هبيع سخان الغاز وبفكر أجيب كهربا فوري .. أي نصائح ؟؟

السلام عليكم يا شباب
سخان الكهربا الأوليمبيك ال60 لتر الحلة الداخلية باظت بعد عشرة عمر دامت أكتر من 8 سنين مصلحتوش فيها إلا حوالي 3 مرات مجرد تغيير هيتر كل كام سنة وبعد نقل وفك وتركيب في أكثر من شقة
فقلت أجيب سخان غاز علشان فواتير الكهربا اللي بتيجي بال250 جنيه شهريا وأستغل وجود الغاز الطبيعي عندي لأن الفاتورة مش بتعدي 10 جنيه واتهورت واشتريت فعلا أوليمبيك برده 10 لتر
بقاله حوالي أسبوع راكب لحد دلوقتي وعايز أقولكم ندمت أشد الندم إني جبته
مش عشان ماركة أوليمبيك السخان نفسه مفيهوش حاجة بس حوار السخان الغاز قمة في القرف خاصة لو ضغط المية عندك مش متظبط لأن أولا بياخد وقت على ما المية تسخن على عكس الكهربا ثانيا مش بيديني مية فاترة لأن أقل درجة حرارة بتبقى 38 وأنا ببقى عايزها متزيدش عن 33 ومفيش حل غير إنك تفتح المية على الآخر وطبعا ده إسراف وتبذير في المية كمان النهاردة وأنا باخد دش مفروض إني مظبطه على 43 تقريبا فجأة لقيته قعد ينزل لحد ما وصل 24 !! ببص لقيت الشعلة طفيت وهو لسة شغال ! طبعا موضوع زي ده حصل في المدينة هنا مع كذا واحد وتسبب في اختناقهم وماتوا ! فقررت قولا واحدا إني هبيعه وأخسر فيه زي ما يكون وهرجع للكهربا تاني
لكن دلوقتي سمعت عن سخانات كهربا فورية غير العادية اللي بتبقى بخزان وإنها بتبقى أوفر لأنها مش هتشتغل غير لما تشغل المية السخنة بس ومش هتفضل محوشة المية وكل ما تبرد تسخنها زي السخانات الكهربا التقليدية
فالسؤال دلوقتي: هل السخانات دي عملية ولا برده هتقابلني نفس مشكلة سخان الغاز وموضوع ضغط المية وتقعد تبرد وتسخن بمزاجها ومتظبطش درجة الحرارة زي ما أنا عايز ؟
أي نصيحة ؟

وإيه موضوع إن لازم أكون مظبط وصلات كهربا ومفاتيح بمقاسات وأحمال معينة وعداد 3 فاز والكلام ده ؟!

خلاص يا جماعة أشكركم أنا حسمت قراري ومش هجيب الفوري بعد قراءة عدة مواضيع على الإنترنت بسبب إنه بيحتاج تجهيزات خاصة وإلا ممكن تحصل قفلة زائد إنه بيسحب كهربا جامدة لما بيشتغل على عكس ما كنت متخيل إنه بيوفر في الكهربا وكمان غالي لو ماركة كويسة بيعدي ال2000 جنيه واللي في حدود ال1000 مش أد كده
أنا نويت أشتري سخان كهربا عادي توشيبا العربي 55 لتر سعره 1155 جنيه ضمان 10 سنوات - حلة استانلس لا تصدأ - الدائرة الكهربائية أمامية وليست بالأسفل علشان لو حصل تسريب ولا حاجة المية متنزلش على الدائرة وتكهرب المية وده أمان طبعا
وربنا يسهل الحال ويريحني

أنا معنديش سخان كهرباء فورى ، أنا عندى العادى
بس أنا هقول لحضرتك حاجة مهمة
الميزة فى السخانات العادية عموما ، إنها فى خلال 60 دقيقة بتكون المياه درجة ارتفعت بدرجة مناسبة جداً وفى نفس الوقت إنت بتقدر تتحكم فى درجة الحرارة المطلوبة إما من السخان نفسه أو من خلاط المياه ، حتى لو ضغط المياه اتغير هتلاقى إن المياه درجة حرارتها ماختلفتش كتير ، ولا هى بتلسع وتشوى زى السخانات الغاز ، ولا هى بتبقى متلجة .
وبالنسبة لمشكلة الفاتورة دى حلها سهل جداً ، حضرتك لو بصيت على تيكت السخان اللى فيه المواصفات هتلاقى القدرة بتاعته مكتوبة بالوات وغالباً السخانات الـ 50 لتر قدرتها بتبقى حوالى 1200 وات فقط .
يعنى فى 30 يوم الاستهلاك هيكون بالظبط حوالى 36 كيلو وات ، بس بشرط تشغله الـــ 60 دقيقة وتفصله ، وممكن تقلل الاستهلاك أكتر وتشغله نصف ساعة بس تقوم تقلل الاستهلاك للنصف ، لكن المشكلة اللى عند أغلب الناس إنها بتسيب السخان شغال طول النهار ، فكل لما حد يفتح الحنفية يجيب ماية سخنة درجة حرارة المياه داخل السخان تنخفض يقوم الترموستات يشغل السخان تانى علشان يسخن المياه تانى وهكذا يفضل طول النهار السخان شغال والعداد عمال يلف .

اقتباس:

---

المشاركة الأصلية كتبت بواسطة hani945

أنا معنديش سخان كهرباء فورى ، أنا عندى العادى
بس أنا هقول لحضرتك حاجة مهمة
الميزة فى السخانات العادية عموما ، إنها فى خلال 60 دقيقة بتكون المياه درجة ارتفعت بدرجة مناسبة جداً وفى نفس الوقت إنت بتقدر تتحكم فى درجة الحرارة المطلوبة إما من السخان نفسه أو من خلاط المياه ، حتى لو ضغط المياه اتغير هتلاقى إن المياه درجة حرارتها ماختلفتش كتير ، ولا هى بتلسع وتشوى زى السخانات الغاز ، ولا هى بتبقى متلجة .
وبالنسبة لمشكلة الفاتورة دى حلها سهل جداً ، حضرتك لو بصيت على تيكت السخان اللى فيه المواصفات هتلاقى القدرة بتاعته مكتوبة بالوات وغالباً السخانات الـ 50 لتر قدرتها بتبقى حوالى 1200 وات فقط .
يعنى فى 30 يوم الاستهلاك هيكون بالظبط حوالى 36 كيلو وات ، بس بشرط تشغله الـــ 60 دقيقة وتفصله ، وممكن تقلل الاستهلاك أكتر وتشغله نصف ساعة بس تقوم تقلل الاستهلاك للنصف ، لكن المشكلة اللى عند أغلب الناس إنها بتسيب السخان شغال طول النهار ، فكل لما حد يفتح الحنفية يجيب ماية سخنة درجة حرارة المياه داخل السخان تنخفض يقوم الترموستات يشغل السخان تانى علشان يسخن المياه تانى وهكذا يفضل طول النهار السخان شغال والعداد عمال يلف .

---

فعلا ميزة السخانات الكهربا العادية دي إنك بتتحكم في درجة الحرارة من الحنفية نفسها مش كل شوية أقعد ألف البكرة وتقعد تزود وتنقص بالعشر درجات في سخانات الغاز ! حاجة مقرفة بصراحة
وفكرة إني أفصله لما يسخن المية دي هجربها لأني فعلا كنت بسيبه شغال 24 ساعة في اليوم
أشكرك على الإفادة أخي هاني

بلاش فوري

هات اريستون 80 لتر

اقتباس:

---

المشاركة الأصلية كتبت بواسطة أحمد كمال

بلاش فوري

هات اريستون 80 لتر

---

الأريستون مشكلته في قطع الغيار والصيانة على ما بسمع وكمان ال80 لتر هيبقى كتير أوي وهيسحب كهربا جامدة
أنا بفكر في التوشيبا 55 لتر الكل بيشكر فيه وعليه ضمان 10 سنين

اقتباس:

---

المشاركة الأصلية كتبت بواسطة أبو آسر

الأريستون مشكلته في قطع الغيار والصيانة على ما بسمع وكمان ال80 لتر هيبقى كتير أوي وهيسحب كهربا جامدة
أنا بفكر في التوشيبا 55 لتر الكل بيشكر فيه وعليه ضمان 10 سنين

---

عندي اريستون 80 لتر و مبسوط منه جدا


صيانتهم ممتازة و قطع الغيار متوفرة

و 80 لتر مش هيسحب كهرباء جامد و لا حاجة انت فاهم غلط


سحب الكهرباء الزيادة بيكون بسبب ان السخان ماركته اي كلام فالعزل بتاع الحلة تعبان


الاريستون ال 80 لتر عندي في عز التلج بيشتغل نص ساعة يسخن المية كلها و يفصل ........ و بيقعد فاصل بال 6 و ال 10 ساعات (في عز تلج الشتا)


و بعدين 55 لتر لو دخلت استحميت اللي وراك مش هيلاقي مية سخنة


و بالعكس هيسحب كهرباء اكتر لانه هيشتغل اكتر



انا في عز شتاء 2011 كان عندي سخانين اريستون واحد 50 و واحد 80 و عندي احمال تانية (فرن كهرباء كبير و غيرها) و عمري ما عديت 80-90 جنيه في الشهر (باسعار الكهرباء وقتها)

اقتباس:

---

المشاركة الأصلية كتبت بواسطة أحمد كمال

عندي اريستون 80 لتر و مبسوط منه جدا


صيانتهم ممتازة و قطع الغيار متوفرة

و 80 لتر مش هيسحب كهرباء جامد و لا حاجة انت فاهم غلط


سحب الكهرباء الزيادة بيكون بسبب ان السخان ماركته اي كلام فالعزل بتاع الحلة تعبان


الاريستون ال 80 لتر عندي في عز التلج بيشتغل نص ساعة يسخن المية كلها و يفصل ........ و بيقعد فاصل بال 6 و ال 10 ساعات (في عز تلج الشتا)


و بعدين 55 لتر لو دخلت استحميت اللي وراك مش هيلاقي مية سخنة


و بالعكس هيسحب كهرباء اكتر لانه هيشتغل اكتر



انا في عز شتاء 2011 كان عندي سخانين اريستون واحد 50 و واحد 80 و عندي احمال تانية (فرن كهرباء كبير و غيرها) و عمري ما عديت 80-90 جنيه في الشهر (باسعار الكهرباء وقتها)

---

مممممممم
حيرتني
يعني أريستون ليه توكيل معتمد زي توشيبا وأوليمبيك كده بتصل بيهم بيبعتوا الفني يصلح ويغير وكده ولا بقعد ألف أنا على حد يصلحه وأشوف قطع الغيار بنفسي ؟ وهل عليه ضمان ؟ وكام سنة ؟

ومش المفروض إن كل ما يزيد عدد اللترات سحب الكهربا يبقى أكبر لأن تسخين 80 لتر مش زي تسخين 55 لتر أكيد وقت تسخين ال80 لتر هيبقى أطول من وقت تسخين ال55 ولا ايه ؟

وأنا كان عندي ال60 كان ممكن اتنين يستحموا ورا بعض مفيش مشكلة وكان بيفيض مية كمان مش بنقعد بالساعة نستحمى :)

وكمان دلوقتي في حوالي 6 أنواع منه بأسعار من 955 ج حتى 2600 ! مش عارف سوبر جلاس وتوتانيم وبرو إيكو الذكي وبرو بلس وvls وvls premium أجيب أنهي واحد واللي عند حضرتك إيه بالضبط ؟

اقتباس:

---

المشاركة الأصلية كتبت بواسطة أبو آسر

مممممممم
حيرتني
يعني أريستون ليه توكيل معتمد زي توشيبا وأوليمبيك كده بتصل بيهم بيبعتوا الفني يصلح ويغير وكده ولا بقعد ألف أنا على حد يصلحه وأشوف قطع الغيار بنفسي ؟ وهل عليه ضمان ؟ وكام سنة ؟

ومش المفروض إن كل ما يزيد عدد اللترات سحب الكهربا يبقى أكبر لأن تسخين 80 لتر مش زي تسخين 55 لتر أكيد وقت تسخين ال80 لتر هيبقى أطول من وقت تسخين ال55 ولا ايه ؟

وأنا كان عندي ال60 كان ممكن اتنين يستحموا ورا بعض مفيش مشكلة وكان بيفيض مية كمان مش بنقعد بالساعة نستحمى :)

وكمان دلوقتي في حوالي 6 أنواع منه بأسعار من 955 ج حتى 2600 ! مش عارف سوبر جلاس وتوتانيم وبرو إيكو الذكي وبرو بلس وvls وvls premium أجيب أنهي واحد واللي عند حضرتك إيه بالضبط ؟

---

لسه شاريه يوم الجمعة الماضية بصراحة شكله تحفة وايطالى
بس الحلو مايكملش انا اتصلت بيهم يوم السبت عشان التركيب
الفنى كان عندى يوم الاربعاء طبعا بعد حوالى 5 مكالمات
بس هو كسخان رائع مع العلم انى عندى سخان تانى توشيبا روعة
بس الاريستون فيه شوية اوبشنز حلوين
والحاجة الجديدة والصدمة عشان كده هقولك اشترى توشيبا وبلاش اريستون
انه محتاج صيانة كل عام لا زم تكلم الشركة يا هتخرج من الضمان
وتحياتى

اقتباس:

---

المشاركة الأصلية كتبت بواسطة محمد المصرى

لسه شاريه يوم الجمعة الماضية بصراحة شكله تحفة وايطالى
بس الحلو مايكملش انا اتصلت بيهم يوم السبت عشان التركيب
الفنى كان عندى يوم الاربعاء طبعا بعد حوالى 5 مكالمات
بس هو كسخان رائع مع العلم انى عندى سخان تانى توشيبا روعة
بس الاريستون فيه شوية اوبشنز حلوين
والحاجة الجديدة والصدمة عشان كده هقولك اشترى توشيبا وبلاش اريستون
انه محتاج صيانة كل عام لا زم تكلم الشركة يا هتخرج من الضمان
وتحياتى

---

أنا برده ميال لتوشيبا خاصة موضوع الضمان 10 سنين ده يطمن شوية وكمان العربي معروف كسمعة في موضوع قطع الغيار والصيانة مضمون لدرجة كويسة
شكرا لنقل تجربتك :)

منين

قبل ما تشيل الغاز حاول تجرب تجربه بسيطه
السخان بيكون فيه بكرتين
البكرة الاولى : كمية الماء الخارجه من السخان ( خليها أقل كميه )
البكرة الثانيه : درجة حرارة الماء الخارجه من السخان ( خليها اقل كميه برضو )
ادخل الحمام افتح حنفية الميه السخنه الاول وحاول تخلطها بجزء بسيط جدا من المياه البارده
وشوف الوضع هيبقى ايه هتظبط ولا لأ
ديما الغاز في اوله بيكون متعب لحد ما تعرف ازاى تظبطه وتتعامل معاه

اقتباس:

---

المشاركة الأصلية كتبت بواسطة أبو آسر

مممممممم
حيرتني
يعني أريستون ليه توكيل معتمد زي توشيبا وأوليمبيك كده بتصل بيهم بيبعتوا الفني يصلح ويغير وكده ولا بقعد ألف أنا على حد يصلحه وأشوف قطع الغيار بنفسي ؟ وهل عليه ضمان ؟ وكام سنة ؟

ومش المفروض إن كل ما يزيد عدد اللترات سحب الكهربا يبقى أكبر لأن تسخين 80 لتر مش زي تسخين 55 لتر أكيد وقت تسخين ال80 لتر هيبقى أطول من وقت تسخين ال55 ولا ايه ؟

وأنا كان عندي ال60 كان ممكن اتنين يستحموا ورا بعض مفيش مشكلة وكان بيفيض مية كمان مش بنقعد بالساعة نستحمى :)

وكمان دلوقتي في حوالي 6 أنواع منه بأسعار من 955 ج حتى 2600 ! مش عارف سوبر جلاس وتوتانيم وبرو إيكو الذكي وبرو بلس وvls وvls premium أجيب أنهي واحد واللي عند حضرتك إيه بالضبط ؟

---

أيوة ليه توكيل

اللي عندي برو ايكو

سحب الكهرباء هيكون اكتر بس المية هتقعد سخنة مدة اطول برضه

اقتباس:

---

المشاركة الأصلية كتبت بواسطة sha2e

قبل ما تشيل الغاز حاول تجرب تجربه بسيطه
السخان بيكون فيه بكرتين
البكرة الاولى : كمية الماء الخارجه من السخان ( خليها أقل كميه )
البكرة الثانيه : درجة حرارة الماء الخارجه من السخان ( خليها اقل كميه برضو )
ادخل الحمام افتح حنفية الميه السخنه الاول وحاول تخلطها بجزء بسيط جدا من المياه البارده
وشوف الوضع هيبقى ايه هتظبط ولا لأ
ديما الغاز في اوله بيكون متعب لحد ما تعرف ازاى تظبطه وتتعامل معاه

---

يااااه ده أنا قعدت بالساعات فاتح المية أحاول أظبط موضوع البكر ده وعملت زي ما أنت بتقول فعلا وزيادة وعايز أقولك إني شبه احترفت التعامل مع سخانات الغاز خلاص :) بس للأسف مفيش فايدة !!

اقتباس:

---

المشاركة الأصلية كتبت بواسطة أحمد كمال

أيوة ليه توكيل

اللي عندي برو ايكو

سحب الكهرباء هيكون اكتر بس المية هتقعد سخنة مدة اطول برضه

---

تمام
ده تمنه 1030 جنيه يعني أقل من التوشيبا حاجات بسيطة
بس هل فعلا موضوع الصيانة السنوية ده صحيح ؟ وضمانه أد إيه مقلتليش

الغاز الاريستون عندى بيجيب المياه السخنه فى ثوانى ومظبطه على اضعف مياه واضعف حراره بيجيب المياه الفاتره وممكن محتاجش افتح البارد مع اقل درجه حراره وبالعكس عندى افضل بمراحل من سخان الكهرباء.. يمكن عمره مادايقنى

غير مره واحده كان يوم الهواء شديد جدا وكان الهواء بيدخل من المدخنه ويطفى السخان.... لكن فى المجمل جيد جدا

واعرف بردوا ان الاريستون فى سخان الكهرباء مميز جدا بس تجربتى كانت زمان قوى وكان يعتبر رقم واحد

اقتباس:

---

المشاركة الأصلية كتبت بواسطة طارق _عبد السلام

الغاز الاريستون عندى بيجيب المياه السخنه فى ثوانى ومظبطه على اضعف مياه واضعف حراره بيجيب المياه الفاتره وممكن محتاجش افتح البارد مع اقل درجه حراره وبالعكس عندى افضل بمراحل من سخان الكهرباء.. يمكن عمره مادايقنى

غير مره واحده كان يوم الهواء شديد جدا وكان الهواء بيدخل من المدخنه ويطفى السخان.... لكن فى المجمل جيد جدا

واعرف بردوا ان الاريستون فى سخان الكهرباء مميز جدا بس تجربتى كانت زمان قوى وكان يعتبر رقم واحد

---

يمكن المشكلة من عندي من ضغط المية بس أنا مش عايز أحل مشكلة ضغط المية لأن مشاكلها وقرفها كتير وممكن متتحلش لأني في عمارة وفيها موتور واحد وأكيد مش هجيب موتور ليا لوحدي ومش هصلحه على حسابي فالأسهل دلوقتي إني أجيب السخان الكهربا كان القديم شغال زي الفل مشتكاش لا من ضغط مية ولا يحزنون وكان بيديني درجة الحرارة اللي عايزها بالضبط ومن الحنفية من غير لعب في أي حاجة في السخان فأنا شايف إن الكهربا متفوق على الغاز بكتير وقرفه أقل إلا في حاجة واحدة وهي استهلاك الكهربا بس

هل في حل قابلك يا أبو آسر بخصوص تظبيط ضغط الميّه لان المشكلة دي عندي في سخان الغاز؟ كل شويّة الشعلة بتفصل نتيجة لللفرق في الضغط. الميّة تسقع وتسخن تاني.

اقتباس:

---

المشاركة الأصلية كتبت بواسطة anaslbda

هل في حل قابلك يا أبو آسر بخصوص تظبيط ضغط الميّه لان المشكلة دي عندي في سخان الغاز؟ كل شويّة الشعلة بتفصل نتيجة لللفرق في الضغط. الميّة تسقع وتسخن تاني.

---

لو كنت لقيت حل مكنتش هبيعه :)
الحل الوحيد تشوف سباك فاهم يظبطلك ضغط المية من الموتور ويشيك برده على وصلات المية اللي داخلة الشقة واللي بتودي للسخان ممكن تكون مسدودة من الرواسب والشوائب فخليه ينضفهالك ولو حاجة مصدية يغيرها علشان تضمن ان المية مفيش حاجة معطلة دخولها للسخان

خلى بالك سخان توشيبا الكهرباء التحكم فى درجة حرارة المياه فيه مش لذيذ .. فيه زرار واحد تعملو اما ونتر او سمر

اقتباس:

---

المشاركة الأصلية كتبت بواسطة mhoreya

خلى بالك سخان توشيبا الكهرباء التحكم فى درجة حرارة المياه فيه مش لذيذ .. فيه زرار واحد تعملو اما ونتر او سمر

---

أنا كان عندي الأوليمبيك مكنش فيه تحكم في درجة الحرارة أصلا
ده لو التوشيبا فيه الأوبشن ده يبقى ممتاز :)

اقتباس:

---

المشاركة الأصلية كتبت بواسطة أبو آسر

أنا كان عندي الأوليمبيك مكنش فيه تحكم في درجة الحرارة أصلا
ده لو التوشيبا فيه الأوبشن ده يبقى ممتاز :)

---

مكتوب فى الكتالوج السمر درجة الحرارة 55 و الونتر 75

http://s2.postimg.org/i3fu2iy2x/20141113_185029.jpg

الاخ الفاضل صاحب المشاركة حياك الله
اختلف معاك شكلا وموضوعا فى اعتقادك بان السخان الكهرباء افضل عن تجربة حيث انى اتعامل مع سخان الكهرباء من بداية زواجى من عشرين سنة وبعد تغييره لسخان غاز من 8 سنوات وجدت المقارنة فى صالح سخان الغاز بلا منازع
اولا الماء الساخن متاح دائما وباى كمية
توفير رهيب فى الكهربا
واخيرا تحكم ممتاز فى درجة الحرارة و لا يوجد مشكلة ولكن العبرة بالنوع الذى تستخدمه
عند بدا مشروع توصيل الغاز للمنازل عملت دراسة سريعة على الانواع الموجودة وكان افضلها على الاطلاق من الصناعة المحلية هو تكنوجاز ستيل ويعمل بكفاءة منذ 8 سنوات
درجة الامان عالية جدا حيث يوجد به سينسور للغاز فى حالة التسريب يتم غلق الجهاز نهائيا
اتحكم تمام فى درجة الحرارة وكمية الماء حتى لا اسرف فيها والحرارة تبدا من 33 درجة ولا يوجد مشكلة
اعتقد المشكلة فى نوع السخان نفسه والله اعلم
تقبل تحياتى

اقتباس:

---

المشاركة الأصلية كتبت بواسطة lonedoctor

الاخ الفاضل صاحب المشاركة حياك الله
اختلف معاك شكلا وموضوعا فى اعتقادك بان السخان الكهرباء افضل عن تجربة حيث انى اتعامل مع سخان الكهرباء من بداية زواجى من عشرين سنة وبعد تغييره لسخان غاز من 8 سنوات وجدت المقارنة فى صالح سخان الغاز بلا منازع
اولا الماء الساخن متاح دائما وباى كمية
توفير رهيب فى الكهربا
واخيرا تحكم ممتاز فى درجة الحرارة و لا يوجد مشكلة ولكن العبرة بالنوع الذى تستخدمه
عند بدا مشروع توصيل الغاز للمنازل عملت دراسة سريعة على الانواع الموجودة وكان افضلها على الاطلاق من الصناعة المحلية هو تكنوجاز ستيل ويعمل بكفاءة منذ 8 سنوات
درجة الامان عالية جدا حيث يوجد به سينسور للغاز فى حالة التسريب يتم غلق الجهاز نهائيا
اتحكم تمام فى درجة الحرارة وكمية الماء حتى لا اسرف فيها والحرارة تبدا من 33 درجة ولا يوجد مشكلة
اعتقد المشكلة فى نوع السخان نفسه والله اعلم
تقبل تحياتى

---

أشكرك أخي الكريم
أنا هحاول محاولة أخيرة بخصوص ضغط المية هحاول أحل مشكلة تدفق المياه وأشوف هل المشكلة من الموتور أم من المواسير لو مسدودة وهكذا وأجرب تاني لكن نوع السخان معتقدش حد اشتكى من أوليمبيك وتكنوجاز من 8 سنوات ممكن يكون اختلف الأيام دي وعلى كل حال أنا خلاص اشتريت ويوم ما أفكر أغير السخان هغير سخانات الغاز كلها وهجيب كهربا يا إما أتأقلم على الموجود والأمر لله

ياجماعة افضل سخان بوتجاز فى مصر هو سخان المصانع الحربية
انا عندى طراز س 8
شغال زى الفل من حوالى عشرين سنة والحمد لله
يعمل على اقل ضغط ماء وبه صمام للتحكم فى ضغط الماء
الوحيد يعطيك مياه فاترة بدون خلط ماء بارد عليه وكمان ممكن تحصل على مياه درجة الغليان
فى ثوانى يعنى سهل التحكم فى درجة الحرارة
كمان اجزاءه المانى وتركيبه بسيط وقطع غياره متوافرة جدا ورخيصة جدا
يعمل على شمعه داخلية مشتعلة مستمرة يتم اشعالها بمولد شرارة الكترونى وليس ببطارية
وهى دى ميزته بينما جميع السخانات التى تعمل بالبطارية لا تعطيك مياه فاترة لان السخان مضبوط على تصريف كمية غاز كبيرة لكى تتمكن شرارة الاشعال من اشعال الغاز كلما قفلت وفتحت الصنبور كمان تحتاج ضغط ماء عالى ليشتعل السخان
عندما نزلت موديلات السخانات ذات الاشعال بالبطارية كان ثمنها اغلى من سخان المصانع عشان بنجرى مع كل جديد ولكن بمرور الوقت اثبت سخان المصانع تفوقه واصبح ثمنه اعلى من هذه الاجهزة الاخرى لكثرة الاعطال فى هذه السخانات مع عدم توافر وغلو قطع غيار ها كمثال رداخ صمام فتح وقفل الغاز الكاوتش بجنيه للمصانع خمسة للاخرى اذا وجدته
طبق ابرة فتح وقفل صمام الغاز خمسة جنيه فى المصانع مقابل 35 جنيه فى اولمبيك ده اذا لاقيته بالاضافة لسوء الخدمة بمركز الصيانة
ده عن تجربة عانى منها صديق لى عنده سخان اولمبيك

ملحوظه كمان لابو آسر سخانات الغاز منها البوتجاز ومنها الغاز الطبيعى ... متأكد ان الموجود عندك غاز طبيعى .. لان ده هياثر فى درجه الحراره لانك بنشتكى من بطئها ولو هو بوتجاز مثلا بيغيروا له حاجه كده زى الفونيا وبيشتغل غاز طبيعى

اقتباس:

---

المشاركة الأصلية كتبت بواسطة almohaor

ياجماعة افضل سخان بوتجاز فى مصر هو سخان المصانع الحربية
انا عندى طراز س 8
شغال زى الفل من حوالى عشرين سنة والحمد لله
يعمل على اقل ضغط ماء وبه صمام للتحكم فى ضغط الماء
الوحيد يعطيك مياه فاترة بدون خلط ماء بارد عليه وكمان ممكن تحصل على مياه درجة الغليان
فى ثوانى يعنى سهل التحكم فى درجة الحرارة
كمان اجزاءه المانى وتركيبه بسيط وقطع غياره متوافرة جدا ورخيصة جدا
يعمل على شمعه داخلية مشتعلة مستمرة يتم اشعالها بمولد شرارة الكترونى وليس ببطارية
وهى دى ميزته بينما جميع السخانات التى تعمل بالبطارية لا تعطيك مياه فاترة لان السخان مضبوط على تصريف كمية غاز كبيرة لكى تتمكن شرارة الاشعال من اشعال الغاز كلما قفلت وفتحت الصنبور كمان تحتاج ضغط ماء عالى ليشتعل السخان
عندما نزلت موديلات السخانات ذات الاشعال بالبطارية كان ثمنها اغلى من سخان المصانع عشان بنجرى مع كل جديد ولكن بمرور الوقت اثبت سخان المصانع تفوقه واصبح ثمنه اعلى من هذه الاجهزة الاخرى لكثرة الاعطال فى هذه السخانات مع عدم توافر وغلو قطع غيار ها كمثال رداخ صمام فتح وقفل الغاز الكاوتش بجنيه للمصانع خمسة للاخرى اذا وجدته
طبق ابرة فتح وقفل صمام الغاز خمسة جنيه فى المصانع مقابل 35 جنيه فى اولمبيك ده اذا لاقيته بالاضافة لسوء الخدمة بمركز الصيانة
ده عن تجربة عانى منها صديق لى عنده سخان اولمبيك

---

لو كنت أعرف الكلام ده قبل ما أجيب الأوليمبيك كنت جبته بس قدر الله وما شاء فعل
بس مش ممكن تكون جودته قلت عن 8 سنين فاتوا ؟؟

اقتباس:

---

المشاركة الأصلية كتبت بواسطة طارق _عبد السلام

ملحوظه كمان لابو آسر سخانات الغاز منها البوتجاز ومنها الغاز الطبيعى ... متأكد ان الموجود عندك غاز طبيعى .. لان ده هياثر فى درجه الحراره لانك بنشتكى من بطئها ولو هو بوتجاز مثلا بيغيروا له حاجه كده زى الفونيا وبيشتغل غاز طبيعى

---

السخان بييجي بوتجاز والفني بييجي يفك الفونيات ويوسعها علشان تشتغل غاز طبيعي وده اللي حصل فعلا عندي بس شكله وسعها زيادة عن اللزوم بقى ولا إيه مش عارف ! نفسي في مية فاترة بدرجة حرارة 32 أو 33 مش عارف :(

اقتباس:

---

المشاركة الأصلية كتبت بواسطة أبو آسر

السخان بييجي بوتجاز والفني بييجي يفك الفونيات ويوسعها علشان تشتغل غاز طبيعي وده اللي حصل فعلا عندي بس شكله وسعها زيادة عن اللزوم بقى ولا إيه مش عارف ! نفسي في مية فاترة بدرجة حرارة 32 أو 33 مش عارف :(

---

يا باشا ما هو ده اللي بوظلك الدنيا
توسيع الفونيا ده سمك لبن تمر هندي، المفروض السخان بيبقى نازل غاز طبيعي من الاول عشان ضغط الغاز يبقى متظبط.
حاول تكلم مركز الصيانة و قول لهم على المشكلة دي و المفروض الحاجات دي تبع الضمان و دي غلطه منهم و يغيروا الفونيا.

اقتباس:

---

المشاركة الأصلية كتبت بواسطة dr.karim emam

يا باشا ما هو ده اللي بوظلك الدنيا
توسيع الفونيا ده سمك لبن تمر هندي، المفروض السخان بيبقى نازل غاز طبيعي من الاول عشان ضغط الغاز يبقى متظبط.
حاول تكلم مركز الصيانة و قول لهم على المشكلة دي و المفروض الحاجات دي تبع الضمان و دي غلطه منهم و يغيروا الفونيا.

---

أعتقد السخان مش بينزل نوعين غاز وأنبوبة هو بينزل أنبوبة بس واللي عنده غاز بيوسع الفونيات والدليل إني وأنا بشتري الشركة مخيرتنيش بين نوعين والكرتونة نفسها مش مكتوب عليها نوع معين والفني الي جه ركب مقليش مجبتوش غاز طبيعي ليه
بس أنا هحاول مع شركة التركيب تاني أخليهم لو ينفع يضيقوا الفونيات مثلا أو يلغولي 2 من 5 زي ما قلت للفني قبل كده وقالي كده احنا بنخترع ! :)

اخى ابو اسر حاولت مراسلتك على الخاص بس موش عارف حضرتك مقفول ولا اية
اخى الفاضل انت تعلم معزتك وسبق ان تواصلنا من قبل على الخاص
لماذا لم تفكر فى السخان الشمسى فهو امن تماما من مخاطر الغاز وعلى المدى البعيد فهو امن تماما ومزود بهيتر كهربائى فى حالة عدم وجود شمس لايام متتالية ويمكن حضرتك زيارة موضوعى عن السخانات هنا فى المنتدى
على ان توافر رسالة جديدة واردة بعد اسبوعين
تحياتى

اقتباس:

---

المشاركة الأصلية كتبت بواسطة dedi

اخى ابو اسر حاولت مراسلتك على الخاص بس موش عارف حضرتك مقفول ولا اية
اخى الفاضل انت تعلم معزتك وسبق ان تواصلنا من قبل على الخاص
لماذا لم تفكر فى السخان الشمسى فهو امن تماما من مخاطر الغاز وعلى المدى البعيد فهو امن تماما ومزود بهيتر كهربائى فى حالة عدم وجود شمس لايام متتالية ويمكن حضرتك زيارة موضوعى عن السخانات هنا فى المنتدى
على ان توافر رسالة جديدة واردة بعد اسبوعين
تحياتى

---

أخي الحبيب
الخاص عندي شغال مش عارف ليه مش بيبعت معاك
بخصوص السخانات الشمسية أنا قرأت موضوعك بس المشكلة إنه أولا سعره عالي نسبيا عن السخانات الغاز أو الكهرباء يمكن أربع أضعاف على الأقل ثانيا بيحتاج مكان غالبا فوق سطح وأنا الشقة عندي مفيش إمكانية إني أحطه فوق السطح لأنه مقفول وأخيرا الموضوع ده لسة جديد ومش منتشر وأكيد هيكون في صعوبات عن الحاجات التانية المنتشرة وأنا مش من النوع اللي بيحب يخاطر لكن لو الموضوع نجح وانتشر أكيد هيكون هو الأفضل وساعتها هنجيبه إن شاء الله
أشكرك على اقتراحك وعرضك الكريم