك في سيارتك .
مبدئياَ أنت مش هتفضل مبتدئ في السواقة علي طول ! بالعكس إنت مع الوقت و المشي بالعربية هتبقي سائق ممتاز، انا عارف السواقة المانيوال صعبة و مقرفة في تعليمها خاصة في مصر لأن لازم تبقي متحكم في العربية بشكل كامل، بس فكر علي المدي البعيد اما تحترف السواقة

هيبقي معاك عربية أقل + خسرت فلوس في البيع و الشراء

و ده تقدر تتجنبه بالتدريب علي سيارتك و إتقان قيادتها .

علي فكرة و انا لسة بتعلم السواقة و السيريون كانت سيارتي الأولي برضه، كنت بقول يا ريتني جبتها اوتوماتك .. إنما دلوقت الموضوع مش فارق خالص ولا حتي بفكر فيه .