استفسار عن كيفية تشغيل follow me home للفلوانس 2014

**mohamedaghali** · 13-11-2014 03:18 PM

ياشباب محتاج مساعدة لتشغيل خاصية follow me home لانى مش عارف اشغلها ومافهمتش من الكاتالوج بتاع العربية اعذوروا جهلى انا كان معايا جيتا كانت شغالة الخاصية دى لوحدها واخوكم ساكن فى منطقة فاضية وضلمة تماما

**Hany Saad** · 13-11-2014 03:34 PM

المشاركة الأصلية كتبت بواسطة mohamedaghali

ياشباب محتاج مساعدة لتشغيل خاصية follow me home لانى مش عارف اشغلها ومافهمتش من الكاتالوج بتاع العربية اعذوروا جهلى

انا كان معايا جيتا كانت شغالة الخاصية دى لوحدها واخوكم ساكن فى منطقة فاضية وضلمة تماما

ألف مبروك حضرتك و تحت أمرك فى أى إستفسار
بعد ما تبطل العربية، شد الدراع النور ناحيتك (كأنك بترعش):
- شدة واحدة = 30 ثانية follow me home
- شدتين ورا بعض = 60 ثانية
- 3 شدات = 90 ثانية
- 4 شدات = 120 ثانية

و هتلاقى المدة مكتوبة فى شاشة العربية

الأفرس من كده كمان أنك من كارت العربية تدوس على زرار اللمبة و تعيش....دوسه تنور و دوسه هتطفى
و طبعاً لو سبته لوحده برده بيطفى
عايزين بقه أنطباعات عن الفلوانس مقارنة بالجيتا

تحياتى

**mohamedaghali** · 13-11-2014 04:22 PM

المشاركة الأصلية كتبت بواسطة hany saad

ألف مبروك حضرتك و تحت أمرك فى أى إستفسار
بعد ما تبطل العربية، شد الدراع النور ناحيتك (كأنك بترعش):
- شدة واحدة = 30 ثانية follow me home
- شدتين ورا بعض = 60 ثانية
- 3 شدات = 90 ثانية
- 4 شدات = 120 ثانية

و هتلاقى المدة مكتوبة فى شاشة العربية

الأفرس من كده كمان أنك من كارت العربية تدوس على زرار اللمبة و تعيش....دوسه تنور و دوسه هتطفى
و طبعاً لو سبته لوحده برده بيطفى
عايزين بقه أنطباعات عن الفلوانس مقارنة بالجيتا

تحياتى

تسلم ياباشا ربنا يكرمك طب مافيش اوبشن انها تشتغل باستمرار
بالنسبة للفلوانس والجيتا هى كل عربية ليها مذاقها الخاص ,الجيتا ثبات ومتعة قيادة لكن اعتمادية زيرو اعطالها ومشاكلها كتير
لكن الفلوينس اعتمادية وناعمة جدا فى سواقتها لكن ثباتها اقل من الجيتا بس ممتعة فى سواقتها واوسع من الجيتا .

**Hany Saad** · 13-11-2014 04:44 PM

المشاركة الأصلية كتبت بواسطة mohamedaghali

تسلم ياباشا ربنا يكرمك طب مافيش اوبشن انها تشتغل باستمرار
بالنسبة للفلوانس والجيتا هى كل عربية ليها مذاقها الخاص ,الجيتا ثبات ومتعة قيادة لكن اعتمادية زيرو اعطالها ومشاكلها كتير
لكن الفلوينس اعتمادية وناعمة جدا فى سواقتها لكن ثباتها اقل من الجيتا بس ممتعة فى سواقتها واوسع من الجيتا .

أعتقد اللى كان موجود عند حضرتك أو فى الألمانى عموماً هو ال Parking Light
يعنى و أنت نازل بتضرب أشارة يمين أو شمال و بتلاقى النور الخافت بينور ناحية الأشارة علشان العربية تتشاف فى الظلمة
الفلوانس بينور فيها النور الواطى الناحيتين و الفوجات و ال LEDs و الأنوار الخلفية....يعنى فرح
بس للأسف مش بتشتغل أتوماتيك لازم مانيوال
علشان تشتغل أتوماتيك لازم الخاصية دى توصل على حساس الأضاءة علشان يحدد الوقت صبح و لا بلليل و يفعل الخاصية بالليل فقط علشان يحافظ على طاقة البطارية و متبقاش شغالة كل مرة تفتح فيها باب العربية

أشكرك على أنطباعاتك و المقارنة ما بين الجيتا و الفلوانس

تحياتى

**yasser100** · 13-11-2014 10:45 PM

المشاركة الأصلية كتبت بواسطة mfraig

ياباشا dsg اموت وافهم ايه اللي بيهببوه في نفسهم ده :)))))))

و الله شاف الويل مع العربيه . كل شويه يشيلها على ونش و يطلع بها على التوكيل و لسه عامل بتاع 45000 كم بس . و كلها مشاكل فتيس من كليتشات لميكاترونيك .

**mfraig** · 14-11-2014 02:28 AM

المشاركة الأصلية كتبت بواسطة yasser100

و الله شاف الويل مع العربيه . كل شويه يشيلها على ونش و يطلع بها على التوكيل و لسه عامل بتاع 45000 كم بس . و كلها مشاكل فتيس من كليتشات لميكاترونيك .

انا فعلا قريت في قسم الفولكس ومش مصدق الهبل اللي هناك ده
ده كل الناس بتشتكي بنسبة 100% هي ازاي الشركه ده بتضرب سوقها كده
الفيتيس ده تحفه فعلا بس قدامه 3-4 سنين على مايستقر وينزل لكن حاسس انهم بيجربو في الناس

**mohamedaghali** · 16-11-2014 01:43 PM

المشاركة الأصلية كتبت بواسطة mfraig

انا فعلا قريت في قسم الفولكس ومش مصدق الهبل اللي هناك ده
ده كل الناس بتشتكي بنسبة 100% هي ازاي الشركه ده بتضرب سوقها كده
الفيتيس ده تحفه فعلا بس قدامه 3-4 سنين على مايستقر وينزل لكن حاسس انهم بيجربو في الناس

انا الجيتا اللى كانت عندى 2008 الفتيس القديم بس بردوا كانت فيها مشاكل الفتيس القديم معايا ومع ناس اصحابى عند ال80000 كم وشكرا بيحتاج عمرة فتيس او يتغير ده غير مشاكل تانى زى السخونة احيانا والعفشة عمرها الافتراضى قصير من الاخر الجيتا متنفعش فى مصر عايزة شوارع انضف ومراكز حدمة محترمة وفلوس لصيانتها