انا عملت حادثه وبجد محتاج مساعدة

**essa** · 29-10-2008 11:02 PM

السلام عليكم :
انا معايا عربيه فيرنا موديل 2008 لسه جايبها من شهرين واتقلبت على الصحراوى ونقلتها على ونش وحططها فى جراج جنب مركز تأمين جنبى ومأمن عليها تبع الجمعيه المصريه التعاونيه !!
العربيه اتقلبت من هنا والجمعيه تانى يوم اعلنت افلاسها من هنا ولما روحت عرفت ان التعويضات شغاله قولت الحمد لله
عملت اخطار وخدت صورته وقالولى هنبعتلك مهندس خلال 48 ساعه فى مركز التامين اللى تابع لينا اللى هو جنب الجراج
, والراجل صاحب المركز هياخده الجراج ويقوله ان هى دى العربيه علشان يصورها
الغريبه ان عدى اسبوع كده ومحدش جه سأل فيها وكل مااسأل صاحب المركز حد جه يصور يقولى بكره وبكره يجر بعده وهكذاا
انا مش عارف اعمل ايه تانى ياريت المساهمه بالحلول
وبعدين كل اللى يجي يبص عليها يقولى هتتكهن وتدفع 10 % استهلاك وناس تقول 5 % وناس تقول 20% انا مش عارف ايه الصح من الغلط وناس تقولى ادفع للمهندس علشان مايرخمش عليك ويكتب تتصلح وهى لو اتصلحت هتبقى ال 28 انضف منها
يااااااااااااااريت المساعدة ياجماعا بجد علشان انا فى ورطة
انا مستنى الردود ........

**Dr.A.Nabil** · 29-10-2008 11:08 PM

قل لن يصيبنا الا ما كتب الله لنا

**essa** · 29-10-2008 11:13 PM

ماشى انا مؤمن بالله بس ايه الحل بقى اسيبها واقول ده قدر ربنا ولا امشى فى اجرائتها الصح وربنا يسهلها
مهو بردو ربنا بيقول اسعى ياعبد وانا اسعى معاك
انا مش طالب غير التوجيهات او لو حد يعرف حد هناك فى الجمعيه يقولى رقمه انا عايزها بس تتشال من مكانها علشان كل يوم بيتسرق منها حاجه مره وش كاسيت ومره مرايه الصالون ومره المساند لغايه ماهيجيلى شلل

**human** · 29-10-2008 11:23 PM

ادفع للمهندس
قرشك يفك زنقتك وينور طريقك

**essa** · 29-10-2008 11:26 PM

ايوه هو فين بقى المهندس اصلاااااااااااااا !!!!!!!

**pedooooo** · 29-10-2008 11:27 PM

بص انا برضه كنت مامن فى نفس الشركه العربيه كانت اتخبطت و كانت عايزه باب و رفرف وودوها التوكيل واتصلحت وانا دفعت الفلوس و قالولى هنطلعلك بيهم شيك وتصرفه بعد شهر وقبل الشهر ما يخلص الشركه اعلنت افلاسها المهم معلش طولت عليك فى مهندس هناك اسمه المهندس احمد صالح كلمه وشوف هيعملك ايه هو رقمه 0123600903 هو بجد راجل محترم اوى كلمه وابقى قولى عملت ايه

**essa** · 29-10-2008 11:32 PM

المشاركة الأصلية كتبت بواسطة pedooooo

بص انا برضه كنت مامن فى نفس الشركه العربيه كانت اتخبطت و كانت عايزه باب و رفرف وودوها التوكيل واتصلحت وانا دفعت الفلوس و قالولى هنطلعلك بيهم شيك وتصرفه بعد شهر وقبل الشهر ما يخلص الشركه اعلنت افلاسها المهم معلش طولت عليك فى مهندس هناك اسمه المهندس احمد صالح كلمه وشوف هيعملك ايه هو رقمه 0123600903 هو بجد راجل محترم اوى كلمه وابقى قولى عملت ايه

الف شكر يابيدو بس انا عندى مش خبطه دى قالبه ومش نافع فيها اى حاجه خالص لو عايزنى ارفعلكم صورها قولو بس انا خايف حد يروح فيها ولا حاجه
وكل اللى يتكلم يقولى انت هتدفع حق استهلاك للعربيه القديمه علشان يجيلك جديده وهى اصلا ماكملتش اربع شهور على بعض !

**pedooooo** · 29-10-2008 11:38 PM

طيب وانت لو هتدفع حق استهلاكها هيبقى فى حدود كام يعنى انت برضه لازم تكلمهم عشان تشوف هيعملو فيها ايه احسن من رميتها كده

**essa** · 29-10-2008 11:45 PM

طيب لو مثلا هدفع 10 % من تمن العربيه علشان استلم واحد تانيه جديده
ولا ادفع الفين جنيه واصلحها بس من رأيي انها حتى لو اتصلحت عمرهاا ماهترجع زى الاول
ولا ايه ياجماعا
وواحد يقولى ادفعلى خمس تلاف وانا هخلصلك كل حاجه واجيبلك عربيه زيرو تانيه غيرها وهوقفلك القسط بس ده شكله نصااااب اصلى
ايه الحل بقى انا مش اعمل ايه ؟؟؟

**HeMa_LanCeR** · 29-10-2008 11:47 PM

من الأخر لما هتدفع لمهندس التأمين هيعملك التلفيات اكتر من 50%
وهيغيرلك العربيه او تاخد الفلوس
وده علي كلام مهندس شغال في الشركه وهو صاحبي عموما
بس هو سابها علشان موضوع الافلاس ده