الموضوع: ارجو المساعدة ضرورى

المشاركة الأصلية كتبت بواسطة mo dayem

هيونداى اكسنت98 الى 2000 او كيا سيفيا 98 الى 2001

شكرا لحضرتك .. بس معلش كان ليا سؤال .. الاتوماتيك ايه نظامه ف الاتنين ... يعنى اجيب اتوماتيك ولا منيوال

المشاركة الأصلية كتبت بواسطة j a g u a r

ممكن لانوس او فيرنا او a516 بس مانيوال
ولو عاوز اوتو زود شويه وهات كريستاله او عيون

لا مؤاخذة بس انا ماعرفش ايه العيون دى... وبالنسبة للزياده فده هيبقى صعب شوية
بس عادى انا مش متمسك بأتوماتيك انا بس عاوز عربية كويسة لانها هتبقى اول عربية ليا ومش عاوز اتعقد .. فاهم قصدى

المشاركة الأصلية كتبت بواسطة j a g u a r

العيون اللى هيا كورولا 98

وطالما اول عربيه يبقى لانوس

انا اسف يا باشا بس سؤال اخير ... انا بفضل انى لو جبت لانوس اجيبها دايو مش شيفروليه
الاحسن بقى لانوس 1 ولا 2 وكمان فى لانوس 1 اتوماتيك هل بتبقى كويسة والفتيس بتاعها كويس ولا بلاش العب ف النقطة دى وخلينى ف المانيوال ... مع العلم انى فعليا اقتنعت برأيك وقررت اجيب لانوس واسف انى طولت عليك

المشاركة الأصلية كتبت بواسطة eng محمد

ممكن تويوتا كرولا المسطرة .. او ممكن لانسر كستالة .. او ممكن دايو نوبيرا احسن من اللاونس واوسع لو اسرة

النوبيرا انا عارف ان مشاكل العفشة بتاعتها كتير ... والكولا اللى حضرتك بتقول عليها دى و مع حد وباعها يبقى لا مؤاخذة مش بيفهم ...
المشكلة انى فعلا كده احترت وخصوصا ان حضراتكم كل واحد فيكم بيقول على نوع مختلف وانا عاوز ارسى على حاجة .. وفى ناس نصحتنى بحاجة اوربى تبقى انضف وانا بصيت على البيجو 206 وشكلها عاجبنى بس ماعرفش عنها حاجة .. فانا مش عارف اجيب ايه دلوقت
لانوس ولا بيجو 206 ولا ايه الاحسن عشان ماحترش انا ؟!!!