سؤال فنى مابين موتور a7 1600وموتور فنتازيا 1600

**zaza2020** · 17-11-2014 03:51 AM

المشاركة الأصلية كتبت بواسطة bob12345

يا باشا مبيعات vw ايه الاسوأ علي اطلاق دي

اه طبعا ياباشااا

لو عندك دليل عكس الكلام ده اتفضل اثبته .. انا معنديش اى مانع ولا اى مشكله بس انا بتكلم على السوق ومحركته ومبيعاته واتجاه الشراء لانى فئات وموديلات

لما انزل عند المصريه وسمير ريان والقرش والليثى b auto وكلهم اجمعوا ان شراء vw على استحياء بشكل كبير وانهم مش زى الاول فى المبيعات وان السبب الفتيس السئ لان فى كذا واحد اشترا وقفش منه ولسه العربيه معملتش 200 كيلو

انت بقى لو مكان حد معاه 240 او 270 الف رايح يشترى vw هتعمل ايه ؟؟؟؟

**Mostafa Hamoda** · 19-11-2014 10:25 AM

المشاركة الأصلية كتبت بواسطة شاهين - بنز

الفروقات إللي مابينهم بسيطة جدا ، لاتذكر
ومن إللي فهمته من تجارب الأعضاء إن العربية بطة زي الفانتازيا وممكن أكتر كمان
التوكيل نزل متور tsi جاحد وحول العربية من بطة لصاروخ أرض جو ، من عربية مش قادرة تسد مع الفيرنا لعربية بتحط على bmw الفئة الثالثة والمرسيدس ال سي كلاس ، لكن للأسف العملاء رفضوا قالوا لأ وتشبثوا بال ١.٦ وقالوا dsg لأ !!! طب إشمعنى عملاء فولكس ماعترضوش وعربياتهم الdsg كلها مكسرة الدنيا
آسف لخروجي عن الموضوع لكن موضوع الأوكتافيا إللي كانت tsi ١.٤ وتحولت ل ١.٦ وبرغبة العملاء كمان شايفها أغرب حاجة حصلت في السوق المصري لعام ٢٠١٤

مش حاجه غريبه ولا حاجه الطرق فى مصر وخاصه فى القاهره و الجيزه والقليوبيه مينفعش فيها التربو و مينفعش فيها الجرى عشان الزحمه و التربو بتبوظ من المش البطىء عشان معموله للجرى
علشان كده الناس فضلت الماتور 1600

**a7m8n** · 20-11-2014 09:09 AM

المشاركة الأصلية كتبت بواسطة makarhn

هههههههههههههههههههه صدقنى حضرتك راجل زى العسل
واحب اقولك انى معاك فى كلمة قولتها

معلش ياباشا انا مش معاااك الفتيس فيه مشكله ده واضح جدا والكلام ده لحد السنه اللى فاتت
حط نفسك مكان الناس اقل عربيه بيندفع فيها 200 الف جنيه ولا وكيل فولكس ولا سكودا راضيين يدو ضمان على الفتيس يريح بال الناس

**M.Elwan** · 21-11-2014 12:06 AM

المشاركة الأصلية كتبت بواسطة Mostafa Hamoda

مش حاجه غريبه ولا حاجه الطرق فى مصر وخاصه فى القاهره و الجيزه والقليوبيه مينفعش فيها التربو و مينفعش فيها الجرى عشان الزحمه و التربو بتبوظ من المش البطىء عشان معموله للجرى
علشان كده الناس فضلت الماتور 1600

المشكلة مش في التربو ومفيش شكوي من العربيات الtsi سواء كانت سكودا او vw كانت فيهم مشاكل في التربو او الموتور بشكل عام المشكلة منحصرة في الفتيس dsg فقط

ثانيا الBMW تربو مفيهاش مشاكل البيجو 508 تربو مفيهاش مشاكل والفولفو تربو مفيهاش مشاكل
عمر التربو ما كان مشكلة

**zaza2020** · 21-11-2014 02:38 AM

المشاركة الأصلية كتبت بواسطة m.elwan

المشكلة مش في التربو ومفيش شكوي من العربيات الtsi سواء كانت سكودا او vw كانت فيهم مشاكل في التربو او الموتور بشكل عام المشكلة منحصرة في الفتيس dsg فقط

ثانيا الbmw تربو مفيهاش مشاكل البيجو 508 تربو مفيهاش مشاكل والفولفو تربو مفيهاش مشاكل
عمر التربو ما كان مشكلة

حضرتك بتتكلم صح فى جزئيه الفتيس هو المشكله

بس فى مشكله على الامد البعيد بخصوص التربو ان نسبه انضغاطه كبيره ومع الاستخدام الطويل بيجيب وش سلندر

وفى تقارير اوروبيه ومواقع بتقول كده .. يعنى مش كلام فتى وهرى وياريت كلنا نعمل بحث وندور فى حقيقه مواتير التربو وشكرا
تحياتى

**M.Elwan** · 22-11-2014 03:45 PM

[QUOTE=zaza2020;3875825289]حضرتك بتتكلم صح فى جزئيه الفتيس هو المشكله

بس فى مشكله على الامد البعيد بخصوص التربو ان نسبه انضغاطه كبيره ومع الاستخدام الطويل بيجيب وش سلندر

وفى تقارير اوروبيه ومواقع بتقول كده .. يعنى مش كلام فتى وهرى وياريت كلنا نعمل بحث وندور فى حقيقه مواتير التربو وشكرا
تحياتى

طبعا كلامك صح نسبة انضغاط التربو عالية وممكن تعمل enginne knocking خصوصا مع البنزين باوكتين قليل زي عندنا بس الحمدلله كل العربيات -من سنة ٢٠٠٠ او قبل كده مش فاكر بالظبط السنة- اللي ليها higher cr بقت بتستخدم
knock sensors to delay ignition timing كتجهيز أساسي لحماية المواتير علي المدي الطويل